هل شهادة الميلاد مطلوبة في المطار او الملحقية؟؟ لان حقتي ضاايعة!!!!

السلام عليكم..

أنا مبتعثة جديدة ان شالله..

بس قعدت اقرى عن المستندات المطلوبة هنا ف المنتدى لقيت من ضمنها شهادة الميلاد و تطعيمات !!!

منجدهم ولا يستهبلوا!!!

ولا هذي للأطفال ولا ايش؟؟ بعض الناس كاتبين ان للطالب والمرافق.. يعني بابا من فين اطلع شهادة ميلاده!!

حتى أنا شهادة ميلادي ضايعة مع ان كل إخواني تبعهم موجودة!!
و مطلوب تصديقها من وزارة الخارجية و شغلللللة..

ف الزبدة.. ياللي قد سافروا اول مره .. في اجراءات المطار و الملحقية.. ايش الاوراق المطلوبة و المطلوب ترجمتها من الان ... الله يخليكم ضروري قبل مااسافر و اتورط..

أنا الصراحة ما اعتقد ان شهادة الميلاد ضرورية.. بس احيانا الناس يزودوها و يعقدوها وهي بسيطة..

فابغا كلام عن تجربة

يعطيكم العافية

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بالنسبة ليا أنا في امريكا بس اني على حسابي الخاص
إلى الحين ما احد طلب مني شهادة الميلاد
ممكن يطلبون منك شهادة التطعيم عشان يشوفو التطعيمات اللي اخذتها او يعطوك التطعيمات في امريكا

اكبر استفهام في المنتدى

لا ياعزيزي لا تطعيم ولا شهادة ميلاد ؟ انت مقدم علي هجرة ولا جنسية ولا دراسة

اذا دراسه هم يبغوا الورق الاخضر ( $$$$$$ ) محد يبغي يعرفك اصلا ... فهمتني

مشكورين

خلاص بطنشها مالي و عوار الراس
:)

السلام عليكم اقري الكتاب الي اعطونا اياة في الملتقى شهادة الميلاد وكرت التطعيم مطلوبة من الملحقية عشان فتح ملف..
وترى امرها سهل طلعي بدل فاقد... الله يكتب لك الي فية الخير اتمنى افدتك انا مارحت للحين لامريكا لكن قريت الكتاب وفية كل شي اقرية عشان تستفيدي..

شهادة الميلاد مطلوبة فقط للاطفال لكي يدخلوا المدارس

غير كذا محد يطلبها

شهادة التطعيم قد تكون ضرورية ، الى الان ما احتجت شهادة الميلاد بس احتجت شهادة التطعيم
معهدي القديم ما طلب مني شي لما سجلت ، بس لما حولت طلبوا مني شهادة التطعيم وشافوا ايش التطعيمات اللي لازم تناخذ وهل انا ماخذتها قبل او لا ..
ولو ما عملت هالشي كانوا بيعطوني هولد وما اقدر اكمل التسجيل ، بدليل اني ما قدرت اسجل موادي الا لما شيكت الريجسترار على هالشي - بحكم ان العيادة تابعة للجامعة فسيستمهم واحد - يعني لو لا سمح الله وما كانت عندي ، كنت بتعطل الله اعلم الى متى
الزبدة ، انه شهادة التطعيم حاولي تدبرينها ، لان احتمال انهم يطلبونها وارد

لا ماهيب مطلوبة لا تطعيم ولا ميلاد
بس للاطفال فقط عشان الحضانات والمدارس

انا ماعندي شهادة تطعيم

اصلا اول مره اسمع بهالشي انه موجود بالحياه!!!

من وين اجيبه؟!

دامه ضروري <<<ودها تصيح :)