تقرير وصلنا الى واشنطن ولله الحمد ( الجمعه 28/1)

الله يوفقك يالماء البارد انا استدفت كثير من اسئلة الشباب وردودك المفيده جدا


الله ييسر امورك ويجزاك الف خير ويكثر من امثالك

ريلام ممكن اعرف اختي رايحه اى ولايه

انا يا طويل العمر ما ابغى اسحب شهادتي من جامعة الملك عبدالعزيز اللي انا ادرس انتساب فيها لسبب واحد الا وهو
اني باحاول اكمل السنتين اللي باقيتلي ،كيف؟؟؟؟
بأحاول انسق جدولي بحيث وقت اختبارات الجامعة ارجع السعودية اختبر وارجع وبكده اكون ضربت عصفورين بحجر،
اخد بكالوريس من هنا ومن هناك أو لو خلصت الجامعة هنا قبل بداية الدراسة الاكاديمية في امريكا ممكن ادخل ماستر على طول...،
ايش رأيكم؟؟؟

مبروك الشقه ومسكن السعاده يارب.
كيف نضام الايجار وكيف نضام العفش مقصدي بكم اقدر اخذ عفش لشقه اذا كانت غير مؤثثه
وكيف تعامل الامريكان من حوالك بصفه عامه
وشكرا"

كفو يا الماء البارد

متعاون وتستاهل كل خير وانا كل ماقريت ردودك كل مادعيت لك

ماعندي اي سؤال بس حبيت اعلمك اني دعيتلك ههههههه

السلامـ عليكمـ .. أخي الكريم الماء البارد باركـ الله في جهودكـ لمساعدة الآخرين ~
بالنسبة لإيجار الشقة ماهي المتطلبات لإستجارها من أوراق رسمية و كم مبلغ التأمين وهل تستلم الشقة على الفور أم عليكـ الإنتظار؟!
هل يتطلب فتح الحساب في البنكـ ورقة تعريف من المعهد؟!

شكراً مقدماً .. طابت أيامكـ

روح يآبآشآ ,,,, ربنآ يوفـئـك

انا رجعت << ياني قروشة

اخوي انا باقي على رحلتي 10 ايام من اليوم و اتمنى انك تفيديني لاني على اعصابي ... :


1 / هل هذا نفس الباص الي جا اخذكم من المطار للفندق ( دابل تري ) ؟



ولا نفس الباصات العادية الي عندنا ؟ ولا ميكروا باص ؟ طيب شنطكم السائق ياخذها و يحطها في مكانها المخصص ولا تسووا فيها زحمة جوة الباص ؟

هذا باص الفندق ... اللي جانا باص الملحقيه وهو عبارة عن فااان لونها ازرق .. والشنط توصلها انت برا وهو يحطها بمكانها ..
2 / وهل باص الفندق بيوصل كل دفعة ؟ يعني مثلا كل ساعة يتحرك يوصل الاشخاص للفندق و يرجع ، او السائق ينتظر اكتمال الباص ثم يمشي للفندق و يرجع ؟ اذا بينتظر اكتمال الباص عز الله طولنا اذا فيه ناس بيتجلس 6 ساعات في المطار !!

زي ماقلت الملحقيه تشيل اللي قدامها وتمشي وبعدين يرجع لأن المسافه كلها 30 دقيقه رايح جاي ...
3 / و بعدين بالنسبة للطلاب الدارسين على حسابهم الخاص لما دخلوا الفندق اول ما وصلوا ، هل كان فيه اي فرق بينهم و بين المبتعثين ؟ مثلا قالوا لهم انتظروا الين يخلصوا المبتعثين من تعبئة الاوراق ولا كلهم سوا ؟

لا كلهم سواااااااء ..
4 / لما دخلت الفندق هل كان فيه زحمة طلاب ؟ يعني في دفعات طلعت قبلكم من المطار و وصلت للفندق ؟
لا لاتوجد زحمه وانما اعداد عاديه ممكن كنا 12 طالب ... وبعض الايام يكونون 30طالب ..لكن مالك فيهم عبي اوراقك وتوكل على الله
5 / هل شفت سائق الملحقية ياخذ احد الطلاب الي على حسابهم الخاص للمحلقية ؟ او يقول لهم ممنوع ؟ لاني خايف يضيعوا اوراقي مثل 2 من اصحابي و يقهروني !!!
الملحقيه ماحد يروح لها ... الا اذا تبي ترووح على حسابك مسافة 45 دقيقه وتكلفة 100 دولار رايح جاي ...
لأنه فيه واحد سعودي يلقي محاضره عن كيفية تعبئة الاوراق يقولو ماحد يرررررررررروح والباص مايجي ..

6 / هل ممكن ادخل الفندق ثم استأجر الغرفة و بعدها اطلع احط اغراضي و انزل اكمل اوراق الملحقية ، او اول شي اخلص اوراق الملحقية و اطلع لغرفتي ؟

ممكن.... لكن لي العفش عند الاستقبال وعبي اوراقك ماتكمل نصف ساعه .... وروح استأجر لك براحتك
7 / هل الفندق في منطقة امنه ؟ يعني ممكن انزل و اتمشى يعني من الصبح الين العصرية ثم ارجع ؟ لاني بجلس تقريبا من يوم 23 ( الاربعاء) الي يوم 27 ( السبت )

نعم آمنه يمديك تطلق رجولك مثل ماتبي ...
8 / التوصيل من الفندق للمطار هل هو على حساب الفندق و مجاني او يلزمني ادفع لهم ؟ وهل اخبرهم اني ابغى اطلع من الفندق الساعة الفلانية ( قبل طيارتي ) و هم يوصلوني له ؟

مجاني ... وقبل لاتطلع بربع ساعه عطهم علم انك بتروح للمطار ...

9 / هل كان فيه تعقيدات و تفتيش و اي مشاكل لما كنت بتسافر على رحلتك الداخلية ؟ و كم اخذت وقت وانت تنتظر علشان تحط عفشك و تدخل للصاله الداخلية و تطلع الطيارة ؟ ترا انجليزتي ماشي حالها ( اداقش فيها ) لكن كيف اعرف البوابة يعني لما يتكلموا في المكيروفونات و يعلنوا عن الرحلة اصواتهم واضحة ولا مثل مطار ابو عزة عندنا لا ماكروفونات ولا غيره كله بالصراخ

ههههههههههههه الله يرجك وين ابوعزه الله يرحم الحال ....

مافي تعقيد ولا أي شي ابد ... اللهم الوزن الزايد ..

اول ماتعطيك البوردنق تقول لك حط العفش من هنا وروح انت من هذي البوابه وبس ...

ابوعزه الموظف اللي يقص البوردنق عنده جمييييييييييييييييييييييع المدن ولايدري وين البوابات واذا سألته قال اسأل العسكري وياقلب لاتحزن من العسكري
10 / انا عملت الحجز بنفسي عن طريق موقع الخطوط السعودية ، و انا رحلتي ( جدة - الرياض ) ثم ( الرياض - واشنطن ) .. هل البوردنق تبع الرحليتين اقصه من المطار ولا ممكن اقصة من النت ؟ قبل موعد الطيارة بكم ساعة اروح للمطار؟ مابي ادخل بزحمة تبع الشنط ؟ و كم الوقت الي اخذته وانت في السرا علشان تحط شنطتك في الشحن؟ هل تكفي لو اني اروح قبل الطيارة بـ 5 ساعات منها احط شنطتي بالشحن و ادخل اجلس في صالة الانتظار ! << اهم استفسار

الافضل لك تقص من المطار لأن معاك عفش ... والبوردنق مع بعض من جده يعطونك اياه ...

بالنسبه لوقت قص البوردنق تقدر تقول ساعه فقط بالسراااااااااااا ...

ممكن تروح قبل 3 ساعات ونص ... انا سويت كذا بمطار ابوعزه ...
11 / هل ممكن اطبع البوردنق عن طريق موقع الخطوط السعودية ، او اني اروح بنفسي للمطار و استخدم مكائنهم الي مثل مكائن الصراف ؟

لاياحبيبي انت معاك عفش لازم من عند المطار لأن العفش يحتاج وزن ... ويعطيك رقم للشنط زي منت عارف ..

12 / و بعدين اي صاله اروح ؟ هل اروح الصالة الجنوبية ( الي قريبة من العرب مول ) او اروح للصالة الشمالية الي في طرق المدينة ؟

الصاله العاديه للطيران الداخلي .. كانك رايح للرياض ولا الدمام اي صاله تررروح لها ... فاكرها ..
13 / في مطار جدة انا شفت فيه تطور صراحة ممتاز يعني انترنت و شكل الصالة يفتح الناس ، هل ممكن استخدم لابتوبي ولامنه خلصت البطارية ممكن اشبكها في افياش الكهربة و اشحن الابتوب ولا الايفون .. الخ ؟

ممكن ... اشبك تبى تبات بالمطار كلها ساعه وانت بالطياره ان شاء الله ...



...................

اسف على الاطالة لكن هذه اهم 11 سؤال تحضرني قبل موعد السفر ، ارجوك في حالة ان عندك نصائح تنصحني فيها فأرجوك زودني بيها

اي 11 سؤال ياباشا ... وصلنا لل14 وانت باقي على ال11 ... ترا هنا ماينفع الكلام دا 11 يعني 11 مو 14

وانا حاضر ياباشا ... الا وش صار على الهوندا تبعك ؟؟؟