الأعضاء الإشتراك و التسجيل

الملتقيات
ADs

شباب أمريكا ... طريقتي هذي صح ؟؟؟

شباب أمريكا ... طريقتي هذي صح ؟؟؟


NOTICE

تنبيه: هذا الموضوع قديم. تم طرحه قبل 3763 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية ملك المنتديات
    ملك المنتديات

    مبتعث مستجد Freshman Member

    ملك المنتديات غير معرف

    ملك المنتديات , تخصصى مدقق رواتب , بجامعة الملك عبدالعزيز
    • الملك عبدالعزيز
    • مدقق رواتب
    • غير معرف
    • جدة, الرياض
    • غير معرف
    • Jun 2007
    المزيدl

    August 26th, 2007, 04:21 AM

    شباب أنا خريج لغة انجليزية ومعدلي 2.61 من خمسة:107: وعندي خبرات في الإدارة والأعمال البنكية والمالية بالإضافة إلى دبلوم محاسبة (سنة) وطالع على حسابي لأن الوزارة تقول ((ضف وجهك انت ومعدلك)):121: .... وقررت التالي :

    1- أسجل بمعهد els ببتسبرج, بنسلفانيا
    2- أنهي إجراءاتي النظامية من ترجمة وتصديق وتأشيرة ووو....
    3- أدرس شهرين .. ثلاثة .. بمعهد اي ال اس بتسبرج على حسب
    4- خلال فترة الدراسة أعمل على حاجتين :
    أ ) البحث عن قبول في جامعات أمريكا في أحد تخصصات الأعمال
    ب) أقدم للانضمام للبعثة

    هذي كانت نصيحة مجموعة من أعضاء المنتدى .. وأشوفها مناسبة لأسباب :

    أولا : البحث عن قبول جامعة من هنا بهذا المعدل التعبان ((( صعبة )))
    ثانياً : إيجاد قبول من أمريكا أسرع وأفضل بحكم انك ممكن تشوف الجامعة بنفسك ..

    طريقتي هذي صحيحة ولا للمتميزين منكم رأي آخر ...؟؟؟


    آمل إفادتي وإفادة الجميع .... والتفصيل في هذا الموضوع يخدمني:89:
  2. ملك خطة حلوة وسووها ناس كثير ومشوا لكن اللي انصحك به حاجتين

    اول شي دامك تدرس على حسابك اختر مدينة رخيصة ومعاهد els حلوة ومنتشرة

    الشي الثاني اول ماتجي تكون محضر معك معاريض وتقدم واحد على السفير وواحد على الملحق الثقافي وكلهم فيهم خير انشاء الله

    بالتوفيق انشاء الله وبالنسبة للقبول انا في شيكاغو وعندي 13 جامعة ارسل لي اوراقك وانا باشوف لك جامعة تقبلك

    خالص التحيات
    7 "
  3. فتى يام ...
    أنا خوياي من يام واجد ...

    مافيهم ردي ..
    ماتقصر .. وما نستغني ...
    وبارسل لك أوراقي بإذن الله في وقتها ...


    بالنسبة لخوتك فشرف طال عمرك وكلنا اخوان

    اما بالنسبة لاوراقك فارسلها لي على ىراحتك وانا فاتح خدمة الارسال على الايميل ,,,

    وماعليك زود على الكلام الطيب وماهو غريب الطيب من منبع الطيب
    7 "
  4. لحظة اخوي
    اول شي معاهد ELS زبالة + غالية اختر غيرها احسن لك
    ثانيا انت تقول تجلس شهرين ثلاثة تدرس لغة وتدور جامعة تقبلك
    اخوي لاتستعجل الامور مو بهالسهولة خصوصا للماستر
    اول شي مافيه اي جامعة راح تقبلك بدون التوفل او الايلتز
    يعني اذا افترضنا ان 3 شهور كافية لك بحيث تجيب درجة 550-580 بالتوفل احسبها كالتالي:
    3 شهور لغة + بعدها تختبر + بعدها بثلاث اسابيع تطلع النتيجة
    يعني تقريبا بعد 4 شهور تقدر تبدا تراسل الجامعات تشوف لك قبول
    القبول مو سهل خذني جيتك زي التسجيل في دورة كمبيوتر في معهد بجدة , الشغلة فيها ديدلاينز يعني لازم تقدم على الجامعة قبل البرنامج بثلاث شهور تقريبا وبعض الجامعات اكثر!!!!
    لاتستعجل وروق البعثة مو طايرة اول شي ادخل مواقع الجامعات شوف البرامج الاكاديمية ومتى تقفل القبول ووووو
    بعدين ترا اغلب الجامعات تطلب اختبار اسمه GMAT بالاضافة الى التوفل,, حط هالنقطة في باللك
    وهذا صعب حتى الامريكان مايفلحون فيه
    نقطة ثانية وهي اذا بتاخذ زوجتك معك, انصحك تدرس اللغة في السعودية ومنها جيب التوفل وتروح لامريكا مرة وحدة ماستر
    ليش؟
    لأن الهدف من دراسة اللغة في الخارج هو اتاحة الفرصة لممارستها خارج االمعهد , وانت اذا معك اهلك فقدت هالميزة وضيعت دراهمك على الفاضي لأنك تطلع من المعهد تروح لاهلك وسوالفك كلها عربي
    يمكن ماتصدق اذا قلت لك اني اشوف طلاب في امريكا هنا لهم سنة ونص تقريبا ومايعرفون يركبون كلمتين على بعض !!!!!!

    يعني ادرس بالسعودية لغة ووفر 80% من قيمة دراستك برا غير كذا انت تشتغل بالصباح وتجمع لك فلوس تفيدك ويمديك تخطط على رواقة
    بينما لو رحت برا اول شي انت ماضمنت القبول وممكن تكون فاصل من وظيفتك وترجع وانت مرهق لانت اللي درست ولانت اللي رجعت لوظيفتك!! وغير كذا ضيعت دراهمك
    من ناحية الانضمام للبعثة فبالنسبة للماستر مدري عنه, بس للبكالريوس تطلب الملحقية اكمال 45 ساعة دراسية في الجامعة غير اللغة وبعدين يضموك
    اذا تبي رايي ومصر على الدراسة
    شوف لك بريطانيا او استراليا
    لأنهم اسهل في القبول خصوصا بريطانيا من نالحية اللغة ومايطلبون اختبارات تعجيزية مثل GMAT
    وقبولها سهل جدا ولهم مكاتب في السعودية ممكن تكلمهم وتشوف القبول !
    ادري يمكن كلامي يسوي لك احباط بس والله ماقلته الا مابيك تضيع وتغامر وتضيع فلوسك
    فقط ادرس الموضوع بالاول بعناية ولاتستعجل لاحق على الدنيا
    تحياتي واتمنى لك التوفيق
    7 "
  5. أهلين أخوي,,
    كلام الأخوان منطقي
    وانصحك انك توفر القبول من بدري
    يعني مجرد تفتح حساب في الملحقية للدراسة على الحساب الخاص
    يكون معاك قبول معهد + قبول الجامعة
    لأنه عندما يتم النظر في ورقك والحاقك يفضل أن يكون لديك قبول جامعة
    ولا يتأخر الحاقك

    وياليت تقرأ جميع الردود والرد السابق لردي جداً حكيم وربما فيه فائدة
    وانصحك لو تجرب تخلي المدام هي تقدم على بعثة وتطلع مرافق معاها
    برضة فكرة

    بالتوفيق للجميع
    7 "
  6. مشكورين على الردود المتميزة .... جميعاً

    أخوي باتريوت ... شوي وتقول : اجلس في بيتكم .. بلا ابتعاث بلا هم ! خوفتني يا ابن الحلال !

    يعني أكثر من 600 جامعة أمريكية ما فيها قبول ؟؟؟؟؟؟؟؟؟؟؟؟؟؟؟؟؟؟ تفاول بالخير ...
    عموماً : ما قصرت، وجهة نظر وفي محلها
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.