الآمريكان والبخشيش !!!

أذا عجبك المطعم وناوي ترجع له مره ثانيه بخشش لكن في حالة أن الأكل ما عجبك ادفع احسابك وانصرف هههه

التب حاجه مهمه في امريكا لان اكثر الويتر عايشين عليه ..
بس اذا خدمته او خدمتها مش ولا بد مو من الضروري تعطيه/هــا
والتب يجيك بالفاتورة مكتوب TIP تكتب كم تعطي وتجمعه مع القيمه وتكتبه تحت وتوقع
بالتوفيق

مو لازم تعطي بخشيش ، لكن اذا بتتردد علي المطعم كثير انصحك تعطي النادل لو ( دولار فقط ) اما اكثر من كذا خلية ينشطب !! مو معقولة اعطية 5 دولار علي طلب ب10 دولار

نعم كلامك صحيح أختي rozzz والدولارات حنا أولى بها خصوصا وقت الزنقات
وإذا الواحد عنده وقت فالأفضل انه يسوي اكله بنفسه وإذا وقته ما يسمح له الله يعينه على المطاعم

ويا ليت يا أخت rozzz تفردين لنا موضوع ويا حبذا مزود بالصور إن استطعت عن الوجبات المنزلية السريعة التحضير وكيفية إعدادها والوقت اللي تحتاجه لحين إعدادها


نعم أخي إياد إذا البخشيش في حدود الدولار أو دولارين لا بأس به كنوع من الشكر لتقديم الخدمة الممتازة أما أكثر من ذلك فأرى أنه مبالغ فيه نحن أولى به

البخشيش مو شيَ مفروض عليك ، بس هو عبــآرة عن مدى ـآ رضــآك بآلآكل والخدمةة وتعطيهم على ـآ حسب ..~

الويترز يعتمدو على هدي التيب عشان يعيشو...لازم يدفعو التاكسيز حقهم من التيبز الا ينعطو اياها
ادا انت ماعطيتهم تيب وواحد ثاني ماعطاهم تيب في التاكسيز لازم يدفعو مبلغ معين من التيب الا المفترض انهم حصلوه...فاذا ماعطيتهم ولا احد عطاهم بالتالي هم بيدفعو من جيبهم...واحد شبهه كانهم يدفعو عشان اكلك انت.
وصراحه من شفت هدا الفيديو عورني قلبي حبتين...ماكنت ادري عن هدا الشي

[ame="http://www.youtube.com/watch?v=7QMZ8GSDmYI"]YouTube - Oh, YOU DON'T TIP?![/ame]

انصحكم تشاهدوده...ماعليكم من عباطته بس خدو المغزى من كلامه :P

اقووول لاتقعدون تهايطون على حسابكم حتى عالاجانب هذا شغله الاساسي يقدم خدمه وياخذ راتب عليه يعني كذا احنا نعطيهم على انهم قامو بشغلهم وبعدين اذا انت تروح المطعم دايما بتقعد كل مره تعطي يعني مايكفي خسارتك في الاكل اللي طلبته على ايش تعطيه على انه جابلك الصحن للطاوله والا دق لك على تكسي يلعن ام الدلع فاضيتلهم والله وشوف كل واحد كم يعطيهم مكلفين فيهم أجل أنا ادرس خل احد من دكاترتهم يعطيني ربع دولار على اني اداوم كل يوم!!كذا احنا ننمي عادات سيئه وفي السعوديه مانسوي كذا والله شعبنا اولى المساكين محد معطيهم وجه وبعدين ممكن تعطي مره مرتين بس الى متى انا اشوف نعطي الناس اللي فعلا بحاجتها فيه احوج منهم عالاقل ذولي يشتغلون في مكان مكيفواذا كنت من النوع اللي تنحرج قبل الشخص مايقدم لك الخدمه تقدر تقول لا شكرا انا بسوي الشي الفلاني

انا عن نفسي اقول صفهم
فلوسك انت اولى بيها صراحه
انا عن نفسي مااحط اللا نااااااادرا
لما اشوف ان الانسان اللي قدامي سوا شغل مو شغله بس عشان يخدمني واحس انو محتاج
ولو بسيب تب في مطعم ولامكان اخلي بس الكوينز اللي مااحتاجها ومالها قيمه
وفي المطاعم اصلا ماخدين فلوس الخدمة حقتهم يعني ماخدين حقهم تالت ومتلت
صراحه وفر فلوسك لنفسك لانك لو حسبتها كل مرة 5+5....الخ بتطلعلك اخر الشهر حسبة لوحدها
وخليها في بالك....انت منت مجبــــــــر