موضوع مهم بطاقات صراف الفيزا والماستركارد ارجوا التفاعل
ياشباب وبنات اللي في امريكا الحين
شفت مواضيع تتكلم عن ان بطاقات الائتمان الصادره من السعوديه ماتقدر تحاسب فيها في بعض الاماكن ولا تقدر تسحب كاش وتتعلق العمليات عليها
سؤالي للكل
اللي عنده بطاقه ائتمان ( فيزا, ماستر)
ارجوا انه يتفاعل معنا ويخبرنا بتجربته وهل حصل له مشاكل في استخدامها
ودمتم
اخوكم محـــــــــــــــــــــــــــــمد
رد: موضوع مهم بطاقات صراف الفيزا والماستركارد ارجوا التفاعل
السلام عليكم,,
والله يا أخي أنا ماعندي مشكلة مع بطاقة الفيزا حقتي, صادرة من البنك السعودي البريطاني SABB, وأستخدمها هنا في أمريكا بكل يسر وسهولة ومقبولة كل مكان, بس تاكد إنها تكون بإسمك يعني مو تستخدم بطاقة الوالد أو أحد الأقارب, يعني طلع لك بطاقة تابعة لبطاقة والدك أو والدتك إذا ماقدرت تطلع لك وحدة من حسابك الخاص, وتأكد أيضا أن يكون الإسم فيها مطابقا لإسمك في الجواز.
بالتوفيق,,
رد: موضوع مهم بطاقات صراف الفيزا والماستركارد ارجوا التفاعل
انا معي فيزا دايم اشتري فيها من عدة محلات ولامرة صارت مشكلة :)
رد: موضوع مهم بطاقات صراف الفيزا والماستركارد ارجوا التفاعل
شكرا للتفاعل
بس ياتاتريوت هل حاولت تسحب كاش ومن اي بنك بطاقتك
لان في احد المواضيع المثبته اعلاه بنات يقولون ان بطاقاتهم ماتمشي معاهم
ياريت التفاعل للفائده العامه
رد: موضوع مهم بطاقات صراف الفيزا والماستركارد ارجوا التفاعل
لاوالله ماحاولت اسحب كاش, اصلا هي بطاقة شراء مو اسحب منها كاش:)
ومطلعها من الراجحي
مرة سحبت كاش من بطاقة ثانية عادية debite من الراجحي برضو :)
رد: موضوع مهم بطاقات صراف الفيزا والماستركارد ارجوا التفاعل
I am still waiting for more comments
thank you so much patriot
this for our benefits guys
I am looking forwards
guys
رد: موضوع مهم بطاقات صراف الفيزا والماستركارد ارجوا التفاعل
يعني نقدر نسحب ببطاقة الصراف العادي من أي مكان في أمريكا
رد: موضوع مهم بطاقات صراف الفيزا والماستركارد ارجوا التفاعل
اقتباس:
المشاركة الأصلية كتبت بواسطة تاج القمر
يعني نقدر نسحب ببطاقة الصراف العادي من أي مكان في أمريكا
ايوه تقدر بشرط انك تطالع خلف البطاقة
بتلاقي رموز الشبكات اللي ممكن تحسب منها
وطالع مكينة الصراف اذا عليها وحدة من الشبكات اللي في البطاقة فهذا يعني انك تقدر تسحب
يعني ممكن تشوف Plus والشبكة السعودية وCirrus , Maestro وغيرها اذا لقيت هذا الرمز على المكينة يعني ممكن تسحب ,, وياخذو عليك بحدود 10 دولار على السحبة
يعني نصيحة اذا بتسحب حاول تسحب مبلغ كبير علشان توفر
وكل بنك له ومكينته
مثلا بنك Washington Mutual مايسمح لك باكثر من 600 دولار في السحبة الوحدة
بينما US Bank انا سحبت منه الف دولار
مشاركة: موضوع مهم بطاقات صراف الفيزا والماستركارد ارجوا التفاعل
اخوي انا عندي بطاقه فيزا وماستر الذهبيه مطلعها من بنك الرياض
وانا استخدمها في كندا بكل سهوله
بطاقه الفيزه عادي تقدر تسحب منها كاش إذا عندك الرقم السري
اما الماستر فهي مخصصه للمشتريات
وللمعلوميه بطاقات الفيزة والماستر هم عاملينا لمثل دي الضروف السفر
يعني تشتغل دولياً
وما عليك من اللي يقول لك ما تشتغل برى
بس علشان تمشي امورك بسهوله ياريت تكون البطاقه بأسمك
ومكتوبه مثل مافي الجواز علشان يمشون امورك بكل سهوله
اخوك
alsaihati
رد: موضوع مهم بطاقات صراف الفيزا والماستركارد ارجوا التفاعل
تقدر بي الافضل تكون فيزا لانها اكثر انتشار من الماستر كارد .
بس ياشباب نصيحه للبيروحوا امريكا او لاي مكان بنك سامبا ومن بعده الاهلي
افضل من ناحية خدمات عملاء الخارج.
انا عندي بطاقه من سامبا والثانيه من الراجحي والله ان الراجحي انه مطلع ريحتي وجايبلي الضغط والسكر اكلمهم استفسر عن شيء ماقدر اخدمك لازم تراجع البنك اقله انا في امريكا وما فيه فايده
والله واحد من الموظفين قال اركب طياره وارجع!!!وتجي عن طريق المباشر من النت مايشبك معك
لاكن سامبا ماشي زي الفل مع ان بطاقتي عند الراجحي البلاتينيوم من المفترض تكون الخدمات ميسره.