جاني قبووول في اوهايو وابي معلومات عن مدينه ياجنز Youngstown

ما شاء الله الف مبروك

انا قبولي بالجامعه يونغستون والمعهد بفلوريدا

بالنسبه للمدينه على حسب ما قرآت انها مافيها ذاك الزووود ونوعا ما خطيره والاسعار متسوطه السعر

ميزتها ان جنبك مدن كبيره ومعروفه وحلوه

والجامعه ممتازه بآذن الله

المدينه يقولون ان الترفيه فيها محدود يعني قليل والله اعلم

وجوها درااااسي وعيبها الوحيد انها بااااارده جدا جدا هالمعلومه متآكد منها <<

طبعا هذا اللي قريته لاني بحثت كثير عنها وبالتوفيق للجميع

اخوي مخاوي نصيحة شف لك قبول من جامعة ثانية المدينة سيئة سكانها قليل كانها مهجورة وخطيرة ودرجة الحرارة ياطويل العمر ١٩ تحت الصفر المعهد بصراحة قوي ومومشددين في الحضور والتاخير ودراستهم دراسة يعني المعهد كويس لاكن المشكلة ياطول العمر ان المعهد صغير وفية ٦٧ طالب سعودي الكلاس اللي انا فية ١٤ طالب ١٣ سعودي واحد عراقي عاد حلها انا مااقصد احبطك او شي لاكن احذرك قبل ماتجي وانت حر سلام علكم

ياليت اخوي تعطيني وقت بداية دراستك يمكن تكون في نفس وقتي

من ناحية الجامعه ما عليها غبار بس موقع الجامعه بعيده نصف ساعة عن المدينة ، يعني لو تبي اي شيئ من مشتريات او ملابس او اي حاجه لازم سيارة ولا توجد اي وسيله مواصلات باصات ولا ميترو .

السكن التابع للجامعه غالي جدا .

الايام هذي درجة الحرارة توصل ما بين -7 إلا - 13

الثلوج الايام هذي طيلة الاسبوع يوصل ارتفاعه متر تقريبا .

والله يوفقكم ويوفقنا .

انا على الاسبوع الجاي ان شالله يوصل قبولي بنفس الجامعه ويمدحونها والله
والله يوفق الجميييع