استفسار عندي مراجعات طبية كثيرة ممكن شهر و نص...كيف اتصرف مع معهد اللغة؟

الله يعطيك الصحه والعافيه اخوي
صحتك اهم من كل شي ... والنظام في امريكا اذا فيزتك فيزة طالب مايحق لك تغيب اكثر من اسبوعين متواصله
لازم تاخذ تقرير عن حالتك من المستشفى وتعطيها للمعهد ... والمعهد عن طريقة لازم يبلغ الاميقريشن ولازم تاخذ نسخه من البلاغ
واحد من الشباب صار له مثل كذا ومابلغ المعهد والامقريشن طلب منه انه يسافر خلال هذا الاسبوع اجباري ومايقدر يرجع الا بـ فيزا جديده
لاتتهاون بالموضوع ولاتشيل همه كمان اكثر من اللازم

الاخ Dr.saudi فيه اشياء انا ما فهمتها بكلامك ليه تدفع تكاليف العلاج انت طالب على حسابك ؟ الشي الثاني اذا انت على بعثه و معك تامين لين ما يدفع التامين ؟ الشي الثالث انا انصحك بأنك تكلم الملحقية و اذا مارد الادفايزر كلم الملحق الطبي بالملحقية ولا اكتب خطاب و ارسلة للملحق و كلم مكتبة.
انا صار لي ظرف صحي و للعلم انا كنت بالسعودية وانا تعبان و جيت امريكا على شان العلاج و كنت ادرس بس ما قدرت انتظم بالدراسه و حذفت مواد و بقيت على مادتين مدرسينها ما يهتمون بالحضور و الغياب طبعاً على شان ابقى نظامي بالجامعة كان لازم اجيب ورقه من الطبيب و بموجب الورقة هذي اقدر اكون نظامي. مالك بالطويله افهم الإجرائات النظامية من المعهد اذا ما فيه امل تبقى معهم و انت تعبان و يرخصون لك يكون عندك حلين تنقل لمعهد ثاني حتى لو كان في نفس المدينه و تحط موعد بداية الدراسه بعد شهرين و تجلس الشهرين تراجع المستشفى او تروح محامي و تغير فيزتك لسياحه او علاج لكن لما تغير فيزتك لازم تحط ببالك شي انك ما تكون طالب منتظم او على قولتهم (full time student) ولما تنهي علاجك بالسلامة ترجع المحامي يغيرها لك مره ثانيه.
العلاج هنا احسن من السعودية و هذا شي معروف لكن انا مو فاهم ليه انت جالس تدفع على علاجك مره ثانيه اذا عندك بعثه و التامين ما غطاك لسبب او لأخر المفروض تتصل على الملحق الطبي بالملحقية, و انصحك تخلي احد من اهلك يجي عندك فتره علاجك.

اسال الله العظيم .. رب العرش الكريم .. أن يشفيك ويشفي جميع مرضى المسلمين

أسأل الله العظيم .. رب العرش الكريم... أن يشفيك ويشفي جميع مرضى المسلمين

اخواني شنو الحل هذا الاسبوع الثاني اللى اغيب هل لازم اتواصل مع الملحقية علما ان المعهد عارفين لاني رحت اعطيتهم حق الاسبوع الاول وعندي بكرا موعد بالمستشفى وتنويم وكشوفات شنو اسوي والله خايف على صحتي وخايف على البعثة اعطوني حل حزاكم الله خير ودعواتكم والله يشفي الجميع يارب يازين الواحد وهو في صحته نحمد الله على كل شى مكتوب من رب العالمين

أسأل الله رب العرش العظيم أن يلبسك الشفاء والعافية اللهم امين
عليك بالإستغفار وأكثر منه وثق بالله انه سيشفيك