استفسار عندي مراجعات طبية كثيرة ممكن شهر و نص...كيف اتصرف مع معهد اللغة؟

الله يعطيك الصحه والعافيهـ .,,

والله ارتبت من كلامك شوي اخوي ح يجري عمليه هنا
و راح يتقيد بتعليمات الدكتور منها انه ما يمشي كثير او يطلع وينزل درج
لانها تاثر عليه

واحترت في عدد ايام الغياب المسموحه له .,,

بس اتوقع لازم تخاطب الجهتين دائره الهجره والملحقيه وتشوف ردهم لان كله جهه تحاسبك ع الغياب

نفس الوضع تدهورت حالتي الصحية ولي اسبوع غايب عن المعهد وجبت عذر اليوم للمعهد وللاسف وضعي مزري جدا اذا شفت الوضع ميؤوس منه مع الملحقية لاني اتواصل معهم بخصوص التامين ودفعت مبالغ هائلة انا والله ماهمني صحة اهم من كل شى بس حتى المشرفة ماترد علي من جد افكر اوقف البعثة وارجع السعودية واتعالج هناك دعواتكم لي اخواني اخواتي والمعهد بعيدني هالمستوى طبعا ELs السيئ الله يعين بس والله صحتي هي حياتي لوو على حساب بعثتي

^
^
لا حول و لا قوة إلا بالله...
الله يكتب السلامة و الصحة و العافية للجميع يارب...انصحكم و نفسي بالإكثار من ذكر الله و دعائه فإن سهام الليل الليل لا تخيب!

مازلت انتظر مزيد من الاجابات...صدمتي كانت كبيرة لما تلقيت نتايج التحليل الطبي و الله العالم!
عن نفسي ماهمتني نفسي و الله!...ابغى افرح بشهادتي و ارجع لأهلي سالم...و مابغاهم يتلوعون علي...الله المستعان.

الله يعيطنا الصحة والعافية يارب العالمين هو الدواء الاكثار من ذكر الله والاستغفار

وانا مااخذت النتائج الى الان لكن باذن الله تكون بصحة وعافية يارب وتفرح اهلك بس اهم شى الان الصحة وهي السلاح للنجاح باذن الله بعد توفيق رب العالمين

الله يعطيك الصحه والعافيه اخوي
صحتك اهم من كل شي ... والنظام في امريكا اذا فيزتك فيزة طالب مايحق لك تغيب اكثر من اسبوعين متواصله
لازم تاخذ تقرير عن حالتك من المستشفى وتعطيها للمعهد ... والمعهد عن طريقة لازم يبلغ الاميقريشن ولازم تاخذ نسخه من البلاغ
واحد من الشباب صار له مثل كذا ومابلغ المعهد والامقريشن طلب منه انه يسافر خلال هذا الاسبوع اجباري ومايقدر يرجع الا بـ فيزا جديده
لاتتهاون بالموضوع ولاتشيل همه كمان اكثر من اللازم

الاخ Dr.saudi فيه اشياء انا ما فهمتها بكلامك ليه تدفع تكاليف العلاج انت طالب على حسابك ؟ الشي الثاني اذا انت على بعثه و معك تامين لين ما يدفع التامين ؟ الشي الثالث انا انصحك بأنك تكلم الملحقية و اذا مارد الادفايزر كلم الملحق الطبي بالملحقية ولا اكتب خطاب و ارسلة للملحق و كلم مكتبة.
انا صار لي ظرف صحي و للعلم انا كنت بالسعودية وانا تعبان و جيت امريكا على شان العلاج و كنت ادرس بس ما قدرت انتظم بالدراسه و حذفت مواد و بقيت على مادتين مدرسينها ما يهتمون بالحضور و الغياب طبعاً على شان ابقى نظامي بالجامعة كان لازم اجيب ورقه من الطبيب و بموجب الورقة هذي اقدر اكون نظامي. مالك بالطويله افهم الإجرائات النظامية من المعهد اذا ما فيه امل تبقى معهم و انت تعبان و يرخصون لك يكون عندك حلين تنقل لمعهد ثاني حتى لو كان في نفس المدينه و تحط موعد بداية الدراسه بعد شهرين و تجلس الشهرين تراجع المستشفى او تروح محامي و تغير فيزتك لسياحه او علاج لكن لما تغير فيزتك لازم تحط ببالك شي انك ما تكون طالب منتظم او على قولتهم (full time student) ولما تنهي علاجك بالسلامة ترجع المحامي يغيرها لك مره ثانيه.
العلاج هنا احسن من السعودية و هذا شي معروف لكن انا مو فاهم ليه انت جالس تدفع على علاجك مره ثانيه اذا عندك بعثه و التامين ما غطاك لسبب او لأخر المفروض تتصل على الملحق الطبي بالملحقية, و انصحك تخلي احد من اهلك يجي عندك فتره علاجك.

اسال الله العظيم .. رب العرش الكريم .. أن يشفيك ويشفي جميع مرضى المسلمين

أسأل الله العظيم .. رب العرش الكريم... أن يشفيك ويشفي جميع مرضى المسلمين

اخواني شنو الحل هذا الاسبوع الثاني اللى اغيب هل لازم اتواصل مع الملحقية علما ان المعهد عارفين لاني رحت اعطيتهم حق الاسبوع الاول وعندي بكرا موعد بالمستشفى وتنويم وكشوفات شنو اسوي والله خايف على صحتي وخايف على البعثة اعطوني حل حزاكم الله خير ودعواتكم والله يشفي الجميع يارب يازين الواحد وهو في صحته نحمد الله على كل شى مكتوب من رب العالمين