بعد شهرين | تجسير يطلبني أحدد ولاية ومعهد | محتاج مشورتكم

مساكم خير


مبتعثين ومبتعاث ترا مالنا بعد الله غير بعض :gossip:
أجل بعد شهرين من الإنتظار تقريباً يتصل تجسير اليوم ويقول اختار الولاية والمعهد الي تبيه
وعشان كده جيتكم ابي مشورتكم
وين أروح وايش اختار معهد وولاية ؟
أتمنى تكون ولاية آمنة ورخيصة والمعهد تابع لجامعة مو تجاري طقة ELS وما جاورها
عموماً مدري ليه جاي فـ بالي ولاية تكساس مدينة كوليج ستيشن المعهد التابع لجامعة A&M
لكن برضو بشوف خياراتكم ومشورتكم
الله يسعدكم تردوا بسرعه لأني بستغل كل دقيقة وبرسل لهم بدري لأني سألته كم ياخذ وقت
قال " شــهــر " يعني بستلمه نهاية شهر ثلاثة يدوب اصدار الفيزا وقرار الابتعاث قبل شهر أربعه


فمآن الله

أتمنى الي يعرف أو يرشح أي معهد يبلّغني ونستفيد من خبراته
الله يجزاكم خير

انا الان في معهد جامعة اي اند ام اللي في الكولج ستيشن

مالي اسبوعين وقبلها كان ليا 7 شهور في معهد اخر


صراحه المعهد جدا جدا ممتاز المدينه كمان جدا رهيبه الكل يتكلم معاك وتكون صداقات بسهوله

الاسعار حلوه كسكن هنا كمان

والحلو في مسجد وفي عرب منوعين بس مو كتير

السعوديين في المعهد انا و 11 طالب راسلتهم ارامكو

يمكني الوحيد اللي على الملحقيه موجود هنا


لانو ما في قبول مشروط


ازا حاط عينك على التوفل ... تعال هنا

بس برضو اشتغل على نفسك يا سميي :D

لاتتعب نفسك ..
اناه مثلك أعطيتهم أكثر من خيار
وبالأخير يقولون ..
ان الخيارات المذكورة في طلبك غير متوفرة لدينا للأسف..