الأعضاء الإشتراك و التسجيل

الملتقيات
ADs

استفسار ابي اي معلومه عن التقديم للماجستير في امريكا لاهنتم..

استفسار ابي اي معلومه عن التقديم للماجستير في امريكا لاهنتم..


NOTICE

تنبيه: هذا الموضوع قديم. تم طرحه قبل 2511 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Queen of world
    Queen of world

    مبتعث مستجد Freshman Member

    Queen of world الولايات المتحدة الأمريكية

    Queen of world , أنثى. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى علم نفس سيكولجي , بجامعة Ohio University
    • Ohio University
    • علم نفس سيكولجي
    • أنثى
    • Athens, Ohio
    • السعودية
    • Jan 2011
    المزيدl

    February 1st, 2011, 10:52 PM

    السلام عليكم ورحمه الله وبركاته..

    انا الان في اخر سنه بكالريوس وابي اقدم للابتعاث ماجستير علم نفس اعصاب(بمعنى ابي اصير اخصائيه نفسيه)
    للعلم بان تخصصي في البكالريوس يختلف عن الماجستير ..ابيكم تجاوبوني على هالاسئله..
    _في البدايه كيف اقدم على الابتعاث؟؟
    _ والتسجيل في المعهد والجامعه (طبعا اذا تم قبولي انشاالله) انا اسجل او الوزاره تسجلني؟؟؟
    _ والتخصص اللي انا ابي (اللي هو علم نفس اعصاب) هل بامكاني التقديم فيه والا لا؟؟
    _ وماهي افضل الجامعات في الولايات المتحده في هالتخصص؟؟
    _ولازم اجيب توصيه والا لا مع ان التخصص مختلف عن البكالريوس؟؟
    _وكم مده دراسه الماجستير؟؟ معلوماتي تقول ان الماجستير في امريكا اسهل من غيرها ومدتها 8شهور فقط(المعلومه صحيحه والا مغلوطه)
    _ ولازم يكون معي لغه والا ادرسها في معهد قبل الدراسه؟؟؟؟
    _وكم المكافأه والمرافق له مكأفاه والا شلون؟؟؟؟؟؟؟؟؟
    _وكمان السكن علي انا والا على الوزاره؟؟؟
    _وايش الاوراق المطلوبه مني عند التقديم؟؟

    ياليت اللي عنده اي معلومات يفيدني واكون ممتنه وشاكره له.....
  2. أختي الكريمة،
    الله يوفقك في مرحلة البكالوريوس وان شاء الله تجيبين معدل عالي عشان يتم قبولك في الإبتعاث
    على آخر خبري ان المعدل المطلوب للإبتعاث هو ٣.٧٥

    - تقديم الإبتعاث يكون عن طريق موقع الوزاة، طبعا كل سنة ومع نهاية الدراسة واعتقد في منتصف أو آخر الإجازة الصيفية يتم الاعلان عن فتح باب القبول للإبتعاث، طبعا تقدمين في الموقع وبعدها يتم فرز الطلبات وتدقيقها وبعدين يتصلون عليك وراح يعلمونك الإجراءات بالتفصيل. وهذا هو الموقع
    وزارة التعليم العالي

    - أعتقد ان الوزارة ترسلك على مكتب قبولات وهو اللي يجيب لك قبول المعهد أولاً، طبعا لازم تتواصلين مع المعهد عشان تحددين الولاية اللي تبينها والمدينة،
    والحقيقة ماعندي خبرة في هذا الموضوع لأني سويت كل شي بنفسي وما احتجت لأحد بفضل الله سبحانه ومنته.

    - بالنسبة للتخصص، انتي تتكلمين عن بحر من العلوم وتخصصات اسمه جامعات أمريكا، فطبعا راح تلقين كل شي يخطر ببالك، يمكن المشكلة الوحيدة هي هل الوزارة معترفه بهذا التخصص الدقيق أو لا ، وطبعا هذا موضوع طويل عريض يحتاج شرح طويل.
    ولكن للآسف ماعندي خلفية عن الكليات الطبية فما أقدر أفيدك بأفضل الجامعات.

    - بالنسبة التوصيات فتعتبر من المسلمات في دراسة الماستر، يعني لازم يكون عندك أقل شي ٣ توصيات ويفضل انها تكون مختومة ومقفله في ظرف مختوم ورسمي من الجامعة، يعني جيبي معك نسخ قد ماتقدرين لأنك راح تحتاجينها في مراسلاتك للجامعات. ماراح يهم اذا بتغييره للتخصص ولكن اهم شي التوصيات تكون من أساتذة درسوك.

    - أقل مدة دراسة ماستر في أمريكا هي سنة واحدة متصلة بدون إجازات. وطبعا على حسب التخصص.
    ولكن الأعم الأغلب ان مدة دراسة الماستر في أمريكا تتبناه مابين سنتين الى ٣ سنوات، على حسب اجتهادك وعدد الساعات.

    - اللغة لابد منها، وماراح تقبلك اي جامعة الا لازم يكون عندك توفل او أيلتس.
    طبعا عندك سنة ونص تدرسين فيها لغة انجليزية في أمريكا الين ماتجيبين الدرجة المطلوبة في التوفل أو أيلتس.

    -المكافأة هي ١٨٥٠ دولار تقريبا في الشهر وبالنسبة للمرافق يأخذ مكافأة ولكن ما ادري كم بالتحديد ولكن اعرف انها أقل من مكافأة المبتعث.
    طبعا هم يعطونك المكافأة والباقي عليك السكن والإيجار والمواصلات والفواتير ... الخ
    يعني لازم تصرفين نفسك على حسب المكافأة.

    - الأوراق المطلوبة ، سوووري والله ناسيهااااااا من زمان عنها هههههه


    أتمنى أكون أفدتك
    وعسى ربي يوفقك

    تحياتي،


    -
    7 "
  3. أخويLordx الله يجازيك الجنه ..
    بجد افدتني..
    اول شي المعدل ولله الحمد انا مثبته على 4.52 يعني انشاالله يقبلوني بس
    بالنسبه للتوصيات عادي يكون من اي دكتور في اي ماده؟؟؟ لان بعض الدكاتره درسوني مره وحده بس..
    وكمان بالنسبه للقبول اللي فهمته ان الوزاره عليها تقبلك وبس وانت تسجل في المعاهد والجامعه صح والا...
    طيب في هذي الحاله اهي تحدد لي الجامعات او انا اختارها؟؟..

    وياليت اللي عنده اي اضافه يتكرم علينا ويقولها....
    7 "
  4. بجاوبك على سؤالك الأخير .. أذا كانت مكاتب القبول هي إللي راح توفر لك القبول أحتمال هي إللي تحدد لك الجامعة والمعهد إلا أذا طلبت منهم جامعة محددة وهم أستجابوا لطلبك..

    أما أذا بتجيبي قبول لنفسك .. فأنت حددي الجامعات إللي تريدها وراسليها والطريقة سهلة مرة وما تكلفك كثير.

    نرجع للتوصيات .. أي دكتور درسك تقدري تاخذي منه توصيه..

    التخصص.. وهذا شيء مهم أذا تريدي بعثة لابد تقدمي على واحد من التخصصات المعترف بها من الوزارة .. و تخصص علم النفس ليس منها .. غيري لتخصص مطلوب..تقدري تتعرفي على التخصصات من خلال موقع الوزارة إللي أعطاك أياه زميلي إللي قبلي تدخلي على صفحة الدراسة بالخارج وتحصلي على كل المعلومات إللي محتاجتها..

    وبالتوفيق لك..
    7 "
  5. خيتو أحلام ثاااااااااااانكس..
    بس بجد بجد تحطممممممت طيب فيه امكانيه يكون هالتخصص في المرحله السابعه؟؟؟؟
    طيب فرضاا لو اخذت (تغذيه) واذا بديت الدراسه حولت على علم نفس ممكن يصير هالشي والا شلون؟؟؟
    والتغذيه تخرجني اخصائيه تغذيه والا ايش؟؟؟
    لاني ابي الماستر في المجال الطبي كنت ابيه في البكالريوس بس ماالله كتب....
    7 "
  6. ثانكس احلام..
    طيب مادام مالي امل في علم النفس ايش تقترحون اخذ تخصص؟؟؟؟؟؟
    ابي لما ادرسه واثقه ان له مستقبل...طبعا انا تخصصي في البكالريوس تربوي...

    واللي عنده معلومه عن التحويل يقولها..
    امكن اذا حولت تصير الدراسه على حسابك الخاص....
    7 "
  7. مرحباً ،

    بس عندي سؤال، من اللي يقول ان الوزارة ماهي معترفة بتخصص علم النفس؟

    يا أخوان لا أحد يفتي من عنده ويحطم الآمال،
    بالعكس الوزارة معترفة بهذا التخصص وأنا دخلت وبحثت بنفسي قبل شوي وطلعت لي قائمة طويلة جداً بالجامعات الأمريكية المعترف بها في تدريس علم النفس. Psychology

    أختنا كوين يالين تكتبين اسم تخصصك العام والدقيق باللغة الإنجليزية عشان نتأكد منه ١٠٠٪
    وراح أجيب لك مجموعة جامعات معترف بها.


    تحياتي،
    7 "
  8. المشاركة الأصلية كتبت بواسطة LORDX
    مرحباً ،

    بس عندي سؤال، من اللي يقول ان الوزارة ماهي معترفة بتخصص علم النفس؟

    يا أخوان لا أحد يفتي من عنده ويحطم الآمال،
    بالعكس الوزارة معترفة بهذا التخصص وأنا دخلت وبحثت بنفسي قبل شوي وطلعت لي قائمة طويلة جداً بالجامعات الأمريكية المعترف بها في تدريس علم النفس. Psychology

    أختنا كوين يالين تكتبين اسم تخصصك العام والدقيق باللغة الإنجليزية عشان نتأكد منه ١٠٠٪
    وراح أجيب لك مجموعة جامعات معترف بها.


    تحياتي،
    أنا اقصد أنها ليست من التخصصات المطلوبة للابتعاث .. أما أذا تريد الدراسة على حسابها الخاص بأمكانها الدراسة في أي تخصص أن شاء الله حتى نحو.. وكل التخصصات الوزارة معترفه فيها ولكن التخصصات المتاحة للأبتعاث محدودة..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.