الأعضاء الإشتراك و التسجيل

الملتقيات
ADs

الافضل Mis او Computer scinse

الافضل Mis او Computer scinse


NOTICE

تنبيه: هذا الموضوع قديم. تم طرحه قبل 2543 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. في امريكا تخصص نظم المعلومات الادارية تابع لكلية ادارة الاعمال ونادر ما يدخل تحت ظمن الحاسب الالي او الهندسة

    تخصص نظم المعلومات الادارية ونظم المعلومات وتخصص ادارة الاعمال الالكترونية كلها متصله بكلية ادارة الاعمال وهي حلقة الربط بين ادارة الاعمال وعلوم الحاسب
    لكن لا تصل الي ان تكون تخصص حاسب آلي بحت مثل علوم وهندسة الحاسب


    ابحث في 90 بالمية من جامعات امريكا
    راح تحصل IS and MIS تابعه لكلية ادارة الاعمال



    يوجد تخصصات ثابته وتخصصات غير ثابته
    التخصصات الغير ثابته مثل Information System - MIS - GIS - E commerce - E business -
    هذه التخصصات تختلف من جامعه لجامعه بمعنى ان جامعه تدرسها وتركز على الجانب التطبيقي وجامعه اخرى تركز على الجانب النظري او جامعه تركز على الحاسب وجامعه اخرى تركز على الادارة وكلاهما يحملان نفس مسمى الشهادة - فما تقدر تعرف قدرات خريج التخصصات هذه الا بعد ما تقرأ الترانسكربت

    لكن التخصصات الثابته مثل Computer Science - Computer Engineering - Electrical Engineering - Software Engineering
    هذه التخصصات ثابتة الخطه الدراسية بمعنى انك لو تدرس التخصص في هارفرد او تدرسه في جامعة الملك سعود فاعرف انك راح تدرس نفس المواد واحتمال نفس الكتاب
    لكن الاختلاف بين الجامعات في هذه التخصصات هو الجانب البحثي والتطبيقي بمعنى ايش مشاريعهم وايش راح يطورون وايش النتايج اللي راح يكتسبها الطالب بنهاية دراسة المادة
    فلذلك تستطيع معرفة قدرات خريج التخصصات هذه من قبل ما تقرأ الترانسكربت لان دراستهم ثابته ومعروفه في كل جامعه

    عموما اجابة على سؤالك
    تخصص MIS وتخصص CS كلاهما لهم مستقبل رائع في السعودية بمشيئة الله

    دمت بود يا عزيزي

    7 "
  2. ^^

    يالغالي عندي سؤال..

    بالجامعات الامريكيه هل التخصص هذا له فروع ؟ لانه هو اصلا فرع بكليه الحاسب,والله ياخي بدينا نضيع لاني مثلك قاعد ادور على تخصصي بالجامعات الموصى فيها بوزارة التعليم تفاجأت يوم جيت اسجل بالجامعه ان مسمى التخصص فيها يفرق عن تخصصي!مع انه مكتوب بموقع الوزاره نفس التخصص موجود في هالجامعه؟

    يعني مدري انت تقول انك مقدم على MIS وفي ردك هذا تقول اسم التخصص Information systems & Technology

    الي اعرفه فيه فرق بينهم..

    عموما القصد من كلامي ان بعض الجامعات فيها تخصص Information systems & Technology والبعض MIS وفيه CIS و IS و Computer information science وكلها فكرتها وحده

    ..

    ردي هذا كان موجه للأخ مودي..لكن اذا وجد الماء يبطل التيمم

    ياليت يااخ حسام تعلق على كلامي وتوضح لنا الفرق
    7 "
  3. الله يعطيك العافية أخوي حسام على التوضيح ,,


    بالنسبة لسؤالك أخوي Enough ,

    تخصص الـ Information systems هو أساسا في قسم البزنس زي ما اتفضل أخوي حسام ,,

    التخصص الأصل هو نظم المعلومات ,, يتفرع لأقسام كثيرة انت اتفضلت بذكرها ,,, كلهم تقريبا يشتركون ويتفقون في اغلب المواد ,,

    وجود الفروقات في المواد يعتمد على تركيز التخصص ,, لكن أغلبية المواد هي نفسها لأنو هم كلهم فروع ورأسهم واحد وهو نظم المعلومات ,,


    :::::



    يعني مثلا تخصص نظم المعلومات الادارية ,, MIS , هو اساسا نظم معلومات لكن تركيزه او الـ Concentration بيكون على الادارة بشكل خاص ؟,, ولذلك راح تجد في المواد اللي تدرسها فيه تركيز كبير من ناحية الادارة والجانب النظري ,,

    حتى انو فيه بعض الجامعات يدرجوه تحت تخصص ادارة الأعمال Business Admnistration ,, وبعض الجامعات يجعلوه تخصص مستقل ,,


    :::::


    مثال ثاني ,, نظم معلومات الحاسب الالي ,, CIS ,, لو تشوف المواد اللي حتدرسها فيه راح تجد تشابه كبير بينه وبين الـ MIS
    طبيعي لأنهم ينحدرو من شجرة وحده ,, لكن الفارق هنا انه فيه مواد تركيزها على الحاسب او الكمبيوتر ,, وغالبا بيكون فيه تركيز اكبر من ناحية البرمجة والتطوير ,, بس ما يصل لدرجة الـ Computer Engineering ,, أو الـ Computer Scince


    :::::



    تخصص الـ IS هو تقريبا الـ Head أو الرأس بين هالتخصصات وهو شامل وعام ,, مافيه تركيز على جانب أكثر من جانب ثاني ,,


    :::::



    بالنسبة لتخصص الـ Computer Information Scince ,, هو أيضا معلومات ولكنه ماهو بعمق وتركيز الـ CIS ,,

    لأنو " على حد علمي " هذا التخصص جدا عام وزي ما يقولو علوم عامة مافيه تدقيق عميق كغيره من التخصصات المتعلقة بالحاسب ,, لكنه ايضا يميل للحاسب بشكل كبير ,,, وبصراحة ما أعرف عنه الكثير


    """""""""""

    طبعا الكلام كله اللي فوق حسب أسئلتي والمعلومات اللي عندي أتمنى تكون معلومات صحيحه ,,

    وان اخطأت فمن الشيطان والبشرية اللي علموني خخخخخ ,, مابي احط براسي شي هههههههه


    أتمنى اكون أفدتك باللي عندي
    7 "
  4. يعطيك العافيه اخوي مودي كلامك جميل..لكن عندي ملاحظه بالنسبه لـMIS في بعض الجامعات في امريكا يندرج تحت كليه الاداره والبعض الاخر في كليه الحاسب واذا تبي تتأكد اعطيك كم جامعه عشان تتأكد بنفسك..

    MIS يتبع لكلية الأداره واغلب المواد متركزة على الاداره اكثر من الحاسب وخريج هالتخصص يعتبر محلل نظم معلومات و CIS يتبع كلية الحاسب واغلب المواد بين الاداره والحاسب او البرمجه بشكل عام وخريج هالتخصص يعتبر محلل ومصمم نظم معلومات..طبعًا البرمجه له تخصص خاص غير هالتخصصات هذي

    لكن السؤال مو عن المواد الي في هالتخصصات,,سؤالي ياطويل العمر فيه تخصصات وبعطيك البعض منها..

    MIS - IS - CIS(computer) - ISM - CIS(SCINCE) - IST وفيه كم تخصص نفس التخصصات هذي وكلها فكرتها تدور حول نظم المعلومات!

    وانا تخصصي computer information system وموصى بموقع بوزارة التعليم بنفس التخصص في جامعا واذا دخلت على هالجامعات القى كل وحده لها اسم يختلف عن تخصصي والمواد تختلف عن الي درستها..عرفت المقصد يالغالي مدري هل المشكله ان التخصص يختلف مسماه من جامعه لأخرى ولا موقع الوزاره مخبط ؟

    ومعليش على الشطحه بالموضوع
    7 "
  5. حبيبي انت يـآ Enough ,,


    بالزبط كلامك سليم وميه ميه يابوويا .. وأكيد مصدقك يالغالي بدوم اثباتات لأني مريت ع هالمشروع من قبل ,,

    بالنسبة لموقع الوزارة ترى يألّف لك ,, يعني اذا التخصص مو مكتوب CIS في موقع الجامعة فهذا يعني انه تخصص ثاني ,,

    لأن موقع الوزارة يجيب لك المجمل ,, واللي هو نظم المعلومات (Information Systems) ويبهدلك في البحث ,,

    تحصل انو الجامعة مافيها تخصصك لكن فيه تخصص مشابه ,,, أو مثلا انت تدور على CIS وفي موقع الوزارة يعطيك جامعات كثيرة مثلا ,, لكن تتفاجأ انو في بعض مواقع الجامعات اللي في نتيجة البحث عندهم MIS أو فقط IS ,, يعني فيه اختلاف !!!


    طبعا أنا اقوولك " لا هذول التخصصات مو مثل بعض بالضبط حتى لو كتبته في موقع الوزارة " ,, أنا جربت هالكلام وطلع لي نفس الشي ,, أحيان يكون بس نظم معلومات ,, وأحيان يكون Information Systems Management ,, ترااه تخصص يختلف عن Management Information Systems ,, مع انهم جدا متقاربين في الشكل ,, وتقريبا نفس الكلماات !!

    لكن الاول يعني إدارة نظم المعلومات ,, وتخصصي يالغلا يعني نظم المعلومات الادارية ,, شايف كيف الفرق ؟!!! فهم يختلفون في المضمون يعني مو نفس الشي ,,

    تأكد حبيبي من موقع الجامعة وشوف اذا هو CIS أو شي ثاني ,, لأني مثل ما قلتلك يختلفون ,, ماهم نفس الشي


    الله يوفقك يالغلا ,, وااادددهر اذا عندك أسئلة هع ,, ماراح أقصر باللي اعرفه ان شاء الله
    7 "
  6. حياك الله اخت سديم
    بالنسبه الى mis
    فهو تخصص دسم بكل مافي الكلمه من معنى
    لماذا
    لانه يشمل اداره وتحليل وراضيات وكورسات برمجه وغالبا بتكون لغه الجافا
    انا يوم قلت دسم
    لانه ماخذ اشياء واجد من الاداره والتسويق والتحليل وغيرها
    انا ان شاء الله ناوي ادرس التخصص هذا لكن بعد ما اخلص كورسات معهد ويسلي في ويسكونسون
    اما بالنسبه لتخصص computer sinse فما اقدر افيدك فيه
    انا متخرج من الكليه التقنيه برمجه حاسب
    وبصراحه ميولي على الحاسب قلت شوي لكن برضو عندي خلفيه يعني بتمر علي اشياء في دراستي لي خبره فيها
    انتي شوفي لك تخصص لك ميول فيه هذي نصيحتي لك ولا كل التخصصين حلوه
    لكن حاااولي ان يكون هدفك البكلريوس ومن بعده الماجستير
    لانها فتره ويصير البكلرييوس زي الدبلوم


    الله يوفقك
    7 "
  7. nadal شكرا عالمعلومات ..

    Enough اللي يناسبني اكثر اتوقع نظم المعلومات والله ييسر للجميع لان مواد الاداره اكثر مهما كان صعوبته ماتقارن بمواد علوم الحاسب اكيد

    حسام شكرا عالشرح الوافي والله يسر ويسهل للجميييع

    Meddy
    مشكور علي الكم الهائل من المعلومات وانا صراحه قدمت على جامعه بفلوريدا اسمها f.s.u <طبعا بولايه فلوريدا بدرس فيها نظم المعلومات وانتظر منهم قبول
    او بدرس بجامعه Depaul بشيكاغو وبقدم قرريب عليها
    او جامعه رويشستر بولايه نيويورك اسم الجامعه R.I.T
    اذا كان اي احد من الاخوان يعرف شي عن الجامعات المذكوره اعلاه او درس فيها يخبرنا عنها
    وشااااااكرررررره للجمييييييييع
    7 "
  8. افضل تخصص بالوقت الحالي والنادر حتى بالسعوديه مافيه تخصص يدرسونه للطلاب مافيه الا في اوربا في الغالب

    الي اهو امن معلومات الجنائي

    تخصص قوي وفيه خطه قويه تدرس التخصص هذا ومعترف فيه في التعليم العالي في معهد rit في روشستر في نيويورك

    بصراحه قوي وروعه

    اما علوم الحاسب كثيرين يدرسون بالوقت الحالي وانا اولهم دبلوم وعاطل الحين

    لاكن باذن الله بروح ادرس امن معلومات الجنائيه والماجستير يكون تحقيق الجنائي اللكتروني
    والدكتوره ربي يفرجها عاد
    هههههههه ماندري الواحد لمتى يعيش
    7 "
  9. from K.S.A
    شكرا عالرد وهو صراحه كل القسمين كيوسين اكيد بس اقصد انه بسوق العمل كانه صار مستقبل نظم المعلومات اكثر قبول


    اخ فتسدير شكرا عالرد وفعلا علوم الحاسب كثرو الحين واما نظم المعلومات فهذا مجال يعتبر نادر بالسعوديه وبيلقى قبول اكيد بالسعوديه
    وانا ابي ادرس في احدالثلاث جامعات اللي ذكرتهم بالرد السابق
    مشكور والله يوفق الجميع يااارب
    7 "
  10. اخوي مودي مشكور على التوضيح وانا عارف الفرق بين هالتخصصات ولو تلاحظ كاتب لك MIS و ISM لكن مشكلتي هي مع وزارة التعليم والله لي فتره طويلة جدا وانا ادور عن جامعات ولكن مشكلتي اني اعتمدت على الموقع وماشيكت على التخصص في الجامعات وهذا الي الي مخليني اعيد وارتب اوراقي لأن كنت مقرر على كم جامعه لكن للأسف مالقيت فيهم التخصص لكن الحمدلله على كل حال..

    وان شاء الله ان استصعب علينا امر معين ولا موضوع بيكون هالموضوع حلقه وصل بيننا..

    وعندي ملاحظه صغيره فقط للأخت سديم نظم المعلومات كان تخصص نادر اما الآن اغلب الجامعات تدرس هالتخصص يعني تخصص متوفر وبكثره..

    وانا افضله على علوم الحاسب..
    7 "
2 من 3 صفحة 2 من 3 123
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.