-
تعبت من البعثه
انا هالحين في الوطن ولا ودي ارجع
تعبت من الغربه وتغير حالي انا الحمدلله متزوج ومعي زوجتي وولدي في امريكا بس ماهو كافي
ذبحني الحنين للوطن والاهل والاصدقاء والعمل والبيت وكل شي بس ماذبحني الا اني قطعت نصف الشوط راح الكثير بس خلاص مافيني اكمل بالذات اني رجعت وارتحت شوي هنا ماعد ودي ارجع والله
الله العالم اني اكتب وانا فيني ضيقه لان رجعتي يوم الجمعه واحتمال اكنسل خلاص لاني ذقت الراحه بعد التعب
وشفت الاهل والاحباب بعد التغرب
بس وش السواه ساعدوني لو بكلمه انا بحاجه اي كلمه لااحد يتهاون بالموضوع
من مده وانا اقرا مشاكل الغربه وابي اكتب او ارد بس كاره كل شي حتى هذا المنتدى
ياضيقة الصدر لامتى
-
رد: تعبت من البعثه
يا رجال احمد ربك ان اهلك معك ..
وش تقول بالي لحالهم
وسع صدرك و استمتع بحياتك , يمكن نمط حياتك في السابق هو الي خلاك تكره الغربه
انا مع اني لحالي لكن نهاية كل اسبوع اطلع مع الشباب و اقابل الكلاس ميتس واطلع معهم
بالتوفيق واعرف ان التعب كل بيزول لارجعت بالشهاده
-
رد: تعبت من البعثه
اللهم يا شاهد كل غائب ويا قريبا غير بعيد ، و يا غالبا ليس مغلوب ، اجعل من امر اخي فرجا ومخرجا و ثبت رجاءه في قلبه واقطعنه عمن سواك حتى لا يرجو غيرك
ياخي انا لوحدي مغتربه هنا من شهور اخوي كان معاي وسافر لانه مرض وجلس في المستشفى قرابة اسبوعين وتعذبت معاه ودحين انا لوحدي هنا لا عندي سياره ولا اعرف اسوق اصلا ولا اعرف اي شي انحرج من الناس عشان اطلبهم يوصلوني للمعهد ساعات والله العظيم يمر يوم كامل ما كل فيه شي احنا السعوديات مدللات لابعد حد كل شي قدامنا ابويه يعمله او اخوي ياخي احمد ربك انت معاك زوجتك وابنك وزيد ربك حمد انك مخلص نص الشوط خلاص مابقى الا القليل وربي يسهلك باذن الله
-
رد: تعبت من البعثه
ياخوي حرام عليك دامك قطعت نص شوط خلاص كمل والله يسهل عليك
قال تعالى {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
-
رد: تعبت من البعثه
لا ياخووي كلها الا انك ترجع الاهل ماهم بطايرين ان شاء الله دام رااح الكثير مابقي الا القليل استمر وانا اختك
وربي في نااس يحوفون حوووف عشان الابتعاث
استمر ياخوي وزين انو معك زوجتك وولدك احسن مننا اللي رايحين لحالهم لاانيس ولا ونيس
كمل الله يعطيك العافيه وتذكر منت رايح تهايط انت راايح ترفع الراس
الله يقدم لك اللي فيلو الخير يارب
والله يوفقك بذن واحد احد
-
رد: تعبت من البعثه
ياطويل العمر والله حرام الي جالس تفكر فيه
صدقني هذي فرصه مو سهله وأنت انجزت انجاز مو سهل كمان بحكم انك قطعت نص المسافه
لاتفكر الآن في حالك ... فكر في مستقبلك وشوف ايش الي راح يتغير من جميع النواحي
فكر ع الاقل لو الآن قررت عدم الرجوع ... بعد سنتين من الآن راح تتحسف طول عمرك وتقول ليتني كملت كان تتغير حياتي وحياة اولادي
راح تذكر تغلبك على نفسك لأولادك وأولاد اولادك وراح تحس بإنتصار على النفس
وغير هذا كله صدقني ياخوي ياسرعها السنين تمشي ومايبقى منها الا الثوابت
شد حيلك وتعوذ من الشيطان ولاتتهاون وأنا أخوك
-
رد: تعبت من البعثه
الله يسهل عليك و يفقك كربتك و يفرج همك ..
و انا اخوك الدنيآإ كفآح ..
و الدنيإآ مآ بتشمي على كيفنآإ ..
و صدقني محد بينفعك غير شهآدتك ..
هذآإ انت قلتهآإ قطعة نصف الشوط و بآقي نص
حرآم عليكك تضيع جهودك إلي رآحت كذآإ
اطلع غير جو تنفسس عن نفسك
و ان شاء الله ربي يفك كربتك ..
بالتوفيق
-
رد: تعبت من البعثه
الله يعينك ويثيتك ويسهل امرك وتتخرج بسرعة وتفوق
-
رد: تعبت من البعثه
لو قلنا انك درست سنتين ونصف
يعني يبقالك سنتين ونص
الله يطول بعمرك ان شاء الله
قدامك ان شاء الله اكثر من 40 سنه مع الاهل والوطن والاصدقاء ... عطهم كل ما عندك
هذي فرصه ما راح تكرر لك كل شوي ... لا تضيعها ... إلا اذا ما تفرق معاك الشهادة
-
رد: تعبت من البعثه
خييي
فكر مستقبلا ...
صدقني لاتسويها بتندم ..