التخصصات الطبية ..تكفون ابي احد يفهمني الفرق والله يوفقكم
مساء الخير ..
استفسار عن ولاية اوهايو ..
عن جامعة ..UNIVERSITY OF DAYTON
هل فيها تخصصات صحيه ..مو طب ..
يعني بكالريوس بصريات او غيره ....؟؟
والتخصص وش هو بالضبط Pre Dental؟؟؟هل هو طب او دبلوم او ايش بالضبط ؟؟
وللاهل الخبره اخواني ..
تخصص هندسة طبيـــة ..
ابي وجهات نظرك تجاه التخصص وهل مواده صعبه والي فهمت غالبا التخصصات الطبيه مافيها رياضيات الا الصيدله
هذا التخصص فيه ..وله مستقبل او لا ..
؟؟؟
شاكر لكم والله يوفقكم ..وتسلم ايديكم ..
رد: التخصصات الطبية ..تكفون ابي احد يفهمني الفرق والله يوفقكم
أخواني ..ياليت اهل الطب والصحه يفيدوني ..
وجزاكم الله خير ..
والله يسهل امركم ..
رد: التخصصات الطبية ..تكفون ابي احد يفهمني الفرق والله يوفقكم
أخواني ...الله يخليكم ..
ابي راايكم بااسرع وقت ..
عن الجامعه والتخصصات ..
ويعطيكم الف عافيه
رد: التخصصات الطبية ..تكفون ابي احد يفهمني الفرق والله يوفقكم
ادخل على موقع الجامعه وبتلقى الاجابات
بالتوفيق ان شاء الله
رد: التخصصات الطبية ..تكفون ابي احد يفهمني الفرق والله يوفقكم
صباح الخير / يمكن عشقتك
خلني أقول بالبداية أنه واضح أنك مش عارف معنى التخصصات الطبية
و الأمر الأدهى أنه ليس لديك اطلاع عن نظام التعليم الطبي في أمريكا
لكن
و أعيد و أقول لكن
كل هذا مش مشكلة ، لأنه ممكن تسأل و تلقى الجواب
التخصصات الصحية و المعروفة بالجامعات السعودية باسم التخصصات الطبية التطبيقية ، مدة الدراسة هنا بالسعودية أربع سنوات أكاديمية و سنة خامسة امتياز .... بينما في أمريكا أربع سنوات فقط لا غير
جل التخصصات كما هو اسمها ( تخصصية ) بمجال معين ... بصريات / علاج طبيعي/أشعة/ علاج تنفسي / مختبرات / صحة البيئة / و الكثيييييييييييييير من التخصصات
أغلبها يندرج في جامعات أمريكا تحت مسمى ...
School of Allied Health Professions
أو
School of Health Sciences
الزبدة بتلقى بمسمى الكلية كلمة Health هي العلامة لك حتى تدل دربك
اجابة على تساؤلاتك
بالنسبة لجامعة university of Dayton ما شفت فيها صراحة تخصصات طبية
بالنسبة ل pre dental
pre تعني قبل
dental أسنان و قد تجد medical طبي ... هي مواد تدرسها قبل دخولك لكلية الأسنان أو الطب
و يتخرج حاملها ببكالوريوس - علوم - و يجب أن يجتاز اختبار MCAT قبل الشروع بالتقديم لكلية الطب أو الأسنان - يستطيع أحد الأخوان هنا أن يوضح أكبر إن كنت مخطئ -
بالنسبة للتخصصات الطبية - كلهـــــــــــا - تدرس فيها الرياضيات و الفيزياء و الكيمياء و غيرها من مواد أساسيه في عامك الجامعي الأول
الهندسة الطبية ... مرغوب فيها ... و حتى أكون أكثر صراحة - جل - التخصصات الطبية مطلوبة بالسعودية ...
يمكنك أن تفكر بمجال Respiratory Care الرعاية التنفسية ... تخصص جديد نسبيا و مطلوب لعشرين سنة قدام بالسعودية
و كذلك Radiology Tech فمجالاته كثيرة من أشعة x-ray و MRI و CT و Ango و كلا التخصصين يعطون رواتب - حلوة - و عشان ما أكذب - ممتازة -
اعذرني على ردي كتبته على عجل ، بالتوفيق
رد: التخصصات الطبية ..تكفون ابي احد يفهمني الفرق والله يوفقكم
مشكــــــــــــور أخوي الله يعطيك الف عافيه ويوفقك ..
تحياتي لك ..
من جد استفد من معلوماتك ..
رد: التخصصات الطبية ..تكفون ابي احد يفهمني الفرق والله يوفقكم
مساء الخير / يمكن عشقتك
أولا شخصيا ما درست بأمريكا .. حاليا أقدم على دراسة الماجستير .. و طبيعة عملي مع أجانب و أمريكان خلتني أتعلم منهم طبيعة الدراسة هناك بالإضافة لإطلاعي خلال مدة طويلة على الجامعات و مجالاتها ... لكن الشباب هنا اللي من أمريكا ممكن يفيدونك أكثر من نواح عدة.... و بعطيك بحسب معلوماتي
قبل لا تختار مجال الهندسة الطبية أو أي تخصص طبي ... أنصحك تزور أكبر مستشفى بالمدينة اللي ساكن فيها أو تسافر للرياض و تزور مدينة الملك عبدالعزيز - الحرس الوطني - أو مستشفى الملك فيصل التخصصي .. و تزور قسم Biomedical Engineering الهندسة الطبية أو أي قسم لأي تخصص ترغب بالعمل فيه مستقبلا ... تتعرف على الأقل على طبيعة العمل بشكل - حقيقي -
طبعا القرار النهائي لك .. لأن بعضهم لن يكون صادق معاك بطبيعة العمل أو الراتب أو فرصه مستقبلا
** أي جامعة تنتهي بكلمة state غالبا تكون قوية .. لذلك ينصح بالتقديم لها
** حلو إنك تقدم على الجامعات بنفسك ... منها تتعلم .. و تاخذ حقك اللي تبيه ..
هذا رابط لأكثر من خمسيـــن جامعة أمريكية فيها تخصص الهندسة الطبية (( معترف فيه ))
List of Schools Offering Accredited Biomedical Engineering Programs « Creating Engineers and Products for the Healthcare Industry
ما عندي علم أيهم أفضل من الأخرى .. لكن حاول تروح الولايات الكبيرة المعروفة .. فيها أفضلية بأشكال كثيرة
التخصصات الطبية خلال أول سنتين من دراستك .. تتشارك بكل المواد - تقريبا ً - .. لذلك لن تجد صعوبة في التحويل من تخصص لآخر .. كما أنه سيكون عندك الفرصة لتأخذ فكرة أكبر عن مجال مستقبلك و حياتك
الهندسة الطبية ... هي أقرب للهندسة من الطب ... و خريجيها لا يتعاملون من - المرضى -
تمنياتي لك بالتوفيق و النجاح و أن يرزق الباري مستقبلا باهر
و حاضر لأي سؤال
رد: التخصصات الطبية ..تكفون ابي احد يفهمني الفرق والله يوفقكم
هلاااااااااااااا يمكن عشقتك
اول اهنيك ع اختيارك لهاتخصص لانه فعلا مطلوب بقوه في السعوديه ومجال حلو وبنفس الوقت شغله نظيف ماله علاقه ابدا بالمراجعين
ورواتب مجزيه
وانااييد كلام الاخ ال دينمو بكل حرف وتحليلاته بمحلالها
طبعااناافيدك بحكم ان تخصصي في العلوم الطبيه
موفق وسهالات انشاء الله لك
رد: التخصصات الطبية ..تكفون ابي احد يفهمني الفرق والله يوفقكم
ان شاء الله الاخوان يفيدونك
انا ماعندي اي خلفية ......
رد: التخصصات الطبية ..تكفون ابي احد يفهمني الفرق والله يوفقكم
أل دينمو ..تسلم ايديك يارب ويعطيك الف عافيــه ..
وماقصرة من جد كلامك فتح عيني على اشيــاء كثيره ..مشكور والله يوفقك ..
روزز ..يعطيك العافيه خيتو ..والله يوفقك ويوفق كل مسلم يارب ..
تحياتي لكم ..