الدراسة في امريكا واللغة الانجليزية!
سلاام عليكم رحمة الله ..
كيف الحال اخواني ان شاءالله طيبين ..
عندي استفسار يشغل تفكيري .. انا مستواي في اللغة الانجليزية " ضعيف " وبعض الاخوان نصحوني بعدم الدراسه في الخارج لهذا السبب ..
# سؤالي هل هذا الشي مقنع اني ما ادرس برع ؟
# وهل سبق انه احد من الاخوان طلع للدراسه في الخارج ومستواه في الانجليزي ضعيف.؟
ارجو الافاده وجزاكم الله خير.
رد: الدراسة في امريكا واللغة الانجليزية!
انت ادرس اول في المملكه بعدين سافر عشان ماتحس بضغط ان تفسك سافرت ومستواي تحت صفر ومره تعبانه في الدراسه نا ما اقولك لا تسافر بس ارفع مستواك لحد A2
ويعدين اتوكل علي الله وسافر
رد: الدراسة في امريكا واللغة الانجليزية!
وعليكم السلام ورحمة الله وبركاتة
أكثر المبتعثين لايعرفون اللغة وانا واحد منهم
مو صعب الواحد يجي ويتعلم اهم شئ العزيمه قبل كل شئ
وهذا رايئ
موفق ان شاء الله
رد: الدراسة في امريكا واللغة الانجليزية!
العكس صحيح تعلم اللغة باميركا اسرع بكثير لانه بيكون المجتمع حولك كله يتكلم باللغة الانجليزية
وهذا الشي راح يفيدك كثير
الاختلاط له نسبة كبيرة جدا جدا جدا في تعلم اللغة بدون حتى معهد
وبالتوفيق لك يارب
رد: الدراسة في امريكا واللغة الانجليزية!
الله يجزآآكم كل خير اللي افآدوني ..
وللاخت "ريمي انا" انا من الامارات مب من المملكه ..
ويعطيكم العافيه.
رد: الدراسة في امريكا واللغة الانجليزية!
انا جيت ميح ... والحمد لله لغه بدات تتحسن بكثير ..
اترك العرب عندك .. خالط الاجانب بكثر .. حاول تطلع وتسئل وتتكلم ..
تراهم فاضييين وماعندهم مشكله يحترونك لين تتطلع الكلمة ..
تعال بس والله يعينك وشد حيلك والله بيوفقك !
رد: الدراسة في امريكا واللغة الانجليزية!
ابغى أسألك العماله اللي عندنا احسن منك؟؟ ... الواحد منهم اول ما يجي هنا مايعرف كلمه عربي.. وشوف بعد شهرين يعرف يتكلم عربي.. على الرغم من ان اللغه عنده ليست صحيحه.. بس الانقلش يفرق عن العربي .. أنت حط ثقتك بالله وشد حيلك .. وبإذن الله امورك راح تمشي.. بس حط في بالك انك تتعلم..أنت ماراح تعرف تتكلم من اول اسبوع او شهر..
شوف أنت اول شهرين او يمكن ثلاثه راح تحس ان ما عندك سالفه وإنك ماراح تتعلم أبدا .. لكن ثق في نفسك وان شاء الله راح تصير بلبل ..
رد: الدراسة في امريكا واللغة الانجليزية!
جزاكم الله ألف خير يا اخوان والله شجعتوني ورديتوا لي روح المثابره والمبادره ..
والله يوفقكم ويوفق الجميع .