موضوع رحلتي .. من الرياض الى الجامعة ..
السلام عليكم ورحمة الله وبركاته .. كانت رحلتي ولله الحمد في تاريخ 26 - 8 - 2007 .. على الخطوط الفرنسية طبعا الرحلة كانت مو دايركت .. الرياض - باريس .. وجلسنا في باريس 4 ساعات .. طبعا طارت الطيارة من الرياض الساعه 12 ونص الليل .. وصلنا لباريس تقريبا 7 الا ربع ..
وركبنا الباص اللي يودي للصالة .. وحوووسة .. المهم وصلنا عند البوابة انا وواحد من الشباب .. الساعه 7 ونص تقريبا .. طبعا من التعب خويي نام لكن انا مو قادر انام .. لكن التعب هد حيلي .. ماوصلت الساعه 11 وربع الا وانا نايم .. لكن قمت الساعه 12 و ثلث لأنهم بدأو يدخلون للطيارة .. ركبت الطيارة وكانت اكبر واحسن من طيارة الرياض .. جلست بجنب عايلة سعودية .. لكن شكل الرجال تضايق من جلوسي معه .. طلب من المضيفين نقلي .. ورحبت بكل صدر رحب .. لأن ماودي احرجه واحرج نفسي .. لأني عارف فكر السعوديين .. المهم طرنا تقريبا 8 ساعات ونص او 9 ساعات ماأذكر بالتحديد .. يوم وصلنا رحنا للشرطة يختمون .. وختموا واخذنا عفشنا .. طبعا تعرفت بالجوازات على أحد الزملاء المحترمين جدا وهو ” سالم باعطية ” لقيت اني انا وياه نفس الوضع .. قلت له يد وحدة ماتصفق .. خلنا نتعاون .. وقال ابد معك .. المهم دخلنا الصالة اللي يتأكدون من دخولنا .. وحقت التحقيق .. بس الاسم مختلف جدا عن الواقع .. بالعكس ماسووا تحقيق ولا فتشوا نهائي .. وخلصنا اوراقنا بنص ساعه .. او اقل .. طلعنا وكان باستقبالنا مندوب الملحقية .. الفلبيني ومعه صالح الزرقا .. جلسنا وعبينا الاوراق .. لكن انتظرنا اللي بالطيارة السعودية .. لكنهم طووووووووووولو كثير .. ومشينا علشان يرجع لهم السواق من جديد .. معلومة : اللي بالطيارة السعودية انتظروا العفش والتحقيق لمدة 4 ساعات .. حاولوا ماتجون عليها .. المهم وصلنا للفندق وهو Quality INN وكان الاجار 59 ليوم الاحد ,, و 79 ليوم الاثنين .. دفعت تقريبا 154 دولار .. وصعدت فوق وغيرت ملابسي وأخذت لي دش يريح الاعصاب .. بعدها قلت ابي اكل .. اخذت من تحت قائمة المطاعم اللي توصل .. بيزعم ابي اطلب .. صعدت فوق اطالع بالارقام .. ماعرفت شي أبداااااااااااااااااااااااا اتصلت عليها ابيها تطلب لي .. تقعد تصرف وسكرت بوجهي ههههههههههه وكل شوي اسمع صوت بطني .. لأني ماأكلت بالطيارة .. خوفا من ان فيه شي حرام ولا شي .. قلت يابو جراح .. انزل تحت وشف وش في شي تقدر تاكله .. نزلت .. وحصلت آلة للبطاطس والشوكلاته والببسي .. قلت الجود من الماجود .. صرفت الـ10 دولار الى دولارات .. ورحت للآله .. ماأعرف منها الا ” لــيــز ” ضغطت عليه واضغط على اشياء ماأعرفها خخخخخخخخخخ المهم قلت شي يمشيني .. وصعدت ومزمزت على اللي شريته .. وشبكت نت .. السرعه صاروووخ .. 11 ميغا بايت .. المهم صحيت اليوم الثاني علشان اروح للملحقية .. مع باص الملحقية .. طبعا مجانا .. وصلنا هناك وحضرنا المحاضرات اللي فادتنا .. بالاخير سلمونا ..
بطاقة الضمان الصحي ..
الضمان المالي
شيك للمكافأة .. طبعا كانت رحلتي اليوم اللي بعده الى ولايتي .. لكن كانت مساءا .. غيرتها من عند الملحقية .. عندهم مكتب للطيار .. للصباح .. اليوم الثاني صحيت متأخر ربع ساعه عن الوقت وأخذت لي تكسي علشان اوصل بدري .. وصلت الساعه تقريبا 11 .. ولله الحمد .. والجامعة شي راااااااااااااااااائع .. وتنظيم رووعه .. كما أنتظركم في مدونتي .. التي سأكتب فيها كل مايهمكم عن الوضع .. www.meshal.us بس خلوني اتمكن من اللغة .. وأساعد الطلاب في الحصول على قبــولات .. أعدكم بذلك .. والسلام خير ختام ..:87:
رد: موضوع رحلتي .. من الرياض الى الجامعة ..
الحمد الله على سلامتك..
وموفق بإذن الله...
رد: موضوع رحلتي .. من الرياض الى الجامعة ..
الحمدلله على السلامة..
وبالتوفيق انشالله , ناطرين جديدك...
رد: موضوع رحلتي .. من الرياض الى الجامعة ..
الحمد الله على السلامة ... وبالتوفيق ان شاء الله
رد: موضوع رحلتي .. من الرياض الى الجامعة ..
الجميع اخوواني وشاكر لكم مروركم ..
رد: موضوع رحلتي .. من الرياض الى الجامعة ..
رد: موضوع رحلتي .. من الرياض الى الجامعة ..
اقتباس:
المشاركة الأصلية كتبت بواسطة mg22
مبروك
ماهو موقع القندق
مايحتاج تحجز :99:
رد: موضوع رحلتي .. من الرياض الى الجامعة ..
شكرا ياعسل................:)
بس ابغا اتكد من حاجه
اسم الفندق
Quality INN
or
Quality INN iwo jima
??
رد: موضوع رحلتي .. من الرياض الى الجامعة ..
العنزي
الحمدلله على سلامتك وعقبالنا ان شاء الله
بالتوفيق لك عزيزي
وياليت تكبر خطك أنعميت :D
رد: موضوع رحلتي .. من الرياض الى الجامعة ..
اقتباس:
المشاركة الأصلية كتبت بواسطة mg22
شكرا ياعسل................:)
بس ابغا اتكد من حاجه
اسم الفندق
Quality INN
or
Quality INN iwo jima
??
Quallity INN يالغالي ..