راح موعد دراستي وجوازاتي في السفاره كيف أوصل i20 الجديد للسفاره ( أرجو مساعدتكم )
أخواني كان من المفترض أن أبدأ دراستي في 10/1/2011م لكن لم تنتهي إجراءاتي في السفارة وما وصلتني الجوازات حتى الآن ، الآن وصلني صورة i20 جديد على الإيميل من الجامعة فيه الموعد الجديد لبدء الدراسة وحاب أعرف كيف أوصلها للسفاره .
رد: راح موعد دراستي وجوازاتي في السفاره كيف أوصل i20 الجديد للسفاره ( أرجو مساعدتكم )
معليش أبوتالين أنا ماعندي جواب لسؤالك
لكن أنا وضعي بيصير زي وضعك لأني مقدم على الفيزا من شهر وإلى يومك ما انتهت
ودراستي تبدأ بعد 3 أسابيع وشكلها ما بتخلص بدري
سؤالي : كيف أقدر أغير موعد الدراسة وأحصل على I 20 جديد؟
أرجو افادة وربي ييسر أموري وأمورك
رد: راح موعد دراستي وجوازاتي في السفاره كيف أوصل i20 الجديد للسفاره ( أرجو مساعدتكم )
هلا أخوي ، أصبر ذي الأسابيع الثلاثه الله ييسرها لك وتجي بمشيئته تعالى ، وإذا انتهت الثلاث أسابيع وما جت أرسل طلب تأجيل للمعهد إذا كان عندك قبول معهد فقط ، وإذا معك قبول جامعة أرسل للجامعة طلب تأجيل للكورس الي بعده واشرح لهم أن الفيزا إلى الآن ما صدرت لك ، والإيميل ترسله للمسؤول في مكتب الطلاب الأجانب بالنسبة للجامعة ، والمعهد للي وقع لك خطاب الـ i20 .
وتقدر تطلب i20 جديد قبل بداية الدراسة بشهر أو شهرين حسب نظام الجامعة وطلب منهم يرسلونه لك على الإيميل وقلهم أن السفاره متصلين وطالبينه منك بشكل عاجل .
وأن شاء الله ما تحتاج لكل ذي الإجراءات وتوصل فيزتك وتمشي في موعدك المقرر .
رد: راح موعد دراستي وجوازاتي في السفاره كيف أوصل i20 الجديد للسفاره ( أرجو مساعدتكم )
اخوي ارسل ايمايل للسفارة الأمريكية و قلهم عن وظعك و حيردو عليك بأنك لازم ترسل لهم صورة من i-20 الجديد اما بالفدكس او بالغيمايل وبعدين يسو update for you visa status وانشاء الله برسلون لك الجواز بالفيزا الجديدة
واذا قد استلمت كلمهم وشوف وش يصير معاك
لان حسب علمي اذا انت دخلت امريكا بال i-20 القديم وكان مظى فترة طويلة على بدء الدراسة ممنوع تدخل
رد: راح موعد دراستي وجوازاتي في السفاره كيف أوصل i20 الجديد للسفاره ( أرجو مساعدتكم )
انا ارسلت الاي توني لهم بالفيدكس ووصلهم الحمد لله ..
ارسله لهم عادي مافي اشكال بتوصلهم فيه اسمك وارسل لهم ايميل بلغهم انك ارسلت الاي توني وانه وصلهم واسمك كذا كذا ورقم جوازك كذا كذا ،،
رد: راح موعد دراستي وجوازاتي في السفاره كيف أوصل i20 الجديد للسفاره ( أرجو مساعدتكم )
شف يا الحبيب انا ارسلت للسفارة I-20 تبعي بتاريخ 10-1-2011م وطلعوا لي الفيزا بعد ان انتهت فترة الدراسة يعني اواخر يناير فطلبت من معهدي بأمريكا تأجيل للصيف وطلبت منهم أن يرسلوا لي I-20 جديد بنفس رقم السيفس القديم لأن التأشيرة وصلتني بالسيفس اللي في I-20 القديم
الخلاصة ما عندك مشكلة لو طلعوا لك التأشيرة على I-20 القديم أهم شئ يكون رقم السيفس في القديم مثل بعض
وإذا لا فلابد أن ترسل لهم بالفيدكس ثم تبلغهم برساله على الايميل وتكتب لهم رقم جوازك في عنوان الرسالة حتى يعرفون لمن هذا I-20
ملاحظة:
لو طلعت لك تأشيرة وتاريخ الدراسة في ال I-20 قديم ومعك I-20 بتاريخ دراسة جديد تدخل أمريكا عادي بس مهم يكون I-20القديم والجديد معك
بالتوفيق
رد: راح موعد دراستي وجوازاتي في السفاره كيف أوصل i20 الجديد للسفاره ( أرجو مساعدتكم )
اخوي a77a انا واحد من الشباب قدم على الفيزا ب i 20 حق شهر 1 بس ما طلع جوازه الا بعد مده طويله وارسل ايميل للمعهد وارسلوا i 20 جديد على شهر 3 يبدا الكورس حقه ورقم السيفيس نفس بعض ما تغير .
و i 20 القديم قال انه ماله لازمه لان خلص تاريخ الدراسه حقته يقصد ان ما راح عليه الي على شهر 1
فالحين بس معاه i 20 الجديد هل مشكله عليه ولا لا ؟ لو دخل بس ب i 20 الجديد الي بيبدا فيه الكورس ؟
امل الرد على في اقرب وقت وشكرا
رد: راح موعد دراستي وجوازاتي في السفاره كيف أوصل i20 الجديد للسفاره ( أرجو مساعدتكم )
اقتباس:
المشاركة الأصلية كتبت بواسطة THAMER F
اخوي a77a انا واحد من الشباب قدم على الفيزا ب i 20 حق شهر 1 بس ما طلع جوازه الا بعد مده طويله وارسل ايميل للمعهد وارسلوا i 20 جديد على شهر 3 يبدا الكورس حقه ورقم السيفيس نفس بعض ما تغير .
و i 20 القديم قال انه ماله لازمه لان خلص تاريخ الدراسه حقته يقصد ان ما راح عليه الي على شهر 1
فالحين بس معاه i 20 الجديد هل مشكله عليه ولا لا ؟ لو دخل بس ب i 20 الجديد الي بيبدا فيه الكورس ؟
امل الرد على في اقرب وقت وشكرا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
انا نفس الوضع لازم يكون معه القديم والجديد ويبرزهم للموظف في المطار
تحياتي
رد: راح موعد دراستي وجوازاتي في السفاره كيف أوصل i20 الجديد للسفاره ( أرجو مساعدتكم )
ممكن تعطوني إيميل السفارة مضمون أنه يوصلهم ويشوفون الرسالة ، لأني كذا مرة أرسلهم إيميل الي حاطينه في موقعهم الرسالة ترجع وإذا رجعت مكتوب في الرسالة أن النظام تلقائي يرجعها للمُرسل ، ليه ما أدري؟؟؟؟؟؟؟
رد: راح موعد دراستي وجوازاتي في السفاره كيف أوصل i20 الجديد للسفاره ( أرجو مساعدتكم )
انا صار معي نفس الشي وحاولت ارسل ايميل لكن مالقيت
كان خياري الوحيد اني ادق عليهم وبعد مرات كثيره اتصلت ردو علي وطلبو مني ارسل لهم ال i-20 الجديد بالفاكس
والحمدالله انا كان جاهز معي وارسلته لهم على طول وبعدها تقريبا باسبوع طلعت لي الفيزا
واتمنى لك التوفيق اخوي