انتي بنت ! مالك إلا التدريس !
السلام عليكم
حبيت استشيركم بالنسبة لإختيار التخصص
انا جدا محتارة
تخصصي بكالوريس لغة انجليزية , وحابة اكمل ماستر بس ماني عارفة وش التخصص الأفضل بالنسبة لي !
انا أعشق الأدب الانجليزي والنقد , ومعدلي الباكلوريس امتياز , واستاذاتي تنبؤا لي بمستقبل حلو في الكريتسيزم ( النقد الأدبي)
ولو كملت ماستر في هذا التخصص انا متأكدة إني بعطي كثير , الاشكالية عندي هي
1- خوفي اني ارجع صفر اليدين بعد دراستي لو تخصصت ادب انجليزي !
لأن اللي اسمعه ان سوق العمل في السعودية اكتفى من التخصصات النظرية والأدبية , فلو بتخصص أدب انجليزي , مالي مجال إلا الجامعات والتدريس , انا حابة هذا الشئ بس اخاف ارجع ولا احصل وظيفة :( ( والبركة طبعا باخواتنا الأستاذات المصريات , اللي مكوشات ع اغلب مقاعد الجامعات)
2- لو تخصصت تخصص آخر عليه اقبال في سوق العمل ( project management ) او محاسبة او مالية , قالوا لي انتي بنت ! مصدقة احد بيطلبك ؟ ولو طلبوك راح تكون شركات فيها اختلاط ومدري ايش :(
طيب وش الحل ؟
انصحوني تكفون افيدوني ابي احد مجرب , وعنده خبرة
واذا ماعندكم افادة ارفعوا موضوعي رفع الله قدركم :)
رد: انتي بنت ! مالك إلا التدريس !
لو انا مكانك توكلت على الله ودرست التخصص الي يريحني ..
الوظيفه تتسهل متى مارجعتي ..
اعتقد لاجبتي دكتوراه او ماجستير .. اعتقد بتحصلين مكان لك بالراحه في اي جامعه من جامعات السعوديه ،، دامك تقدرين تجيبين معدل حلو
موووفقه
رد: انتي بنت ! مالك إلا التدريس !
دندوري
ميغسي بوكو ع افادتك ومرورك الحلو , ربي يوفقك ولايحرمك
رد: انتي بنت ! مالك إلا التدريس !
لو في تحويل التخصص ... توكلي على الله
لان انا تقريبا مثل تخصصك... واتمنى ادرس الي ابيه
رد: انتي بنت ! مالك إلا التدريس !
من ناحية الوظايف تراها موجودة.. مثل البنوك , الشركات سواء كبيرة أو صغيرة , الجامعات , المستشفيات طب و صيدلة وأشعة... ووظائف مكتبية و غيره , الأفرع النسائية للوزارات و الجمعيات والمنظمات والدوائر الحكومية .. صحيح أنها إجمالا قليلة جدذ بالنسبة للوظائف الرجالية ولكن أقول لج يا أختي أتكلي على الله واختاري التخصص أللي رغبانة فيه وحاولي تشوفين عدد الوظائف بهالمجال..
وبالنسبة للإختلاط وغيره.. ترا يا أختي في فرق بين الاختلاط والخلوه .. وأنتي رايحة تدرسين في بلد الاختلاط موجود فيه.. يعني شيفرق هنا أو هناك .. وبعدين الموظف إذا صار محترم نفسه مافيها شي .. كلنا نشوف أهلنا وأصدقائنا في دول الخليج ما شا الله عليهم يشتغلون يروحون ويجون .. واحنا مو ناقصين عنهم
موفقة
رد: انتي بنت ! مالك إلا التدريس !
اسال الله لي ولك التوفيق واوصيك بتقوى الله
رد: انتي بنت ! مالك إلا التدريس !
صراحة انا لو مكانك ادرس التخصص الي احبه وابدع فيه! لا يمكن يبدع الانسان في شيء مايحبه
بنفس الوقت لو نفسك كرهت التخصص الثاني بتكرهين وظيفتك, وبتكرهين الصحوة مبكرة لمكان ماتحسين فيه بالراحة النفسية!
ادرسي ادب انجليزي اذا هو ميولك, والوظيفه تجي من عند ربنا والارزاق بيده
(مع ان تفكيرك سليم بالحيرة لان ماحد يبي يدرس ويتعب وبالنهاية صفر عالشمال! لذلك استخيري اولا واخيرا)
رد: انتي بنت ! مالك إلا التدريس !
في البداية جذبني العنوان وفيه مقولة ترد علية بكل بساطة
(( لن تعرف حجمك الا اذا تجاوزت حدودكـ ))
بعدين على قولة الموسوي احنا قادة المستقبل
فتتشجعي وأحسني الأختيار وأبدعي فيما تحبين
رد: انتي بنت ! مالك إلا التدريس !
وعليكم السلام ..
والله اختي نصيحة اختاري تخصص مطلوب .. تراها بتفيدك ..
و ما شاء الله عليك انتي مخلصة انجليزي .. يمديك تخاذي شهادتين ماجستير ..
في ظرف 3 سنين .. (سنتين في امريكا .. وسنة في بريطانيا )
والله يوفقك
رد: انتي بنت ! مالك إلا التدريس !
أختي الغالية ادرسي اللي أنتِ مقتنعة فيه وماعليك من كلام الناس !
رغم لو تبغين رأيي الإنجليزي حلو وممكن تلاقين وظائف ترجمة مو شرط تدريس .
انتِ استخيري وربي يوفقك إن شاء الله .