الأعضاء الإشتراك و التسجيل

الملتقيات
ADs

ما رايكم بالسكن مع عائلة لتعلم اللغة Homestay؟ وما هي افضل الطرق للتنسيق؟

ما رايكم بالسكن مع عائلة لتعلم اللغة Homestay؟ وما هي افضل الطرق للتنسيق؟


NOTICE

تنبيه: هذا الموضوع قديم. تم طرحه قبل 6504 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Abu Ali
    Abu Ali

    مبتعث جديد New Member

    Abu Ali السعودية

    Abu Ali , ذكر. مبتعث جديد New Member. من السعودية , مبتعث فى السعودية , تخصصى طالب , بجامعة Indiana University
    • Indiana University
    • طالب
    • ذكر
    • Riyadh, Riyadh
    • السعودية
    • May 2006
    المزيدl

    May 29th, 2006, 06:05 PM

    ما رايكم بالسكن مع عائلة امريكية لتعلم اللغة Homestay؟ المزايا والعيوب

    وما هي افضل الطرق للتنسيق معهم؟

    ولاية : انديانا
    المدينة: بلومنجتون
  2. اررحب ابو علي والله اما من ناحيتي ومن الخبره اللى جربتها انك تسكن مع عائله راح تتعلم في وقت قصير جدا يعنى راح تكون سنه اللغه فعلا كافيه انها تغطى لغتك وانت مع العائله لانك راح تنســـــــــــــــــــــــى شى اسمه لغه عربي وهذه هى النصيحه اللى انصحك فيها انك تنسى العربيه ولا تحاول تختلط مع طلاب عرب كثيير يعنى اذا هم يتكلمو انجليزي اكيد معاهم نفــلها بس لو هم عربي عربي والله ما تركنا السعـوديه واغتــربنا واحنا نبي نتعـلم عربي....فــانا بصراحه اول شخص يشجعك على العــائله وينصحك فيها.. تقبل تحيـاتى..اخوك ركبـة البعير
    7 "
  3. اظن ان السكن مع العائلة في فترة اللغة لها ايجابيات كثيرة حيث بأنك تضمن لك سكن متوفر بأسرع وقت ممكن بس عليك تكلم المعهد وتقول لهم انا انا ارغب بالسكن مع عائلة . وراح تتمارس اللغة في الحياة اليومية بكثرة وتتعلم كلمات تفيدك في حياتك اليومية اولا وثم الجامعية . ومن تخلص فترة اللغة ابحث لك عن سكن خارجي يوفر لك الخصوصية التي ترغب فيها .. للمعلومية ما عمري سمعت عن اشخاص سكنوا مع عائلات وواجهتهم مشاكل فأغلبهم شعروا بالراحة في الكن مع العائلة ... موفق اخي
    7 "
  4. اخووى الغــالى الرفيعي بعــلق على ردك يالغــلا من ناحيه السهرات والرجعه للبيت فاكيد انك الســاعه ثمان واانت محضر على السرير هههههههههههههههههههههههههه يعنى وانا اخوك مافــيه ولا بعد اذا تاخرت خمس دقايق اتصلو بالبوليـس هههههههههههههههههههه امزح معــاك يالغــالى والله لكن من ناحيه السهره فانت تبي تفـــل ابوها سهره لو ما ترجع للبيت الا الفجر طبعا هو على حسب العائله وحسب علاقتكم معهم اذا انت مضبطهم وتشترى لهم كل ويك اند علبه حلاو اللى عليه صوره بقره الاصلى تشتريه لعيالهم فانت هم راح يحبونك ههههههههه وتضبطهم وتسهر على كيفك وخاصه في الويك اند هم مالهم علاقه فيك لكن والله ترى تختلف من عائله لعائله انا اعرف واحد من الشباب ساكن مع عائله ولا بعد العائله بدووو وفي الويك اند يروح يسوي شبوك المزرعه لهم يعنى قالبينه تقول هندى ههههههههههه فهذا وينه ووين اللغـه دور لك على عـائله فاهم متحضره ماهم بدوو ما يعلمونك الا اللى حولهم الغنم والشبوك ..... عمموما سعــت بتعــليقك على ردى يالغــالى وحبيت اوضحك لك نقطه فوق مع شوي مزح مانبي نكون رسمييين بقووه ... يالله تقبل تحيــاتى...اخوك ركبـة البعير
    7 "
  5. حبيبي ابو علي اشكرك على الموضوع الرائه شووف حبيبي هذا الكلااام ما يبيله تفكير..

    1+1=2 يعني على طووول خذها من اخوووك الوايلي اسكن مع عائله ................

    صدقني بفتره قصيره قصيره جدا راح تعلم اللغه وتحس انك فهمت بشكل انت ماتخيل نفسك فيه تقولي ليه لانك انت ساااكن مع عائله والعائله مثل ما انت تعيش مع اهلك واغلبيت وقتك تجلس مع الاهل هذا نفس اهلك تاخذ وتعطي بالكلام معاهم غصب وتنجبر انك تعلم لانك بالبيت معاهم راح تعلم وتفرغ لهذا الشي غصب وراح تاخذ وتعطي معاهم غصب لانك تبي شي واهم يبون شي وذالك انت بعيد على العرب ومع العائله غصب لسانك يبدا يتطلق لي لغتهم وارجووا انك فهمتني واشكرك مره ثانيه على الموضوع لي اجل غيرك ياخذ النصيحه مني ومن الاخوان..
    وشكرا.
    7 "
  6. وحسب علاقتكم معهم اذا انت مضبطهم وتشترى لهم كل ويك اند علبه حلاو اللى عليه صوره بقره الاصلى تشتريه لعيالهم فانت هم راح يحبونك ههههههههه وتضبطهم وتسهر على كيفك وخاصه في الويك اند هم مالهم علاقه فيك
    هههههههههههههههههههههههههههههههه
    الله يقطع ابليسك..والله بيني وبينك,,ودي أطيح بعائلة صغيره..اقصد توهم معااريس...مابي اطيح بعائله يطيح الشاايب قدامي مغمين عليه..وأبلش أوديه للمستشفى
    على العموم اخوي ركبه..ماقصرت صرااحه..
    7 "
  7. أخوي ابو علي .... كيف حالك ...
    أول شيء اشكر الأعضاء اللي ردوا علي موضوعك وكلهم ذكروا مزايا السكن مع عائلة ... لكن انا راح احكي لي بعد تجربتي مع احد العوايل الأمريكيه ....
    أولاً : انا من وجهة نظري مسألة العوائل مسألة حظوظ وتوفيق من رب العالمين ... يعني مثلا انا سكنت مع عايله لمدة شهر ... ووجدت نفسي من الصعب ان أتأقلم مع عائلة أمريكية وذلك للأسباب التالية :
    1- النظافة : انا كنت ساكن في عائلة يكاد يكون مستوى النظافة عندهم منعدم . يعني البيت غير نظيف .. ورائحه كريهه منتشرة بالبيت ... وجووود القطط والكلاااب ... تخيل أصحى من النوووم ألقى مخلفات القطط والكلاااب بالصاله ... غير كذا تاكل والكلاااب جنبك ... لدرجة اني صرت أجلس بغرفتي تحاشياً لرائحة الكلاااب .... كثرة الحشراااااات ....
    كان ساكن معاي بنفس العايله روميت ياباني تخيل حتى الياباني ماقدر يجلس شهر ....

    2- الأكل : تخيل العايله اللي كنت فيها يطبخون العشاء ويبقى لليوم الثااني ويسخنوونه ويقدمونه لي نفسه ..... من زين هالأكل :gr_895:

    3- أما بالنسبه للمواعيد الحضور والتأخير بالليل مأتوقع انو فيه مشكله لانو اعرف بعض الطلاب الأجانب والقليل جدا من السعوديين بولايتي يتأخرون للفجر برى البيت واحيانا ينامون برى البيت بدون اي احراج ( بس طبعا خليك ذوق وعطيهم خبر انك راح تتأخر )

    4- الأهم من هذا كله اللغه والله مأستفدت منهم لغه أبدا لانو كل واحد مشغووول بحالووو مو فاضي لأحد وشلوون استفيد لغه منهم ....

    أما الميزااااات فالشباااب كفوا ووفو وذكروا ميزاااات بس ممكن بعضهم ماجرب العوايل لكن التجربه خير برهان ..
    لكن ياخوي انت مو خسرااان حاجه جرب عايله لمدة شهر ... واذا ناسبك الوضع استمر معاهم واذا ماناسبك تقدر تغير .... اتمنى ني اكون قدرت افيدك ولو بمعلوومه بسيطه .. والله يوفق الجميع
    7 "
  8. شكرا جزيلا للجميع على الردود, ويعطيكم العافية

    طيب كيف استطيع اختيار السكن مع عائلة؟؟؟ ما هي الطرق؟
    بالنسبة للمعهد كلمتهم ولا يقدمون الخدمة.

    ارجو الرد من اهل الخبرة وخصوصا اللي في انديانا - بلومنجتون.

    وشكرا..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.