حوار ولاياتك من أفضل الولايات بأمريكا اتفضل

بالنسبة لولايتي ايداهو انا بعاصمة الولاية بويزي .. يمكن لو قلت اكثر امان من الرياض ماتصدقون ههههه
مدينة دراسة وحلوة ومتطورة شوي والمطاعم فيها حلوة والمحلات يعني مقبوولة لحد كبير ..
بالنسبة للمعهد او الجامعه Boise state university .. المعهد يغطيه السعوديين هالسنة العدد كثر ..
يمكن اول ماكان فيه الا واحد من الشباب وواحد ثاني بس خخخخخ الحين العدد كثر .. بس آشوف انه مو عيب يعني ممكن مايتجاوزون ال200طالب سعودي بالمعهد .. بالنسبة للجامعه 98%امريكان واجانب السعودديين قليليين جدا بالجامعه ومعروفين ..
يعني تقريبا طلاب الجامعه19الف طالب ... 300 وشوي جنسيات اجنبية ومنهم الصينيين اليابانيين والسعوديين ..
افضل واقوى تخصص بالجامعه RTعناية تنفسية ..
الجامعه متطورة ومبانيها حلوة .. واكثر شيء استفيده الاختلاط مع الاجانب ..والكلام ..
والشعب حبيب وفرندلي الاجانب طبيعتهم كذا .. بس

هذا الي عندي ..


سي يو ..

أشكرك اخويا على ردك

يعطيك العااافية والله ماقصرت

بس ماقلتلنا كيف الجو والسكن والاسعار ونسبة الضرايب

ياااااااااارب يساعدونا اللي في امريكا انا لسى ماروحت وبدور على جامعه تعطيني قبول مشرووط الله يستر لسى باقيلي اخد لغه سنه

ياريت اخواننا في اوهايو يفيدونا بليييييييز

الله يوفقك ان شاءالله

موضوع حلو جدا بس نبي الشباب يشاركون علشان نستفيد منك يارشباب

بالنسبه لا ايداهو اخوي كيف الاسعار وكيف الجامعه صعبه ولا متساهله وبالنسبه للقبول كم ياخذ وقت وشكرا

موضوع بطل يا بطل

واتمنى التفاااااعل .. وما لكم الا الاجر

الاسعار مناسبة وجيدة والتاكس مو كثير ممكن 4%يعني مقارنه بباقي الولايات ..انا ببويزي العاصمة والمدينة حلوة فيها اماكن ترفيه والواحد يقدر يرفه نفسه عن الدراسه .. يعني مو مكتومة ..الجامعه حسب التخصصات انت بامكانك تدخل موقع الجامعه وتشوف التخصصات وتدخل على التخصص وتشوف المواد وتقسيمها بكل تخصص تسوي بحث ويطلع لك الي تبي ..فيه صعوبة بس الي يجتهد ويذاكر من قلب ومايقول متساهله بيمشي. كل انسان له قدرة على الحفظ والفهم والمذاكرة والاستيعاب الي لغته بيرفكت وجيد يفهم ويكتب ويقرا بشكل عالي بيمشي بالجامعه وبيتعلم اللغه فيها.. بس الي لغته ركيكه بيتعب كثير ..
القبول 20 يوم ممكن ..او اقل .. على حسب المسؤولة ..

دعواتك
بالتوفيق ..

بصراحة اخوي جدا أستفدت من ردك الله يعطيك العافية

وعملت بحث للأسف مالقيت تخصصي موجود بالجامعة

ربي ييسرلك امرك يارب

السلام عليكم
بالنسبة لولايتي فهي كاليفورنيا طبعا زي ما هو معروف الولاية مرررررة غالية سواء من ناحية السكن الي يتراوح سعره للغرفة الواحدة من 1000الى ما شاء الله و التاكس (8,25%) و البنزين الي يعتبر اغلى بنزين في امريكا سعره حوالي 3,45 و مرات يرتفع السعر او ينخفض بنسبة بسيطة جدا عن الحد دا
تقريبا دا اسوأ شي فيها
غير كدا فهي حلوة للتماشي والجو معتدل سواء في الصيف او في الشتاء و الدراسة فيها حلوة لانها معروفة بجامعاتها القوية
و بالنسبة لعدد السعودين فهم في ازدياد في جميع مدن كاليفورنيا
عموما هذا الي يحضرني دحين بس لو في سؤال او استفسار عن الولاية فأنا حااااااااااااااااااضرة