( الفيزا ) تأخرت عليك ؟ عندي الحل ..!!
السلام عليكم ورحمة الله وبركاته ،،
هذا موضوع جربته بنفسي والحمد لله استلمت الفيزا امس ( الثلاثاء ) واليوم الاربعاء الساعه ٩ صباحا موعد رحلتي ..
انا بصراحه جازفت في الموضوع هذا لاني حجزت الرحله على الخطوط السعوديه قبل استلام الفيزا بشهر تقريباً ..!
لان بداية دراستي بعد ٥ ايام من وصولي الى بلد الابتعاث ( امريكا )
المهم ..
اصدار الفيزا كان بتاريخ ١٤ فبراير :) يعني بعد اسبوع او اثنين فقط من مقابلتي وما استلمتها الا بتاريخ ٢٢ الي هو يوم الثلاثاء ( امس ) ،،
الزبده الي في الموضوع هي ،،
ان السفاره راح تخلي الجواز عندهم ومايسلمونه لك الا اذا قرب موعد دراستك باسبوع تقريباً ..
وهذا الشي خاص بالرجال فقط ..
النساء والاطفال فيزهم تطلع بسرعه ( مثل اختي وعيالها ) صدروا في ٤ ايام فقط ..
وانا مقدم معهم وجلست اكثر من شهر تقريباً ..
--==--
الي سويته انا عشان استلمت فيزتي هو اني نشبت لهم اتصالات يوميه تقريباً ..
على هذا الرقم : ٠١٤٨٨٣٨٠٠ ( وقت الاتصال من السبت الى الاربعاء من الساعه ٣ عصرا حتى الساعه الخامسه ) يعني بس ساعتين حاول تتصل فيها وتكرر لين يمسك الخط
بعد مايمسك الخط معك ..
( اضغط على ٠ للمساعدة )
بعد ذلك قل للمأمور بأن يحولك على قسم الفيز ..
بعد مايرد عليك الامريكي ( يتكلم عربي مكسر ) قوله عن وضعك وعن تاريخ رحلتك وبداية دراستك وان الموعد قرب ..
واطلب منه موعد محدد لاستلام الفيزا عن طريق الفيدكس ،،
انشب له بعدها بيوم او بكم يوم ( في حالة قرب موعد سفرك )
وان شاء الله يسلمونها لك ..
هذا تجربه شخصيه ،،
والحمد لله على كل حال ..
شفت اسئله كثير تتعلق بتأخر صدور الفيزا الامريكيه وقلت ابين لكم الموضوع التقريبي .. ( او الاكيد بمعنى اخر )
رد: ( الفيزا ) تأخرت عليك ؟ عندي الحل ..!!
يعطيك ربي الف عافيه اخوي
مثل ماحصل معي بالضبط
انا فيزتي بتخلص اسبوع الجاي واخوي بعد شهر
والمشكله اذا تاخرت فيزت اخوي راح اروح امريكا قبل الدراسه بأقل من اسبوع
الحين بسوي مثلك بطفشهم اتصالات كان يخلصونها بدري
رد: ( الفيزا ) تأخرت عليك ؟ عندي الحل ..!!
رد: ( الفيزا ) تأخرت عليك ؟ عندي الحل ..!!
حياكم الله ،،
ماينفع معهم الا التلزق ،،
اضفت معلومه وهي وقت الاتصال على السفاره محدد من ٣ حتى ٥ عصرا ،، يعني بس ساعتين من السبت حتى الاربعاء
رد: ( الفيزا ) تأخرت عليك ؟ عندي الحل ..!!
هي حظوظ ..
انا مستلم جوازي قبل الدراسة بشهرين
والفيزا انطبعت اليوم الي بعد المقآبلة ..
مشكور اخوي على جهودك وتوصل بالسلامة ..
رد: ( الفيزا ) تأخرت عليك ؟ عندي الحل ..!!
انا استلمت الفيزا بعد ما قدمتها بيومين ارسلولي رساله فيدكس واخذتها منهم
بس قاللي الموظف من اسبوعين الى 3 اسابيع .
رد: ( الفيزا ) تأخرت عليك ؟ عندي الحل ..!!
موعدي مع السفاره بـ 1/3 مارس
ودراستي تبداء بـ 30 /3
وربي ضايق صدري وخايف
ماتطلع الفيزه قبل
ولا بعد بروح قبل دراستي بسبوع
ياناس كيف اتدبر هالسالفه :(
من جد قلق
والضمان المالي بسمي
ادري ببلش بعمري لاسالني من بيصرف عليك
ومادري وش اقول لاسالني عن الضمان المالي
احد له تجربه سابقه يفيدنا ياناس
رد: ( الفيزا ) تأخرت عليك ؟ عندي الحل ..!!
طيب ورقم القنصليه بالظهران اي رقم انشب لهم فيه؟؟
رد: ( الفيزا ) تأخرت عليك ؟ عندي الحل ..!!
سالفة تنطبع الفيزا و تخلص و لا يسلون الجواز هذه ما عجبتني .. يلعبون بأعصابنا ولا يلعبوا ولا يلعبون ولا كيف ؟؟!! اقتباس:
المشاركة الأصلية كتبت بواسطة نـــــــوفي
طيب ورقم القنصليه بالظهران اي رقم انشب لهم فيه؟؟
صح و رقم القنصلية بالظهران لشعب الشرقية أي رقم ننشب لهم فيه شوفي يا نوفي كككك شوفي يا نوفي أنا لقيت رقم في موقع القنصلية و دقيت عليه من قبل فترة و رد علي أمريكي ما يتكلم عربي لا مكسر و لا فصحى هع ما قدرت أفهمه و يتكلم بسرعة .. سكرت من عنده و أبغى ألحين رقم جديد اللي ننشب لهم فيه ضروري علشان أستخدمه يوم السبت القادم .!! http://www.mbt3th.us/vb/imgcache/121458.png عدد هائل من الاتصالات ينتظركم يا موظفين السفارة والقنصليات و السبب دندوووري خخخ http://www.mbt3th.us/vb/imgcache/121458.png
رد: ( الفيزا ) تأخرت عليك ؟ عندي الحل ..!!
نسيت أشكرك يا دندووري على طرح الموضوع
و عسى الله يوفقك و توصلون بالسلامة
بالتوفيق للجميع