الحمد لله وصلت لامريكا .. 23/2/2011 تقرير مصور و فيديو

و اذا كانت 14 ساعة ؟ صدقني لو الله كتب انها تكون 20 ساعة انا رايح رايح بإذن الله ، الي يبي يدرس و يبي منصب في السعودية و يكون جالس على مكتب و يأمر و ينهى و يكون له كلمة مسموعة و نهاية الشهر يكون عندك راتب قوي يكفيك لنهاية الشهر و ماتجي نهاية الشهر و تتدين و اول الشهر تجلس تسدد ... يروح لو انه في قاع البحر !

الله يسلمك يا اختي ، خذي الي تبيه لو تشتري الصيدلية بكبرها ، بس لا هنتي حطيها كلها في الشنطة الي راح تدخل الشحن لانه لو في الشنطة الي معاك بيصادروها عليك ، و اذا وصلتي الفندق استخدمي الي تبيه و اذا جيتي رايحة للولاية الي انتي جاية على شانها حطي الكريمات في الشنطة حقت الشحن .. الشنطة الي معك حطي فيها الاب توب و الكاميرا مثلا . غير كذا كله في شنطة الشحن .

افضل انك تسأل المظيفين في الطيارة .

الله يوفقك ياالعنزي ويمتعك بصحة والعافية انت ووالديك وجميع المسلمين وربي كأني مسافر معك با النسبة للمضايقات في المطار لا توجد انا نزلت في مطار شيكاغو افضل منهم مافية احترام وابتسامة ويتساعدون مع الي مايتكلم انجليزي والوضع عادي جدا وشكرا

قرأت الموضوع من اوله الى آخرة... بصراحة موضوع تشكر عليه والله
وانا متأكد انه راح يستفيد منه ناس كثير الان وفي المستقبل
الله لا يحرمك اجره

سؤالي لك اخي اياد:
جاي انا وعائلتي ان شاء الله الى كوستا ميسا (قريبة من لوس انجلس) في شهر 6 الله لا يعوق بشر... السؤال :عندك خلفية عن اسعار السكن هناك او في المنطقة القريبه منها

نعم يا عزيزي فالوضع عادي و هذا الي بحاول اقولة طول الموضوع ، لان اصحاب الفكر السيئ حولوا امريكا الي الجحيم و كأنها خارج المجره او شي خرافي او او او .. فالوضع ما يتعدى دولة و مطار و دراسة !!

والله اسعار الشقق تفرق من مكان لمكان و من حي لحي ، يعني في سانتا مونيكا تلاقي بـ 1800 دولار و تحصل بـ 900 دولار و تختلف يا عزيزي ، دور بهذا الموقع و ان شاء الله تحصل :
www.apartment.com
و ان شاء الله تحصل الشقة ، و اذا ما حصلت لما توصل لنفس المنطقة راح تلاقي العمائر مكتوب عليها ( للايجار ) و يوصف لك وش عندي مثلا شقة بغرفتين و حمامين و صالة .. و زي كذا يعني .

فلا تشيل هم و الله ان الوضع هنا مره سهالات مره ، و لكن حط ببالك ان راعي العمارة بياخذ منك شي اسمه ( ديبوزت ) في حال انك كسرت شي او خربت شي بياخذ حق التصليح من هذا المبلغ ، اما اذا ما خربت شي بيرد لك المبلغ كامل

تقرير حلو أخوي ما شاء الله غطيت كل شي

اللي فهمته انه حجزي لازم يكون على دالاس صحيح؟ >>>>> شكلي جبت العيد لأني حجزت على واشنطن

اذا من موقع الخطوط السعودية ، و على الخطوط السعودية ، ماراح تنزل الطيارة الي بمطار دالاس ، تأكد من اسم المطار بتحصل اختصارة IAD و هو اختصار لاسم المطار ( واشنطن دالاس انترناتشونال ايربورت )

تأكد منه يا عزيزي و بإذن الله يكون نفس المطار

المطار الي بنزل فيه اسمه Ronald Reagan Notional Airport

والحل رحلتي بكره

تقرير رائع اياد

الله يوفقك ويسهل امورك ..

انا عارف انك التحقت بس عندي اسئلة مهمة اذا تكرمت ..

لما كنت على حسابك كيف توصلك الفلوس من السعودية بااقل العمولات؟ (لاني مااودي اخذ مبلغ كبير معي عشان لاسمح الله سرقه او حاجة واتورط)
وانا قريت انك اخذت 1700 دولار معك هل كنت ماخذ احتياطاتك من سرقة او شي ؟
وهل اقدر استخدم الفيزا مسبقة الدفع هناك ولا لازم تكون بطاقة امريكية ؟

^^^^^^^^^^^^^^^^^^^^

انا من فضل الله التحقت بعد 11 يوم من دخولي امريكا لكن بإذن الله عن قريب راح يكون في تقرير عن هذا الخصوص
نعم الحمد لله اخذت معي 1700 دولار و خليت معي بجيبي 400 دولار و الباقي في شنطة السفر
لا استخدمت فيزة ولا غيره ولا طلعتها اصلا لان الفيزة الي بالسعودية ( مسبقة الدفع ) فيه ناس متضررين منها لانه بعض الاحيان تلاقي رصيدك بالسالب و البطاقة توها جديدة ؟؟!!! فلهذا خل معك 1700 دولار و صدقني ما راح تحتاج بطاقات ولا حتي بطاقات البنوك السعودية

موضوع رائع والله يسهل لك يارب ..
عندي اسفسار بسيط كيف اخبر الملحقية بموعد وصولي الى واشنطن ؟؟؟