الحمد لله وصلت لامريكا .. 23/2/2011 تقرير مصور و فيديو

ماشاء الله عليك اتمن لك التوفيق يارب وعقبالي مالتحق في امريكا يارب

ما اضن انه غالي 93 دولار مقدور عليها بإذن الله ، ولا الفندق التافه ( كمفورت ان ن ) حتي مافي جنبة شي مثل ما انت شايف بالصور و بـ 86.9 دولار باليوم !!! ، لكن اذا بتجلس يوم ثم تتوكل على الله خذه و اليوم الثاني بسرعة البرق على المطار ولا تعطي المصري اي شي ( قول له ماعندي صرف ) ، لا تزعج نفسك و تروح فنادق ثانية لانك انت تبي تخلص اوراقك ، لكن اذا خلصتها بتلاقي عند الباب سؤاقين من الجنسيات العربية ( سوداني و مصري و غيره ) و تحصل افغاني و باكستاني ( ورانا ورانا ) تقدر تعطي اي واحد منهم العنوان و يوديك له .
ارخص وسيلة مواصلات في مدينتي ( لوس انجلوس ) هي الباصات لانه اصلا مافيها لا ميتروا ولا باص ولا غيره ، يعني باص و تكاسي و بس .
لكن بفرجينيا ، خذ تكسي بس انتبه و خليك ( نبيه ) اتفق معاه قبل لا تركب ولا تخليه يشغل العداد ، و اذا تبي تروح بين الفندقين اتفق مع كم سعودي يروحوا معاك علشان يطلع على التكلفة بسيطة ( بدل ما تدفع 15 دولار لحالك ، اطلعوا 7 و خلوها دولارين على الواحد <<< والله صارت )

^
^
^

ما شاء الله عليك .. و الله لو اني ولد كان كل شي خليته بالقطه و الشراكه
بس ما فهمت على سالفه العداد ؟ احس انه بالعكس لازم يشغله عشان نعرف ايش لنا و ايش علينا و ما ينصب علي بما اني جديده ..

هذي اسعار الدبل تري الحين

على فكره كيف الجو في لوس انجلوس الحين ؟

يعطيك ألف عافيه أخوي إياد على الموضوع الأكثر من رائع..
الله يوفقك وإن شاء الله تلتحق ببرنامج الإبتعاث
الله يطول بعمرك وعمر والديك ويعطيهم الصحه والعافية.

عادي راح تلاقي بنات مع ابائهم و يازين القطة يعني انت و مرافقك روحوا معاهم ، علي العموم الفكرة انك لو طلبتي علي العداد بيجلس يفرفر علشان يحسب عليك اكثر لان ( مفهوم ) ان السعودي هو ( بنك متحرك ) هذا السائد !! فانتبهي الله يحفظك . لكن اذا بالاتفاق قبل ماتركبوا معاه بيوديكم بسرعة ( سيارتة 8 سلنر و الـ 15 دولار ماتوفي حق البنزين حتي )

بالنسبة للاسعار انا انصح انك تروح مع الملحقية لانه لهم تخفيض خاص ، و بدل ماتاخذ الليلة 150 راح تاخذيها 93 دولار .

بالنسبة للجو ، ساعات برد و ساعات حر ، يازين حرهم الي مايتعدى 30 درجة ( نادر يجي ) لكن البرد .. انصحك في اول اسبوع انك تاخذي سويتر او حاجة تدفيك لانه بيكون بارد عليك ( لان الطبيعي عندنا اذا صار برد 30 و اذا حر 55 الي 60 ) لكن عندهم اذا حر 30 و الايام العادية 15 الي 17 ، و اغلب الاحيان مابين شمس و غيوم .

شكرا لمرورك

انا تاكدت اني اول مرة اقرأ تقرير

الف شكر والا الامام

بجد الموضوع رووووووعه والصور اكثر
ربي يوفقك ويرحم الله والديك
وترد لهم سالم غانم
وفي يدينك الشهاده الي ترفع الراس

^^^^^^^^^

شكرا لكم يا اخوان علي الردود الي ترفع من المعنويات

اهلين اخوي اياد

اشكرك على تفاعلك الذي نفعنا كثيرا فالله يتولى مكافاتك و يجزيك كل خثيرا

قريت لك باحدد المواضيع هذا الرد
اما التجوال فوالله انه مهزلة فقط ، في 3 ايام فقط موبايلي طلعت علي فاتورة 850 وشوي !! فإستخدمية كم يوم ثم قفلية و روحي طلعي شريحة من t-mobile ،

الان انا شريحتي موبايلي واتصلت عليهم قالوا لي ان التجوال فقط على تي موبايل تستقبل الرسائل و المكالمات مجانا واللي يكلموك من السعوديه كانهم يكلمون جوال سعودي عادي, وقال اشبك على شبكة تي موبايل يدوي بحيث انه ما يشبك على شبكات ثانيه , اما انا اتصل راح يكلف , فانا راح اخذ شريحتي موبايلي فقط عشان استقبل المكالمات من اهلي و اصحابي , لكن راح اطلع شريحيه امريكيه اكيد , فـ غريبه انت جاك هذا المبلغ وبعدين انت ايش سويت عشان يجيك كل هذا المبلغ شكلك كنت تتصل منه ؟؟

وبالنسبة لطيران الداخلي دلتا انا معاي 3 شنط وكل شنطه وزنها 23 كيلو , انا ما عندي مشكله ادفع فلوس , بس هل ممكن يقولون ما تطلع او لازم عدد معين ؟؟

وبالنسبة لفندق انا اشوف دايم ان الملحقيه تودي الطلاب على فندق comfort طيب انا حاجز على دبل تري , نفرض سواق الملحقيه قال ان دبل تري مافي اماكن مثل ما صار معاك وراح نوديكم comfort , عادي اقوله انا فندي بدبل ترى وهو راح يوديني ولا اخذ تاكسي ؟؟ وهل تنصح لو اقدر الغي حجزي واروح مع سواق الملحقيه على الفندق اللي بيختاره ؟؟ وضحلي الامور الله يخليك

والله يسعدك و يبارك فيك و يخليك لاهلك

شكرا لك على مساعدتي ائما فانت قدمت لي الكثير

لك تحياتي و تقديري

دمت برعاية لله

ماشاء الله عليك يا إياد، الله يجزاك كل خير ويوفقك بدنياك وآخرتك ..
أستمتعت بتصفح مواضيعك، وبدون مبالغه والله وضحت لي أمور جداً كنت أجهلها ولولا الله ثم مواضيعك لما استنرت للكثير حول السفر لإكمال الدراسة.
يا غالي انا راغب بتكملة ماستر في تخصص هندسة البرمجيات في الولايات المتحدة الأمريكية، وطالع على حسابي إلى أن يفرجها ربك ونلتحق بالملحقية بإذن الله.
لكن بغيت أستفسرك عن عدة أمور مهمه من جانبي حتى أكون على بينه قبل لا آتي إلى هناك وبإذن الله راح تساعدني ..
بخصوص معهد اللغه كم أخذوا عليك من دفعه أوليه، وهالدفعه الأولية كانت لمدة كم من يوم( شهر أو أكثر ؟) إذا كان على الكورس ياليت تعطيني حدود أسعاره ..
ابيك تحدثني عن معهدك بالخصوص، لأنك تعاملت معهم.
وبحكم أني طالع على حسابي كم تشوف يكفيني من مبلغ لتكاليف العيش هناك لمدة 3 أشهر أو 6 أشهر، طبعاً أرغب بأخذ احتياطيتي يا غالي إذا لم أنضم للبعثه في فترة وجيزة.
وألف مبروك إنضمامك للبعثه وعسى الله يوفقك وترفع رأس بلدك وأهلك.

شاكر لك تجاوبك مع الجميع والله يكثر من أمثالك.