ووش رايكم أرجع لا أهلي ولا... بدري على الرجعه ؟؟؟
اهلين حبايب قلبي بصراحه ما ادري من ووين ابداء لكن وودي اخذ راي اخواني واخواتي ..
المهم اخش في الموضوع على طوول انا توني واصل امريكا صارلي تقريبا 3 شهور وانا نظام المعهد اللي انا فيه كوارتر
مو سمستر يعني كل شهرين لفل وعدد اللفلات 6 المهم بين كل لفل ولفل تقريبا 12 يوم وانا بصراحه وودي ارجع للسعوديه في هل 12 يوم لأن ما اقدرت اصبر عن اهلي اكثر من كيذا والله مشتااق لهم شووق ما يعلم فيه الا الله مع العلم اني الى الحين على حسابي ما بعد انضميت وانا ما عندي مشكله اقدر ارجع لكن خاف اشووف اهلي وحبايب قلبي واهون ما ارجع لا امريكا وناس تقوولي صدقني راح تعطيك دافع للرجوع وبقوه .. وما اخفيكم سألت كذا واحد اللي قال لي صدقني والله ما تسوى ترجع كلها كم يوم واللي قال لي والله يا محمد صدقني ووجبه ووحده غداء او عشاء مع امك وابوك واخوانك واخواتك تسوى الدنيا ومافيه وانا ما اخفيكم وربي حيل حيل محتار انتو ووش رايكم ابي رايكم بكل صراحه ..؟؟؟
رد: ووش رايكم أرجع لا أهلي ولا... بدري على الرجعه ؟؟؟
والله رأيي تجلس توك 3 شهور ..
فائدة انك ماترجع تتعود على الغربة وطولها .. اما لو رجعت بتصير كل 3 شهور تحن للرجعه ..
وبالتوفيق لكـ ..
رد: ووش رايكم أرجع لا أهلي ولا... بدري على الرجعه ؟؟؟
تبي رآيي لاترجع الا وانت مكمل 9 شهور اقل شي
ماتسوى جيتك 3 شهور تحمل والشكوى لله
رد: ووش رايكم أرجع لا أهلي ولا... بدري على الرجعه ؟؟؟
اقتباس:
المشاركة الأصلية كتبت بواسطة احساس عاشق
والله رأيي تجلس توك 3 شهور ..
فائدة انك ماترجع تتعود على الغربة وطولها .. اما لو رجعت بتصير كل 3 شهور تحن للرجعه ..
وبالتوفيق لكـ ..
اخوي الغالي انا اقوول بس هل المره بس علشانها راح تكون اول رجعه بعدين اتوقع بيصير الوضع عادي ولا لا
ووش رايك ياخوي ؟؟
رد: ووش رايكم أرجع لا أهلي ولا... بدري على الرجعه ؟؟؟
اقتباس:
المشاركة الأصلية كتبت بواسطة فهآد
تبي رآيي لاترجع الا وانت مكمل 9 شهور اقل شي
ماتسوى جيتك 3 شهور تحمل والشكوى لله
فهاد 9 شهور واجد والله لكن هذا رايك ياخوي ..
تسلم وربي ما قصرت ..
رد: ووش رايكم أرجع لا أهلي ولا... بدري على الرجعه ؟؟؟
نصيحه لاترجع!
انا يوم رجعت السعوديه ورجعت ثانيه امريكا صرت اشتاق لآهلي اكثر من اول.
اليوم بكلمهم ان شاءالله.
رد: ووش رايكم أرجع لا أهلي ولا... بدري على الرجعه ؟؟؟
والله وانا اخوك لوني محلك ابصبر على الغربة .,
لاني لو ما تحملت 3 شهور مانيب متحمل 3 سنين ,
واشور عليك انك تصبر , ولو الروحة فيك فيك ما انصحك تروح قبل 9 شهور ,
الله يسهل عليك ,
رد: ووش رايكم أرجع لا أهلي ولا... بدري على الرجعه ؟؟؟
اصبر يارجال واذا جاتك اجازة طويله وقتها انزل عند اهلك وحاول تشغل نفسك مو تقعد بالغرفة لحالك وتفكر باهلك ترى تتعب نفسيا
اتمنى التوفيق للجميع
رد: ووش رايكم أرجع لا أهلي ولا... بدري على الرجعه ؟؟؟
اخوي .. الانترنت بفلوس ..؟
ياخي حمل سكايب .. وكلم اهمك صوت وصورة .. وما يحتاج ارجع ولا ما ارجع ..
وبعدين كل يومين كلم اهلك .. لا تبخل عليهم .. وتراهم مشتاقين مثل ما انت مشتاق لهم ..
وخل عنك التفكير هذا .. لانه هو اللي بيلهيك عن الدراسة ..
رد: ووش رايكم أرجع لا أهلي ولا... بدري على الرجعه ؟؟؟
إذا عندك القدرة المادية و الزمنية للزيارةـ فأنا أقول توكل على الله
رح زر أهلك و خفف عن نفسك