الأعضاء الإشتراك و التسجيل

الملتقيات
ADs

بنتي تمت سنة ماشفتها وتقطعت قلوبنا عليها

بنتي تمت سنة ماشفتها وتقطعت قلوبنا عليها


NOTICE

تنبيه: هذا الموضوع قديم. تم طرحه قبل 2487 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية متوهق 2010
    متوهق 2010

    مبتعث جديد New Member

    متوهق 2010 الولايات المتحدة الأمريكية

    متوهق 2010 , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى MBA , بجامعة اركانسس ستيت
    • اركانسس ستيت
    • MBA
    • ذكر
    • جونسبورو, جونسبورو
    • السعودية
    • Feb 2010
    المزيدl

    February 26th, 2011, 05:54 AM

    انا مبتعث وطلعت لحالي في البداية وزوجتي كانت حامل في الشهر الثامن ولدت وجبتها هي وعيالي الثنين الكبار وتركنا البنت المولودة عند الوالدة ( أمي ) الحين مانيب قادر اصرف على نفسي وعيالي وعلى الحضانات لدرجة اني قررت ارجع واترك الدراسة وكذا يضيع مستقبلي ومستقبل عائلتي . طبعاً زوجتي تدرس معي . صرت ادخل البيت واختلق مشكلة مع زوجتي علشان تنسى الحزن الي فيها على بنتها كل يوم وحنا في مناحه بسبب الحضانات . في الاخير اطلب من كل شخص يقدر يوصل صوته اوصوتي لخادم الحرمين ترا حنا منتظرين شي لنا ومتوقعين حل لمشكلتنا خلونا نبدأ نفتح هذا الملف الي قفلناه بالاتكال وبتحطيم بعض الجرايد الي مااهتمت من موضوعنا . اعرف بعض العوائل يبيعون اكل بسبب الحضانات وغيرهم يدورشغل وبيجيب العيد وبعضهم يبيع غنم مع المكسيكان وبعضهم يتاجر ويسمسر على السعوديين الثانين علشان يزيد دخله . يالله نرجع لديرتنا أو زودو مستخلصات اطفالنا . بنتي اسمها حنين . والله حنيت لحنين وأنا ماشفتها خلونا نسوي حملة الحضانات ونسميها حملة ( حضانة حنين )
  2. الله يعينك على بلوتك ، وعليك بالصبر وانا اخوك . لو بيدي ساعدتك .

    ياليت هذا الشي تدرس الملحقيه الثقافيه ، المشكله الكبرى مو شخص او شخصياً حتى حنا يالعزاب نعاني كيف انتم كمتزوجين.

    انا هل سمستر ساكن بالجامعه والحمدلله على كل حال وبايع السياره والجوال اقل باقه. والطلعات مرتين سينما او متحف بالشهر يعني مقصر حتى على نفسي . وبنهايه الشهر مصفر الحساب.

    يارب يرفعون رواتبنا مثل كندا ٢٧٠٠ دولار.
    7 "
  3. المشاركة الأصلية كتبت بواسطة متوهق 2010
    انا مبتعث وطلعت لحالي في البداية وزوجتي كانت حامل في الشهر الثامن ولدت وجبتها هي وعيالي الثنين الكبار وتركنا البنت المولودة عند الوالدة ( أمي ) الحين مانيب قادر اصرف على نفسي وعيالي وعلى الحضانات لدرجة اني قررت ارجع واترك الدراسة وكذا يضيع مستقبلي ومستقبل عائلتي . طبعاً زوجتي تدرس معي . صرت ادخل البيت واختلق مشكلة مع زوجتي علشان تنسى الحزن الي فيها على بنتها كل يوم وحنا في مناحه بسبب الحضانات . في الاخير اطلب من كل شخص يقدر يوصل صوته اوصوتي لخادم الحرمين ترا حنا منتظرين شي لنا ومتوقعين حل لمشكلتنا خلونا نبدأ نفتح هذا الملف الي قفلناه بالاتكال وبتحطيم بعض الجرايد الي مااهتمت من موضوعنا . اعرف بعض العوائل يبيعون اكل بسبب الحضانات وغيرهم يدورشغل وبيجيب العيد وبعضهم يبيع غنم مع المكسيكان وبعضهم يتاجر ويسمسر على السعوديين الثانين علشان يزيد دخله . يالله نرجع لديرتنا أو زودو مستخلصات اطفالنا . بنتي اسمها حنين . والله حنيت لحنين وأنا ماشفتها خلونا نسوي حملة الحضانات ونسميها حملة ( حضانة حنين )
    سبحان الله نفس المشكله
    سفرنا باذن الله بعد ثلاثه ايام ونا قلبي كل يوم يتقطع مليون مرة على اطفالي (ولد وبنت ) من اللي اسمعه عن المكافات انها ما تكفي للحضانه
    ونحنا بصراااحه ماعندنا دخل ثاني او احد يقدر يرسل لنا مصروف كل شهر وبكذا اتخيل نفسي كل يوم اداوم وهما مع ابوهم بالشقه
    وخاصه البنووته الصغنونه عمرها ست شهور هي اللي شاغله تفكيري
    ساعات اقول اسيبها عند امي بالسعوديه وساعه اقول اخذها واسيب الولد اللي عمره سنتين
    ولحد الان ما رسيت على بر بس متاكدة اني مرح ارتاح الا واثنيناتهم معي مرح يجيني قلب اخليهم بعيد عني
    ..... فكرت قبل كذا انزل موضوع اطالب فيه بوضع بدل حضانه طفل مادون سن المدرسه بس من ناحيه اقوول
    خادم الحرمين الشريفين يحفظه الله ويرعاة وادامه تاج على رؤؤسنا وكذالك الحكومه والله ماقصروو معنا
    تكفلو بدراستنا من جميع النواحي والحمد لله على النعمه
    وما اقول الا الله يصبرنا ويسهل امور دراستنا في الغربه

    أضم صوتي لحمله (حضانه طفل )
    7 "
  4. جميعنا امهات حنين
    وجميع اطفالنا حنين
    جميعنا لحملة حضانة حنين
    ابي اقول حاجه
    لما صوتنا مايبقى بمبتعث
    لازم يطلع برا
    نسوي مقطع باليوتيوب
    الفيس بوك
    اي مجال نقدر ندخله
    ياريت تكون من جد عندنا مبادره فعليه وليس مجرد عبارات خطرت على ذهننا سننساها بمجرد الرجوع الى الوراء لرؤية موضوع اخر
    7 "
  5. ربي يعينك يخوي ويسر امرك
    والله هذي مشكلة الطلاب الوحيدة انهم يتزوجون ويبون يبنون مستقبلهم
    تناقض الان جميع المتزوجين وعندهم اطفال هنا يعانون معاناة بسبب نفس سالفتك حضانة ورواتب لا تكفي
    والكثير من الطلاب هنا اللي رجع بسبب الضوائق المالية ومسؤوليات البيت والعائلة والدراسة
    عمل كثير لايمكن انت تنجزة في اليوم العادي.
    اخوي اللي فات مات وعسا ربي يجمعك بنتك قريب ان شاءالله لاكن ياشباب اللي يبي يبني مستقبلة ويكمل دراسته لايتزوج
    لان الزواج اكبر مسؤولية وذمة بالحياة اذا تزوجت من الضروري انك تتفرغ لهذه المسؤلية بعيد عن امر الدوام اللي تداوم 8 او 9 ساعات باليوم الدراسة كررف ولاتدري انت تفرغ لعائلتك ولا لدراستك وبحوثات وشغل وكلاسات ونشاطات وواجبات والدراسات العليا ماتفضى حتى تحك راساك يعني الواحد قبل يتخذ قرار يفكر بالنظرة المستقبلية اول شي وبعيدن يفكر انه يتزوج لسبب انه يبي يشوف عيالة ولا يبي يبدأ حياته مع شريك يملأ فراغة
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.