اذا ماتكفيك 1850 دولار تفضل موضوع مهم جدا

المكافاه ماتكفي



شوفوا لنا حل...

ماصارت العن ابو التشتيت ... تبونا ندرس؟ ولا نفكر بهالراتب اللي مايغطي وندور شي نضحي به كل شهر؟

ترى هالشي مايرضي ابو متعب ياعيال تحركوا..!

وبعدين عندك حقين كندا.. ماشاء الله .. وعندك نيوزليندا..

ياخي امريكا فيها كاليفورنيا نااااااااااااااااااااااااااااااار كلش غالي

كيف تبونا نعيش

.؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟

انا معاكم اطالب بزيادة مكافئة الطالب المبتعث...

الحمد لله الذي اتاح لنا الإبتعاث على حساب الحكومه وملكنا الغالي ماقصر الله يجزاه ومن عاونه الف خير على الفكر الراقي بإبتعاث الطلاب لإكتساب مهارات جديده تعود على المجتمع بالنفع والرقي والتقدم

فعلا نحن مبتعثون للدراسه بحاجه لزيادة الرواتب لندرس ونعيش عيشه تليق بمستوانا السعودي المادي والبيئه الإسلاميه..

يجب تحديد جميع الأهداف مره واحده (بحكم ان اتخاذ القرارات تستلزم وقت ليس بالقصير)..

والمطالبه بزياده راتب المبتعث نفسه وليس فقط المرافق والحضانه...

اضم صوتي لكم..

اعانكم الله على كل خير

والله انا شا يفه انه كلن يغنى على ليلاه اذا على المهم فالاهم انا اشوف ابوي الي بروح معى وعمره فوق 65 سنه وتجيه غيبوبه سكره الله يشافيه ويشفى جميع مرضى المسلمسن يارب وحاط الدنيا بكفي وده يحقق طوحه فنى هو اهم من الدنيا كلها وباخذ شقه بكل المكافئه ومو للرفاهيه لانى عجزت ادور ارخص قريبه من معهدي ومن المستشفى ومن المتطلبات الاساسيه معليش اخوانى لاحد يتفلسف انا مو يومي ساكته الاهم اذا على مهم واهم البنت الي ريحه ويا ابوها هي اهم من البزان حتى الي مب صا يبهم شر ان شاء الله بلا مهم بلا اههم بلا هم زياده كلن يحتاج الزياده لا تضحكونى وتقولو الزياده تخرب الشباب ليه بزاران هم الصالح والطالح بكل مكان وين يد وحده وهمه اذ كل واحد يقول انا مهم وانا اهم عز الله كدينا خير نطالب طلب جماعى يد وحده وهمه وحده وعزيمه وحده زياده المكافئه لجميع طلاب المبتعثين

انتي وضعك مختلف
أنتي مجرجرة ابوك لآخر الدنيا وهو تعبان ! فلا تقولين انه عندك اهم من الدنيا بينما دراستك من تصرفك أهم!
مرض أبوك ماله دخل بالزيادة معليش .. مرض ابوك الله يشافيه مغطى كامل بالتأمين الصحي! واختيار السكن هو يدخل تحت بند "الدبرة" وكل واحد ودبرته

اخي تفاكير

ارجو منك تقدير اوضاع اخوانك واخواتك وعدم التسرع واستغلال اسمك تفاكير بحكمة

شاكره لك مرورك اخي الكريم

على فكرة .. بس للتوضيح أنا ماعندي إلا طفل واحد والحمد لله أموري ماشية يارب من فضلك عشان محد يتهمني ويقول إن كل واحد قاعد "يهف على ضوه " زي مايقولون بالعامي
ولكن أعرف إن أكبر مشكلة هي مشكلة مخصصات الأطفال وفيه كثير صرفوا نظر عن البعثة عشان هالمعضلة وفيه ناس قاعدين يتسلفون
وفيه ناس أعرفهم اضطروا بالتضحية بدراسة أحد الزوجين ليجلس بجوار أطفاله لأن المكافأة لاتكفي لتغطية حضانة لأطفاله
والوزارة بنفسها معترفة بالمشكلة وقاعدة تقول إننا نعمل عليها ونحاول رفع مخصصاتهم ..
اعتذر إن كانت مداخلاتي فهمت بشكل خاطيء وإني ما أبي زيادة لأحــد ترى أنا مبتعث مثلكم والزيادة لنا جميع بس الواحد لازم يعرف إن إذا كان هو بنفسه "يادوب" مكافأته تكفيه .. فترى غيره هون من البعثة أو مسألة وقت ويهون عشان عياله !
وبالنهاية الله يوفق الجميع ويرزقنا وإياكم

والله يخوي ربي مرزقنى با اخ اجرجره وياي متحس كلمت اجرجره بعيده عن التفكير الي مسمي به بنفسك بعدين وش مجرجره ابوي كلمه محبتها الصراحه بنسبه لاا سمك تفاكير المفروض تكون تعابيرك منقاه بتفكير عنده طموح وقبل ميكون عنده عندي طموح وده يحققه فنى وهو الحمد الله دارس ومهندس كمياىي يعنى مب جاهل مع انه الجهل مو عيب الله يطولى بعمره ميبى يخلى قدامى عائق واذ على عمره ترى شيخ الشباب مشاء الله عليه لا بدفه بعربيه ولا يمشى بعكازه عنده السكر والسكر عند الصغير والكبير وتجيهم غيبوبه سكره يعنى لو عندك طفل لا قدر الله عنده السكر بتسكن اخر الدنيا عشان التدبير على قولتك واد تعب عليك تجنن عشان توصل مستشفى كل واحد وتدبيره وشوله تبون الزياده اجل انا في بوسطن الشقه تغبت وانا اقول بي 2500 دولار من حقى اسكن بمكان قريب من معهدي وجمبه الاحتياجات الاساسيه واذ على تدابيري بعدنا عن المعهد نص سااعه بقطار هم 2200 دولار مفرقت يعنى قول بعد غيري الولايه بعد

ايه غيري الولاية ماهيب كيمياء ترى
أختي حنا ترى ما حنا طلاب سنغافورة ؟ دولة صغيرة وغالية وخياراتنا محدودة؟

حنا في دولة تعتبر قارة فيها أكثر من ٤ آلاف جامعة وش الله حادك تخلين الأربعة آلاف جامعة وتختارين وحدة من أغلى مدن أمريكا؟
الرعاية الصحية موجودة بكل مدينة هذي أمريكا مو السعودية ترى .. انا ساكن بمدينة صغيرة ومع كذا فيه مستشفى وفيه مجمع عيادات وكلها قريبة من بعض
الي أبي اقوله فيه ناس تسكن في كاليفورنيا وفلوريد وبوسطن وسياتل ونيويورك وتقول ذبحنا الغلا .. ماا قولك روح اسكن في قرية عشان توفر
لكن فيه مدن رخيصة وكبيرة وممتازة بس المسألة مسألة اختيار بعد توفيق الله
يعني أنا أعرف فيه ناس تدفع ١٥٠٠ دولار سكن على غرفة وحمام الله يكرمكم .. ليه سلامات ؟
ياخي فيه مدن تستاجر لك دوبلكس كامل لك لحالك وبحديقته بخمسمية دولار وأنت راعي الفضل ولو بتدفع فوقها مية دولار صارت انكلودد يعني شاملة غاز وكهرب وماء !
أكثر من خمسين ولاية فيه مالا يقل عن ١٠ ولايات ( بالميت ) سعر المعيشة فيها معقول جداً ومناسب للطلاب
للمثال وليس الحصر .. كنتاكي , ميزوري , تينسي , داكوتا , اريزونا واي مدينة موجودة في اطراف الولايات
بالتوفيق للجميع

بنت الجوري .. قرآت السكر فتذكرت والدي .. دعوة لك من القلب .. اسال الله العلي العظيم آن يشفي والدك وان يرفع عنه ويعطيه الصحة والعافية وطولة العمر ..الحيآة متاعب وانتي توآجهين بعضها .. الله يعيينك وييسر آمورك ..لاتضيقين وتضيقين والدك معاك تتيسر إن شاء الله وبآين عليكم وضعكم طيب ومقتدرين إن شاء الله ..

(f)

اخي الكريم واللي قبولة اجبره على مدينه غالية وش يسوي

انا دراسات عليا تخصصي هندسة كيميائية اجبرني القدر اني اكون في مدينه غالية

اذا انت رايح ومغترب بعيد عن اهلك وعندك طموح ماترجع الا بااقوى شهادة ليش ماتاخذها من اقوى جامعة

ليش تدور جامعة والسلام في مكان رخيص كله عشان المادة