كلم امريكا ببلاش عن طريق برنامج اكثر من رائع ( مجرب)

السلام عليكم

احد الأخوان في المنتدى هنا نزل برنامج اسمه whistle ، عباره عن برنامج تحمله على الجهاز عندك وتحط الرقم اللي تبغاه في امريكا وتتصل

وهذا رابط الموضوع
http://www.mbt3th.us/vb/forum8/thread214015.html


وربي هذا البرنامج فكككككككككك لي ازمه مو طبيعيه هالبرنامج ، تخيلو كلمت امريكا وكلمت جامعات ومعاهد وحتى الشقق اي رقم في امريكا وكان عندي استفسارت كثيره والحمد لله عن طريق الاتصال لقيت اجوبه

عاد اول ما حملت البرنامج كنت مومصدق ومو ماخذ الموضوع بجديه المهم دقيت على رقم الجامعه اللي ابيها كذا بس اجرب وطلعت لي دعايه المهم بعدها ردت علي وحده قالت لي

university of dayton may i help you

انا توهقت قلت الوو ما عرفت وش اقول هههههه

بعدين سألتها عن اجراءات القبول حقت اللغه المهم واخذت ايميلي وارست لي الفورم حقت الفيزا كارد علشان دفع رسوم المعهد



الزبده لا يفوتكم البرنامج ،، طبعا هو موجود في المنتدى في الرابط اللي حطيته فوق بس حبيت انزل الموضوع علشان اللي ما شافه في الموضوع ذاك يشوفه هنا ويستفيد منه الجميع


تحياتي

اول مره اسمع فيه بصراحــــه ,,,ان شاءالله تتيسر اموري مع السفاره وبجربـــهـ
مشكووور عالبرنامج الحلو الحلو

العفو اختي وانا مثلك توني قبل فتره اسمع فيه واجربه وطلع ممتاز

على فكره حبيت انبه الجميع خصوصا اللي لابتوباتهم فيها مايكات داخليه ، تأكد من اعدادات الويندوز ان المايك الافتراضي هو المايك الخارجي اللي هو الهيد فون اللي انت شابكه مو المايك الداخلي اللي بنفس اللاب التوب المدمج علشان يطلع الصوت واضح وما يطلع بعيد

يمال العافيه والله على هالموضوع ..

بس حلوه يوم توهقت ههههههههههههههههههههههههههههههههههههههه ..

ان شاء الله يضبط معي ويستمر فور إفر :wink2:

مشكور ما قصرت ..

اخوي هذا كلام صوتي ولا وش؟ يعني تتكلم كانك تتكلم بالجوال؟
وبرضو لو احط رقم اي شخص يدق عليه؟ وبرضو اقدر اتواصل مع اهلي اللي بالسعودية وانا بامريكا؟
وشكرا

مشكور اخي و ما قصرت
على هذا النقل

اتمنى لك التوفيق

تحاتي

العفو للجميع

اقتباس:

---

المشاركة الأصلية كتبت بواسطة تالين كوول

اخوي هذا كلام صوتي ولا وش؟ يعني تتكلم كانك تتكلم بالجوال؟
وبرضو لو احط رقم اي شخص يدق عليه؟ وبرضو اقدر اتواصل مع اهلي اللي بالسعودية وانا بامريكا؟
وشكرا

---

اي اختي هذه صوتي تدقي على اي رقم بأمريكا

وبالنسبه لأهلك خلهم يحملون هذه البرنامح ويتصلون عليك منه ، بس هم اللي يدقون عليك اما انتي لا

لأن البرنامج اتصال لأمريكا فقط

صح هذا انا كنت اجربه في اخوواني هههههه والله اكلمهم بساعات عادي ما يسوي شي بس احلا شي الي ما عنده اي فون يقدر تنزله على اللاب توب

اللي ارسلو لي على الخاص يسألوني عن طريقه تنزيل البرنامج على الايفون صراحه انا ما عندي ايفون علشان كذا مقدر افيدكم