ابي قبول من معهد لغه بتاكسس بسان انتونيو او هيوستن
يا شباب ابي معهد يعطيني قبول باسرع ما يمكن
لاني اعرف احد الزملاء بسان انتونيو مبتعث من وزاره الدفاع " الجويه " ولا يعرف للقبولات ولا شي
معهد من المعاهد قالو له لازم تدفع رسوم اول شهر مع انه قايلهم اني عندي ضمان مالي بس مدري وش فيهم مدقرين
فا تكفون يالاخوان الله لايهيينكم احد يجيب لي اسامي المعاهد هناك ومواقعهم على الانترنت
وان كان يقدر يجيب لي قبول فا الله لا يهيينه وجزاه الله خير
والي يقترح علي مدينه ثانيه او ولايه ثانيه فا الله يحييكم
رد: ابي قبول من معهد لغه بتاكسس بسان انتونيو او هيوستن
أخـوي مـرتـاح الـبال !!!
الله يحفظك معاهد اللغة اللي بهيوستن وسان انطونيو .. كثيييرة .. وفـيهـا الــغـث والـسـميـن !!
أنت حدد المعهد بالإسم علشان نقدر نفييدك !!!
فيه معهد بمدينة هيوستن اسمه ( English as Second Language Services ) تابع لجامعة University of Texas الــعـريــقــة !!!
وهـذا موقعهم الإلـيكـتروني :- http://www.utexas.edu/student/esl/
وهذا المعهد ما اعرفه صراحة وانا ذكرت له بحكم انه تابع لجامعة UT اللي تصنف ضمن الـ Top 5 في أمـريـكا !!
فإنت يا اخوك استقر على مدينة معينة والا معهد,, والمعاهد في امريكا ما في أكثر منها ... وابشر باللي يرضيك . . .
وبالــتــوفــيـــق أخــوي @@@@@@@@
رد: ابي قبول من معهد لغه بتاكسس بسان انتونيو او هيوستن
الله لا يهيينك اخوي ومشكور على تفضلك والرد على موضوعي
اخوي ** MaMdOuH ** انت ابوها وسمها وانت وش تشور علي ب هيوتسن والا بسان انتونيو
وانت وش تشوف من اراى بعض الزملاء الي يمكن درسو بمعاهد هذي المدينتين مع العلم اني سمعت ان معاهد els انها سياحيه شوي وان همهم الربح بالدرجه الاولى ومن كثر ما كثرو عدد الطلاب السعوديين صارو ما يهتمون بالطالب
فا انت اخوي شف وش الافضل واعتبرني مثل اخوك الصغير ان كنت تدرس ماستر والا دكتوراه والا اخوك الكبير الي ما يدري وش السالفه ان كنت تدرس بكالوريس :D
وعندي سؤال هل عند التقديم على المعهد يجيني القبول بسرعه ويصدر لي الاي توني ؟
رد: ابي قبول من معهد لغه بتاكسس بسان انتونيو او هيوستن
أخـوي مـرتـاح الـبـال !!!
أولا العذر والسموحة على التأخير ..
ثانيا .. الله يحفظك أنا سألت عن مدينتي سان انطونيو وهيوستن وشفت معاهد اللغة الموجودة بكل من المدينتين .. ووجدت أن الفرق بينهم كالفرق بين السماء والأرض ..
هـيـوسـتـن الأفـضـل من كافة النواحي كما رأيـت .. بها القنصلية السعودية و فيها عدد كبير من الطلاب السعوديين ومعاهدها قوية ..
وإن من نصيحة لك يا أخوي .. فيظهر لـي معهد ESL - Services التابع لجامعة University of Texas هو الأفضل صراحة .. فتوكل على بارئ السموات والارض وقدم عليه .. وان شاء الله ما بتندم
وغير كذا حبيبي في فرق كبييييير جدا بين المعاهد اللي تدرس ESL و معاهد ELS ..!!
المعاهد اللي تدرس ESL .. معناته تدرس اللغة الإنجليزية كلغة ثانية .. يعني ESL هو اسم برنامج في المعهد .. مو بإسم المعهد وهو اختصار لجملة
((English as A Second Language )) .. وهذا المعاهد تختلف مسمياتها ممكن يكون اسمها (( CESL - ELI - ELP - ALP - IEP ... - ... -.. ))
أما المعاهد الخاصة اللي اسمها ELS فهي معاهد تجارية واسمها :-
(( English Language Service ))
هذا الله يحفظك اللي عندي .. فإنت اذا تبي ولاية تكساس .. فتوكل على الله وخذ لك قبول من المعهد اللي قلتلك عليه ... ولو تبي اي مساعدة في القبول او الأبلكيشين .. عطني خبر .. وان شاء الله ماراح أقصر معك ..!!!
بالــتــوفــيـــق حبيبي@@@@@@@@@@
رد: ابي قبول من معهد لغه بتاكسس بسان انتونيو او هيوستن
اقتباس:
المشاركة الأصلية كتبت بواسطة ** MaMdOuH **
أخـوي مـرتـاح الـبـال !!!
أولا العذر والسموحة على التأخير ..
ثانيا .. الله يحفظك أنا سألت عن مدينتي سان انطونيو وهيوستن وشفت معاهد اللغة الموجودة بكل من المدينتين .. ووجدت أن الفرق بينهم كالفرق بين السماء والأرض ..
هـيـوسـتـن الأفـضـل من كافة النواحي كما رأيـت .. بها القنصلية السعودية و فيها عدد كبير من الطلاب السعوديين ومعاهدها قوية ..
وإن من نصيحة لك يا أخوي .. فيظهر لـي معهد ESL - Services التابع لجامعة University of Texas هو الأفضل صراحة .. فتوكل على بارئ السموات والارض وقدم عليه .. وان شاء الله ما بتندم
وغير كذا حبيبي في فرق كبييييير جدا بين المعاهد اللي تدرس ESL و معاهد ELS ..!!
المعاهد اللي تدرس ESL .. معناته تدرس اللغة الإنجليزية كلغة ثانية .. يعني ESL هو اسم برنامج في المعهد .. مو بإسم المعهد وهو اختصار لجملة
((English as A Second Language )) .. وهذا المعاهد تختلف مسمياتها ممكن يكون اسمها (( CESL - ELI - ELP - ALP - IEP ... - ... -.. ))
أما المعاهد الخاصة اللي اسمها ELS فهي معاهد تجارية واسمها :-
(( English Language Service ))
هذا الله يحفظك اللي عندي .. فإنت اذا تبي ولاية تكساس .. فتوكل على الله وخذ لك قبول من المعهد اللي قلتلك عليه ... ولو تبي اي مساعدة في القبول او الأبلكيشين .. عطني خبر .. وان شاء الله ماراح أقصر معك ..!!!
بالــتــوفــيـــق حبيبي@@@@@@@@@@
الله لا يهيينك اخوي ممدوح وبيض الله وجهك الصراحه ما قصرت وانا اتعبتك معي
بس انا كان همي الاساسي ان اللقي جامعه تعطيني قبول مشروط عشان التعليم العالي لانهم ما صارو يطلعون قرارات ابتعاث الا بقبول مشروط ف بشوف الجامعه هذي وان شاء الله يتكرمون علينا بقبول مشروط ويقبلونا بمعهدهم وجامعتهم
والشهر عليك مبارك يا اخوي ممدوح وكل عام وانت بصحه وسلامه
رد: ابي قبول من معهد لغه بتاكسس بسان انتونيو او هيوستن
السلام عليكم ورحمة الله وبركاته
إلى الأخ ممدوح....أرجو التكرم ومساعدتي..
أنا زوجي لديه دورة في سان أنتونيو لمدة سبعة شهور...وأنا أريد الذهاب معه للاستفادة وتعلم اللغة؟
مع العلم أني سألت في وزارة التعليم العالي بالرياض عن وضعي إذا في امكانية أدرس على حساب الحكومة لغة..
أجابوا لما أروح هناك فقط أرسل أوراقي للملحقية وهم يضيفوني للبعثة...عشان أدرس لغة
سؤالي هل بامكانك أن تعطيني أسماء معاهد لغة ممتازة في مدينة سان أنتونيو بتكساس...؟؟
وهل يشترط أجيب قبول من الآن..ام انتظر حتى أصل للملحقية هناك ..لأن كل المعاهد تطلب ضمان مالي..
وأنا ما عندي ضمان مالي حتى ألتحق بالبعثة..؟؟
أرجو التكرم بمساعدتي والله يفرج عليك ويوفقك في كل وقت..ويعطيك ما تتمنى...يارب
انتظر ردك
رد: ابي قبول من معهد لغه بتاكسس بسان انتونيو او هيوستن
أهلا أخـتي , فـيه مـعـهـد لغة أكاديمي حلو في سـان أنـتونيو وسمعته كويسة , إذا كنتِ راغبة في الحصول على قبول منها , فضلا جهزي لي المستندات التالية:-
*صورة مصدقة من الثانوية العامة (إذا كنتِ خريجة ثانوية ) أو صورة مصدقة من وثيقة التخرج ( إذا كنتِ جامعيّة )
*صورة من جواز سـفرك.
*ضمان مالي شخصي أو ما يسمى بالشهادة البنكية بمبلغ 35000 إلى 4000 ريال والعملة تكون بالدولار الأمريكي . .
ومتى ما جهّزتِ المطلوب , عطيني خبر وإن شاء الله ما يصير خاطرك إلا طـيب , , ,
رد: ابي قبول من معهد لغه بتاكسس بسان انتونيو او هيوستن
جزاك الله خير أخي على سرعة الرد...لكن لم تجب على سؤالي..
هل علي أن أعمل قبول قبل ما أذهب للملحقية وأعطيهم أوراقي..أو بمجرد أن أنضم للبعثة هم راح يساعدوني في القبول؟؟
وبالنسبة للضمان البنكي تقصد أفتح حساب في بنك معين أجنبي أو من السعودية ..أوضح لي هذه النقطة لو سمحت؟؟
وما حاجة ضمان بنكي إذا كنت راح أدرس على حساب الحكومة؟؟ أرجو التوضيح لأني جاهلة بهذه الأمور
وبالنسبة لشهاداتي أنا الآن أدرس ماجستير من جامعة أم القرى ولكني لم أنتهي بعد فأنا في تحضير الرسالة..وقد أخذت كشف درجاتي مترجم بالانجليزية...
كما أرجو أن توضح لي تكاليف القبول...
وبالنسبة للأوراق إللي طلبتها كلها موجودة عندي بالأصل والصور لكن غير مصدقة..تقصد أختمها من الجامعة مثلاً..الجامعة لم تعد تختم أوراق طبق الأصل وتكتفي بمطابقة الأصل بالصورة..
وبالنسبة للمعهد هل هو قريب من قاعدة لاكلاند العسكرية؟؟..لأن زوجي دورته هناك
شاكرة لك تعاونك...وانتظر ردك
رد: ابي قبول من معهد لغه بتاكسس بسان انتونيو او هيوستن
اقتباس:
المشاركة الأصلية كتبت بواسطة همسة
هل علي أن أعمل قبول قبل ما أذهب للملحقية وأعطيهم أوراقي..أو بمجرد أن أنضم للبعثة هم راح يساعدوني في القبول؟؟
الملحقية ما راح تساعدك في القبول , لازم القبول يكون معاك وإنتِ جاية من السعودية علشان لا تتأخرين في إجراءات الضم للبعثة.
وبالنسبة للضمان البنكي تقصد أفتح حساب في بنك معين أجنبي أو من السعودية ..أوضح لي هذه النقطة لو سمحت؟؟
الشهادة البنكية تطلعينها من حسابك أو حساب زوجك أو أحد أقارب .. تروحين البنك وتطلبين شهادة بنكية بالمبلغ الموجود في حسابك ولازم الشهادة تكون بالإنجليزي والعملة تكون بالدولار الأمريكي والمبلغ هو 9000 دولار أمريكي كحد أدنى. اطلعي على هذا الـــمــــوضـــــوع لمزيد من المعلومات حول الشهادة البنكية.
وما حاجة ضمان بنكي إذا كنت راح أدرس على حساب الحكومة؟؟ أرجو التوضيح لأني جاهلة بهذه الأمور ؟
ما تقدرين تجيبين قبول بدون ضمان مالي. وبما إن الوزارة ما صرفت لك ضمان مالي , فإنتي ملزمة تطلعي ضمان مالي شخصي لأجل إحضار القبول , ومتى ما احضرتي القبول وسافرتي لواشنطن , راح تفتحين ملف في الملحقية وتطلبين أن الملحقية هي اللي تتكفل بتكاليف دراستك , وإذا وافقوا راح يعطونك ضمان مالي حكومي موجه للمعهد.
وبالنسبة لشهاداتي أنا الآن أدرس ماجستير من جامعة أم القرى ولكني لم أنتهي بعد فأنا في تحضير الرسالة..وقد أخذت كشف درجاتي مترجم بالانجليزية . .
كل اللي يلزمك , وثيقة التخرج الجامعية تكون مصدقة مترجمة السجل الأكاديمي غير مذكور في المتطلبات.. لعلي أحاول مع المعهد يقبل صورة مترجمة من الوثيقة ويكتفي بدون تصديق , أو تصدقينها من الغرفة التجارية أو أي مكتب ترجمة معتمد , والأمر بسيط إن شاء الله.
كما أرجو أن توضح لي تكاليف القبول...
تكاليف القبول من مراسلات ورسوم أبلكيشين وبريد سريع يفترض ما تتجاوز 550 - 650 ريال.
وبالنسبة للمعهد هل هو قريب من قاعدة لاكلاند العسكرية؟؟..لأن زوجي دورته هناك
بين المعهد وقاعدة لاكلاند الجوية 15 - 20 دقيقة.
. . . . . . . . . . . . .
رد: ابي قبول من معهد لغه بتاكسس بسان انتونيو او هيوستن