ما هي خطوط الطيران الأفضل ؟؟؟؟؟؟

انا جربت الاماراتية والقطرية والسعودية ..

صرآحة آرتآح مع الامأرآتية ..

بالتووفيق ..

متأكده انك جربتي الوفتهانزا ؟؟ عن نفسي جربتها كراسيها أقل من عاديه وصغيره والكراسي مو مريحه ابداً .

تجرتبي المتواضعه : من ناحيه الجوده والخدمات والمقاعد : الاتحاد رقم واحد بعدين الاماراتية . هذولي لا يعلى عليهم .
لكني حجزت على السعودية لسبب واحد وهي انها دايركت مالي خلق الصراحه اوقف ترانزيت في ابوظبي ولا دبي كم ساعه خصوصا دبي احيانا يطول 8 ساعات .
بالتوفيق

القطريه مرررررررررره ماحبيتها
انا جيت امريكا فيها مرررررررررره الكراسي ضيقه
والسعوديه اللي جو فيها يقولون موو مريحه

من خياراتك السعوديه وبعدها الاماراتيه

لانه مثل ماقالو الاخوان مشكلة الاماراتيه الترانزيت

ويكفينا طول الرحله كمان راح نتحمل الانتظار ..

الخطوط السعوديه افضل
وبعدين من هذه الناحيه الواحد ما يهتم اهم شئ يوصل وبس

ياجمــاعه ياليت شوي تفلسفون من ناحيـــه راحــه المقاعــد, اهم شي ارتــاح بالجلوس عشان اقدر انام
انا كنت بختار السعوديه عشانها بتصير دايركت لكن قلت وش الفايده دايركت وبوصل وانا عظامي مفككه
والظروف ماتسمح ناخذ درجـه أعلى , الله يكون بالعون

اشكرك اخي الكريم
ولكن انا اخالفك الرأي في نقطة انه اهم شي اني اوصل وبس
ليه دام عندنا حرية الأختيار بين الخطوط على حسب ما فهمت من اصحاب التجربة اننا نقدر نختار الخطوط اللي نبغاها فالمفروض الواحد يدور الخطوط الأريح خاصة اللي عندهم طفلة وزوجة يفكرو في ذا الموضوع كثيييييييير وشايلين همه

اشكرك

متواضع بغرور
شكلي بأخذ بكلامك واحط بالي عالأتحاد والأمارتيه

والله انكم شغله

اولا اللي يهتم بالمبلغ وبيروح على حسابه

الخطوط السعوديه توديك لواشنطن دايركت يعني اريح

الاماراتيه والقطريه والليفت هانزا والبريطانيه انا سالت عنهم اليوم وكلها شغله ترانزيت وقلق

الخطوط السعوديه بشكل عام حلوه ومافيها شي انك ماتركبها وجهه نظر صدقوني اريح لكم من الترانزيت

انا بحجز بكره ان شاء الله الرياض واشنطن ـواشنطن ـتامبا افضل واريح من كل النواحي بلا ترانزيت بلا هم

قيمه التذكره على الخطوط السعوديه ٤٦٠٠ ريال فقط

الخطوط القطريه كويسه على كلام وااحد ثقه وبالتوفيق للجميع

جربت السعوديه والقطريه والفرنسيه والبريطانيه والالمانيه

السعوديه .. مباشرة للرياض او جدة 12 ساعة تقريبا .. ازعااااااج اطفال وقلق .. عشان كذا يا اخذها درجه اولى او اعمال اقل ازعاج

القطريه .. بصراحه عندهم خط مباشر على الدوحه بس المشكله رحله الدوحه الرياض او جدة راح تنتظر في المطار اقل شي 5 ساعات اذا في رحله في نفس اليوم ولا راح تنام في فندق وتقلع بعدها بيوم

البريطانيه والالمانيه .. حلوين للي يحبون الترانزيت وخدمتهم برضوا حلوه وكراسيهم جيده جدا

الفرنسيه .. ازين مافيها انهم يعلمونك انه اكلهم حلال ولا يستخدموا الخنزير ومنتجاته في اكلهم .. لكن كراسيهم مثل السعوديه واحيانا تكون الرحله ممله بسبب بعض طائرات مافيها شاشات تتابع فيها افلام وتضيع فيها وقت الرحله