الي اختبر IELTS يتفضل

السلام عليكم ..

عندي كم سؤال بخصوص الايلتس ..

الحين الاختبار كله اختيارات ؟؟

فيه ورقه الاسئله تحل عليها بعدين تنقل الاجوبه على ورقة الاجوبه .. طيب ورقة الاجوبه كلها اختيارات ولا فيه اكمل الفراغ وكذا

ياليت احد يفيدني

ورقة الاجوبة عبارة عن جدول مرقم من 1-40 بعدد الاسئلة وانت تحط الاجابة فيها....بس الامتحان نفسه يكون فيه اكمل جملة بكلمة إلى ثلاث كلمات (على حسب السؤال) وفي اسئلة اختيار إجابة من متعدد ومرات يكون سؤال عبارة عن شكل يمر بمراحل وانت تكمل المراحل استنادا للقطعه الموجودة وهناك اسئلة مختلفة أيضاً

هلا والله اخوي انا اختبرت الايلتس وانشالله اني اقدر اوصلك المعلومه الاختبار مقسم لأربع اقسام :
القسم الاول / Listening : ويتكون من 40 سؤال واغلب الاسئله فراغات وتقريبا 9 اسئله اختيارات وهاذا يعتمد على استماعك لازم تكون منتبه .

القسم الثاني / Reading : مكون من 3 قطع والاسئله متكونه من اختيارات و صح وخطأ وفراغات والفكرة الرئيسه لكل اقسام الموضوع وفيه 40 سؤال.

القسم الثالث / Writing : مكون من موضوعين.الأول غالبا يعطيك صور او احصائيات ويقول تكلم عنها مالايقل عن 150 كلمه. والثاني تكتب Essay يعطيك موضوع ويقول تكلم عن الموضوع مالايقل عن 250 كلمة .

القسم الرابع / Speaking : هاذا اخر جزء في الاختبار واغلب الطلاب السعوديين مبدعين فيه لان يبدأ يسأل اسئله وانت تجاوب وبعدين يعطيك موضوع يقول بعطيك دقيقه تقراه وتفكر فيه شوي لانه بيسأل اسئله تتعلق بالموضوع اللي قريته والاختبار كله يأخذ 10 دقائق او اكثر بشوي. وبكذا يكون انت خلصت الاختبار ويقولك راح توصلك النتيجة بعد 13 يوم من اختبارك .

نصيحتي لاي واحد يختبر الايلتس لازم يجهز نفسه للاختبار ومشكلة الاختبار هو الوقــت هاذا عدوك في الاختبار لازم تنتبه.

وانشالله اقدر اكون افدتك اخوووووي ................

الله يعطيكم العافيه

لله يوفقنا وياكم الدرجه المطلوبه 5

من المواقع الرائعه في الشرح والتدريب على الأختبار.
كما أني أنصح وبقوه بكتب كامبردج ايلتس.


http://www.ielts-exam.net/index.php?option=com_content&task=category&section id=15&id=48&Itemid=64


http://www.ielts-blog.com/

في أمان الله..