عرض للطباعة
السلام عليكم.. كيفكم جميعا ان شاء الله بخير
انا توني خلصت امتيازي .. تخصصي علاج طبيعي وودي ببعثه ان شاء الله .. بس عرفت من وحده من البنات انه قبل لااسجل في بعثات الملك عبدالله لازم اراسل الجامعات اول واخذ قبول .. انا حابه امريكا هي خياري الاول وبعدها بريطانيا او استراليا ..
السؤال : كيف اراسل الجامعات وايش افضل جامعات في امريكا في مجالي وايش هي الخطوات :wallbash: لاني احس اني ضايعه .. واخر سؤال متى راح تبدا الدورة السابعه للابتعاث ؟؟
ثااااااااااااانكس :1eye:
أنا مأ أعرف جواب إلآ لأخر سؤال :)
بالنسبة لموعد التقديم في برنامج الملك عبدالله لإبتعاث الخارجي راح يكون عند إنتهاء الطلاب من الدراسة يعني في بداية العطلة ..مباشرة..
خشى على موقع وزارة التعليم العالى وقدمي ..وفالك البعثــ ة ..
مشكور اخوي بس المشكلة الحين كيف اقدم ؟؟ اقصد ادور لي جامعة تقبلني اول او كيف ؟؟ وكيف ارسلهم وكيف اعرف الجامعة من المعترف فيها بالوزارة ولا لا
كيف أقدم؟
هذى سلمك الله عندك طريقتين تقدمين فيها..
وهي:
1-إنك تروحين مكتب كويس يضبطك وتكون سمعته حلوة يضبط امورك ويجب لك قبول من الجامعة اللى تبينها انتى ويطلع لك فيزا وأشياء كثيرة ..(وهذى بتكلفك مبلغ وقدره حول 3000 وأكثر أو أقل طبعاً على حب المكتب اللى بتروحين له انتي)
2-إنك تقدمين بنفسك على الجامعة وتدفعين بعدها رسوم الأبلكيشن عن طريق بطاقات مسبقة الدفع مثل Master Card او Visa ..وهذى طريقة التقديم ...هنا :)
بالنسبة إنك تبين تعرفين هل الجامعة معترف فيها أو لا ..هذى سهلة جداً
أ-تدخلين على الرابط .. هذا
ب-ضعى علامة صح في لأسفل وإضغطى على تصفح الموقع
ج-على اليمين في الدولة :ضعى اسم الدولة, اسم الجامعة إيضاً,,,وهكذا...ثمّ إضغطي بحث
د-إذا طلعتلك الجامعة فمبروك عليك الجامعة معترفة من الوزارة..
ومضة:أحيانا يكون الموقع حق الوزارة غير محدّث لذلك يجب عليك مراسلة الملحقية..والتأكد منها
إنشاء الله أكون أفدتك ولو بحرف :)
:wub:
اها يعني مايكفي اني انتظر الدورة الجديده لبعثات الملك عبدالله واسجل فيها واذا قبلوني هم ينسقون كل شي لازم انا ارسل الجامعات بنفسي ؟؟
الطلب الثاني لو سمحت ابي رقم او عنوان وحده من هالمكاتب الموثوق فيها هنا بالرياض .. والمكاتب هذي تبع الوزارة ولا كيف ؟؟