اختبار ال Gre لطلبه الدراسات العليا !!

السلام عليكم

لاحظت مع اغلب الجامعات بيطلبو لطلبه الماجستير اجتياز اختبار التوفل و ال GRE

طيب بالنسبه لاختبار التوفل نقول ان شاءالله راح ناخذها بسهاله مع الاحتكاك بالامريكان و نتفرج على التليفزيون و نقرا الجرايد مع الحضور للمعاهد طبعا ..

لكن بالنسبه لاختبارات ال GRE باسمع انها بالمرررررررره صعبه و مييييين اللي يقدر ياخذها !!!

مع العلم بانو الاختبار على حسب ما سمعت تحتوي على الرياضيات و الفيزياء و الكيمياء و كلها عباره اختيارات في وقت محدد جداااااااا

و الاصعب في اختبارت ما يسمى
Analogies

Advanced Algebra

Antonyms

و غيرها الكثيييييير

المصيبه الكبيره بانو دراستي في البكالوريوس الهندسه المعماريه .. و احنا دراستنا لا تحتوي ابدا على مواد الدرجه العلميه من الرياضيات و غيرها !!!!

يعني يا دوب اخذت في اول سمستر بس MATH1 و فيزياء و كيمياء !! .. لكن بعدها ما درست ابدا فيها لانو اختصاصنا بالرسم و التخيل فقط لا غير !!

يعني من الاخر ما درست الرياضيات و غيرها الا على الثانوي !!!!!!!!!!!!!!!

و لمن دخلت على الجامعات الي تحتوي على الهندسه المعماريه لاحظت برضو بانهم طالبين هذا الاختبار !! ... شكلهم الامريكان بيدرسو الهندسه المعماريه مختلفه تماما عن الجامعات العربيه !!!

ما ادري ايش اسوي في هذا الاختبار لانها مصيييييبه كبيره بالنسبه لي !!!!

ياليت اذا احد عندو خلفيه عن وضع هذا الاختبار او حتى كيف اقدر ما اختبرو ابدا يقولي

او لو كان فيه معاهد متخصصه تكلف بتدريس هذا الاختبار

و ربنا يوفق الجميع ان شاءالله