لو كنت مكاني ماذا انت فاعـل !!؟
لو كنت مكاني ماذا انت فاعـل !!؟
تنبيه: هذا الموضوع قديم. تم طرحه قبل 4788 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - الله يوفقك يارب ...7 "
احسبها مليون مرة قبل اتخاذ القرار واذا انت مو متاكد من زوجتك لا تخاطر .. الدراسة يبغالها واحد يبغى يدرس ومتحمس عشان يقدر يتخطى اي صعوبة تواجهه .... - يارجال عيش يوومك الفلوس بدالها فلوس والوظيفه ما راح تروح الاهم حقق مرادك ومراد زووجتك لا تنساها هي المفتاح بذهابك.....7 "
- [QUOTE=mr.hunk;2714141]7 "سلام
يامحتار
وعليكم السلام والرحمه يامستر هونك
إن شاء الله ما تحتار وخليك على طول صامل ابن عمي....
تشوف كذا
اسمعاً وانا اخوك إذا حسبناها من الناحية المادية بتخسر أول سنة 150000 وثاني سنة 155000 وثالث سنة بيزيد عن كذا وهلم جرا علماً بأنك لو كنت دبلوم اجباري بتدرس 3 سنين من غير اللغة على الأقل واذا كنت بكالوريوس إجباري تدرس سنتين على الأقل من غير اللغة....
نعم نعم دبلوم والدراسه قد تزيد عن ماذكرت وقد تنقص
وطبعاً العلاوة السنوية باااااح
والخدمة ما تحسب طوال الاجازة الاستثنائية يعني برضوواا باااااح... يخلف الله !!
لا لا خيو انا فكرت بهالنقطه كثير وكثير وشار علي احد الزملاء بما اني راح اخذ اجازه استثنائيه بدون راتب ليش ماتكون اجازه دراسيه وكلهم بدون راتب بس الاجازه الدراسيه محسوبه الخدمه والعلاووه بشرط اتك تحصل على المؤهل وطبعاً مع الواسطات ويمين ويسار ويسهلها الله اجازه دراسيه
واذا وفقك ربي ورحت ودرست وجبت الشهادة
إذا انك على الديوان حتواجه عدة عقبات وخصوصا إذا كنت على الكادر الصحي عشان يحسنوا وضعك الوظيفي وحتطول ممكن لأكثر من سنتين.
زي ماقلت لك اخووي من ايجابيات الاجازه الدراسيه انك ماتواجه اي عراقيل ان شاءالله من ديوان الخدمه لانك معك موافقه ع الدراسه من جهة عملك وتحسين وضعك بيكون اسهل
لكن ما يهم وأنا أخوك.....
لا تخلي أي شيء يردك عن طموحك والفلوس ما تهم يا خوي الزمن هذا زمن شهادة....
بس انا اختلف معك بهاذي الاغلب منا يااخوي يطمح للشهادة علسان تحسين وضعه الوضيفي والمادي فالمساله مرتبطه ببعض
وحتى لو ما حسنوا وضعك مرجعك يا كثر القطاعات الثانية الي بس اذا عرفت ان شهادتك اوربية ولغتك حلوة اغروك بالراتب طبعا دبل راتبك الحالي...
هالكلام صحيح
طيب إذا وفقك الله وعزمت للرحيل
ترى ما هو بسهل أيضاً إنك تنضم للبعثة بكونك مرافق
ليش وانا اللي كنت مفكر ان المرافق ضمه للبعثه اسرع من اللي طالع ع حسابـه ..!!
بمعنى
فيه شروط وابقولك الي الله يقدرً عليه
1- صورة من الاجازة الاستثنائية وتفضل تكون تبدأ من دخولك لأمريكا يعني مع حطة رجلك.
هاذي مقدور عليه
2- يفضل وينصح ويرجى أن تكون الفيزة F1 والحلوة هذي ما تاخذه إلا بضمان مالي ما يقل عن 100 ألف ريال ومدتها خمس سنوات وبعدين الملحقية يعطونك ضمان مالي وتبدله بالجامعة.
انا طالب فيزه اف ون F1
3- قبول من جامعة معترف فيها ويفضل يكون غير مشروط وطبعاً هذا ما تقدر تحصل عليه إلا اذا لغتك حلوة ومعاك توفل بالدرجة الي طالبته الجامعة..( وكأني سمعت انو القبول الغير مشروط الغى من بعض الجامعات والله اعلم.
القبول هذا آجلته لحين الوصول الى الدوله
4- صورة من قرار المبتعث الاساسي.
موجوود
5- إذا يا حبيبي قبولك حتكون مرافق أكاديمي ولست مبتعث.
آخر تصريح مادري والله وش اسموه بالتعليم العالي قالوا ان المرافق متى ماتم قبوله باحد الجامعات الموصى بها فانه يعتبر مبتعث
لكن حتتمتع بكل ما يتمتع به المبتعث الأساسي.
6- إذا انهى المبتعث الاساسي الدراسة قبل المرافق الاكاديمي حتعملوا سوتش وبتكون مبتعث اساسي وهي مرافقة.
وترى ممكن فيه شروط بس آبسنت عن بالي.....
وهالشرط الغوه الملحقيه اللي هو انه يكون باقي على تخرجا لمبتعث الاساسي اكثر من 75%
هذي لمحة بسيطة عن الاشياء التي ممكن تواجهها ....
بيض الله وجهك
لــــــــــــــــــــــكــــــــــــــــــــــــــ ـــن ولكــــــــــــــــــــــــــــن كبيرة
حط في بالك إنك اذا درست حتدرس بأمريكا أعظم دولة بالعالم والعظمة لله تعالى
يسد بس لا قيل وين فلان ترد أمك ولا أبوك بإبتسامة عريضة والله وليدنا الله يحفظه يدرس بأمريكا....
الله يرده بالسلامة.....
بغض النظر ياغالي عن امريكا او اي دوله المقصد الحصول علىا لشهادة واللغه
يووه يازينك يا اميمتي تذكرته
الله يخليها لك
وغير سذا هذي تعتبر فرصة عمر يا خوي ما راح تكرر
وبعدين تراك قربت الثلاثين وراح تزيد عليك العواقب وماراح تكون فيه فرصة بعدين
وانسى تروح ابتعاث من الصحة الا إذا به وااااااو...
تقووله صازز و(سـذا) و(بـه) شكلك من الربـع هههههههه هي فرصه زي ماقلت وهالفرصه تبي من يسدد عاد ياقوول ياآوت وبكلا الحالتين مافيه خساره ان شاءالله
اللغة حتتقنها بشكل خراااااااااااااافي سنك أمريكي مقطوع سره بلوس آنجلوس....ههههه
هاذي من الفوائد
زوجتك الله يحفظه ويخليه لك حتكمل دراستها وحتظى بوظيفة مرموقة...
يصير خير هههههه
حتتعرف على ثقافات مختلفة وبتواجه حاجات كثير حتكون ذكرى لك مع المدام.
شي حلوو
وفيه ايجابيات يا كثرة لكن هذا ما عندي الحين والباقي تسدده آخر الشهر..هههههه
شكله داجتنبك امريكا احد قايل لك اني راعي شرهات ههه
وقبل كل شيء الأستشارة ثم الاستخارة ابن عمي
وانت الصادق والله
تحياتي الحارة مع الشطة من غير ما يونيز لأني ما حبه كثير ولا تدري خلنا نطلبه وناخذه معنا سفري وش رايك تدري لا لا خلها على كاتشب بس الشطة تجيب حرقان شلون خلاص الكاتشب يلوع الكبد خلها سادة...
أنا وين شطحت معليييييييييش ....
يااخوي تقل جزتلي لكن تدري سير علينا بالاستراحـه وعندي لك شطه يحبه قلبك بس بشرط تجلس بجنب سلطان
أدع لي بالتوفيق ابن عمي وربي يوفقك ويوفق كل مسلم وكل مسلمة ...
عسالله يعطيك كل ماهو خير ويبعد عنك كل ماهو شر لك في دينك ومعاشك وعاقبة امرك
اصابعي راحت فيها....
باااااااياااااااات
وانا وش اقول اللي قاد افصفص كلامك حبـه حبـه ماله داٍعي اصابعك تروح فيها وانا ارد عليك شكراً قمة الانانية مثل (احمدا لفريدي لاعب الهلال ببعض الاووقات)
في أمان الله[/QUTE] - شكرااا لك اخي الكريم7 "
هذا الطموح وهذا اللي راسمه انا ونطلب الله التووفيق لكن تعرف اخوي اياد ان بعض الضروف ببعض الاوقات تكون اكبر منا
لي صديق كان يشتغل باحد المستشفيات الحكومية ( فني اسنان ) وانت عارف محد ماسك هذا الشي الا الفلبينيين و المصارية ، فالان فكر تفكير ممتاز و تنازل عن الشهادة و بدا يدرس طب اسنان ، لان بالاصل ( في السعودية ) في تخصصات ماتجيب همها و مصيرك ياراتب تعبان يا انك تجلس بالبيت .
صحيح ماتقوول وزين ماسوى لان هالتخصص نادر ومطلووب
هذا الشي المعقول و غير كذا اترك المجال لحرمتك تدرس وانت روح معاها خذ كورسات انجليزي الين تصير ( ماستر ) و الباقي ضيع وقتك في الاختبارات ( جي مات - توفل - و غيرها ) و اذا طفشت حول فيزتك سياحية و اجلس مع عيالك ( اذا عندك اطفال ) او لا يردك شي و صرفد
المشكله الزوجـه متخووفه من الدراسه شويتين وتقول عارفه نفسي ماراح امشي لان الدراسه صعبـه احباط *احباط .!!
هذا الشي الي انا اشوفة ... *[/QUOE]
وفقك الله وشاكر لك تعليقـك