الفيزا معاي بس المعهد مو مقبول لدى الملحقيه"أشرحولي~شسوي"

السلام عليكم

الحمد لله اليوم طلعت الفيزا حقتي .. وكانت مقابلتي قبل اسبوع
ودراستي راح تبدا في شهر 7 بس المشكله اللي حلت علي ان المعهد بشهر 5 راح يكون مو تبع الملحقيه
اللي عنده خلفيه وش اسوي .. ي ليت
مع العلم ان المعهد اسمه inlingua english center في فرجينيا - أرلنغتون

ي ليت تشرحون لي وتفهموني لان صراحه ضربت الفيوز عندي

عادي اخوي هونها وتهون

اول ماتجي حول على اي معهد ثاني معترف به في الملحقية

او انك تجيب قبول ثاني و انت لسا في السعودية اذا انت منت مستعجل من اي معهد معترف به

طيب المبلغ اللي دفعته لـ هالمعهد ؟ يروح عبث مع العلم ان هالمعهد هو جاب لي السكن
يعني 11 الف لـ المعهد × السكن مع عائله - تروح بالساهل ؟

ما شاء الله عليك ياخوي مستعجل على دفع الفلوس تدفع قبل 3 شهور

نصيحه لك ولاي احد (لاتدفعون للمعهد الا لين تجون هنا امريكا وتشوفون الوضع الواحد مايدري ويش يصير معه لاحد يدفع في السعودية خل فلوسك معك تصير انت حر في تصرفاتك ماتنجبر على اي شي ماتبية مدري ليش الناس مستعجله على دفع الفلوس ترا مهب الدعوا حجز علشان تدفع مقدم )

لكن الكلام في الماضي ماينفع مالك الا ترسل للمعهد ونسأل الله ان يتجاوبو معك والاحرى انهم مايرجعون شي قد خذوه لكن لعل وعسي او انك تخاطب الملحقية اللي ماراح يسون لك شي (انا مابي احطمك ابي اعطيك الواقع )

اقتباس:

---

المشاركة الأصلية كتبت بواسطة الفاقم

عادي اخوي هونها وتهون

اول ماتجي حول على اي معهد ثاني معترف به في الملحقية

او انك تجيب قبول ثاني و انت لسا في السعودية اذا انت منت مستعجل من اي معهد معترف به

---

أخي الحبيب speak لا تهتم ولا تشيل في بالك .. الاعتراف والكلام على الجامعة مو على المعهد .. فهدفك انت من المعهد اللغة لذا أجد أن حل أخي الفاقم هو الأنسب لوضعك ..

بمعنى أنت روح أدرس في المعهد واستفد من السكن ثم بعد مرور سمستر أو سنة تكون الحلول أمامك كثيرة وتكون عرفت شوي من خلال وجودك هناك واحتكاكك بالشبابا هناك بيفيدك كثير وأنصحك خلال تواجد لدراسة اللغة بمراسلة أي جامعة معتمدة من وزارة التعليم العالي للقبول

والله يوفقك ويسهل أمورك

لابد أن يكون المعهد موصى به و موجود في قائمة المعاهد في الملحقية

لكن أنت كيف عرفت أن المعهد غير مقبول من الملحقية؟

وانا بعد نفس المشكله

انا طلعت قرار الابتعاث واصدرت التذاكر وبسافر بعد شهر وفجأه كذا يقولو الطلاب ان المعهد اصبح غير معتمد


يعني مدري وش الحل؟.؟
افيدونا الله يوفقكم وش نسوي اخاف تروح علي البعثه

ممكن تشرح لينا كيف عرفت انه المعهد تم ايقافه او مو معترف فيه من الملحقية و شكراً

^^^^^^^^^^^^^^^^^^^^^^؟؟؟؟؟؟؟؟؟؟؟؟؟؟؟؟؟؟؟؟^^^^^^^^ ^^^^^^^^^^^^^^

ياشباب الدعوا اسهل مما تتصورون فقط غير من المعهد المغلق الي الي معهد اخر موصي به

وخلاااص ماعدا اللي دفع فلوس ارجو انه يراسل المعهد او الملحقية لينظر في امرة وارجو ان ما احد يستعجل في دفع الفلووووس الا اللي فلوسه واجد ويبي يصرفها فيروح يتصدق بها على الفقر اء احسن له

زي ما انت عارف - هم طالبين اني ادفع من بدري عشان القبول ( انا مو عارف طريقتهم )
بس انا دفعت وخلصت
انا من قدمت قالوا ان هالمعهد معترف فيه .. لاكن عقب ما وصلني القبول .. اكثر الطلاب اللي بنفس المعهد قالوا خلاص المعهد مو معترف فيه
اتحرك الان وانا في السعوديه والا اذا وصلت هناك ادور لي معهد ثاني ؟

بس زي ما انا شايف ان في الفيزا مكتوب اسم المعهد وهل بعد ما اغير المعهد بتصير لخبطه في الفيزا ؟