كلمت الملحقيه بخصوص قبول مرافقي وخيروني بين امرين

مرحبا اخواني
انا تأخر قبول مرافقي وقربت دراستي وكلمت الملحقيه وقالو لي لك خيارين ياانك تخليه يجي على انه فيزا سياحيه وراح نحولها له دايركت ونعطيه اي تويني ويدرس معاكي
او تنتظري نجيب له قبول وكذا احتمال كبير يتاخر عليك ويجي موعد دراستك وانتي تنتظري قبول مرافقك

يااخوان الحل الأول اكيييد هو اللي راح اختاره ان شاء الله لكن هل فعلا هالطريقه تصير بكل سهوله على كلام موظفه الملحقيه والله انا خايفه يتوهق اخوي ومايدرس لانه هو يبغى يدرس دراسه بدوام كامل وينظم للبعثه

مادري شرايكم بكلامهاااا اسويها واكلم السفاره تحول طلب فيزته من طالب الى سياحي لانه هو خلاص سوى المقابله لكن لم يعطى تاشيره لان مامعاه قبول اكلمهم يحولها سياحي عشان اقدر اكمل اجرءتي ووبعد السفر يحولونها الملحقيه على كلام الموظفه؟؟؟ هل فعلا كلامها صحيح وفي احد صار له كذا

انصحك تسوين الخيار الاول لان لما يجي القبول يبقى علييك الفيزه وتطوووول فيزة المرافق انا لنا شهر واسبوعين مسوين المقابله انا فيزتي طلعت بس زوجي مابعد لان تاخر الـi20 وبعد ماوصل ارسلناه لهم واللحين لنا اسبوعين ننتظر الفيزه ولاطلعت :( ومابقى شي عالدراسه اللله يعييين بسس
هذا اللي اقدر افيدك فييه اتمنى الاخوان يفيدونك اكثررر

مشكوووره على ردك فعلا انا خايفه تطول خصوصا اني قربت دراستي في 2/مايو يعني لازم اكون في امريكا في شهر اربعه والحين حنا شهر ثلاثه
يااااليت احد يقوووولي هل فعلا الخيار الاول صحيح وسهل ولالا

لا والله يا اختي ما صدقت معك
من الصعب جدا تحويل التأشيرة F2 إلى F1 ما بالك تحول تأشيرة B2 إلى F1
طبعا انت المرافق معاك اخوك فبالتالي ما راح يعطونه F2 لانها للزوج او الزوجه او الابناء فقط
نصيحه خليه يجيب قبول من اي معهد ويقدم على F1 احسن وأضمن حتى لو اضطريتي تأجلين دراستك شوي <<< مع اني اعتقد بإذن الله انكم بتلحقون قبل لا تبدى دراستك.
الله يوفق الجميع يارب

اذا الملحقية قالت لك الخيار الأول يقدروا يساعدوكم فيه احفضي الرسالة وتوكلي على الله ولو صار اي شيئ وما غيرو االفيزا تقدري تبهذي اهلهم من اصغرهم لأكبرهم

والله انا هذ اللي خايفه منه خايفه مايحولونها له وخايفه تكون صعبه ماابي ابهذل اخوي معاي لانه بيترك دراسته بالسعوديه وبيكمل هناك فامره خاايفه اذا طلع بفيزا سياحيه مايقدرون يحولها مع انه هي اكدت لي انها بتحولها لكن مااااااااااضمنها
نواف انا كلمتها مكالمه ماراسلتها ولكن شكلي بعد كلامكم باختار الخيار الثاني تتوقعون يجي قبوله في بدايه شهر ابريل لاني بسافر ان شاءالله في 20 ابريل
دعواتكم واي احد عنده خليفه عن كلاااامها يطمني

انا ياختي رحت للملحقية بنفسي وشفت المشرفات تحديدا !!!
بصراحة <<<<< لا تعليق
وهذا شغلهم دايم يخلون لك البحر طحين ووقت الجد والله ماتلقين احد
بالتوفيق ان شاء الله

على بالها انها بنيوزلاندا
تحول الفيزا السياحية الى دراسية

اخوك خليه يجيب قبول من اي معهد وفي العادة ياخذ مدة اسبوع ويطلع فيزا F1 اذا كان يمديه

لا باقي على شهر مايو اكثر من شهر
بس المشكله ان جواز اخوك باقي في السفارة ... وما ادري كيف يتقولين لهم حولو فيزته من F2 الى B1
ما عندي جواب

احضري قبول لاخوك من الحين ... ولا تعتمدي على كلام اللي في الملحقيه
لان تحويل الفيزا مو في يدها في يد الهجره الامريكيه ..
فنصيحتي لكـ اختي ...
1- اصري على انهم يجيبون قبول المرافق وان ما عندك مشكله لو أجلتي الدراسه شوي .
2- رتبي امورك وخاصه ما يتعلق بالفيزه من السعوديه لان لما تجي هنا ما تشيلي الا هم اشيا بسيطه .

اطيب امنياتي لكـ بالتوفيق

مشكورين عالردود وفعلاومعاكن حق وانا ماوثقت بكلامها ابد مع انها اكدت لي
تدرون وش بسوي الوالد اساسا طالع معانا على حسابه فتره بسيطه حتى يتطمن علينا وفيزته خالصه الحمدالله بخليه هو مرافقي والشكو لله اخوي بيقعد واذا رحت امريكا برسله قبول >>>>>>تتوقعون سهل اني اجيب له قبول اذا رحت هناك ؟
لان لو تشوفون كم قعدت احاول اجيب له قبول مو راضي لا المعهد رفض والملحقيه بعد رفضت المعهد يقول خلي الملحقيه والملحقيه تقول مالنا صلاحيه نجيب .له
وش رايكم اروح هناك واجيب له قبول ووو هل فعلا سهل اذا رحت اجيب له قبول بنفسي من معهدي
ومشكووورين حبايبي