مساعدة معآملتي في الوزارة تُرفض للمّرة الثّانية<<< ويآليل يآعين متى أبتعث ؟!

March 15th, 2011, 07:10 PM

السلام عليكم يا شعب مبتعث الكريم
مساكم الله بالخير جميـــع

أ ببـدأ بدون مقدمات ..
السالفة ومافيها أنا توقفت علي معاملة اليوم في وزارة التعليم العالي_بحي الغدير؟
ورفضت من الدكتور عبدالله الرومي حفظه الله؟
ولا أعلم مالسبب في ذلك؟

أمم السالفة او خلاصة موضوعي إني طلبت بعثة وأنا وخشتي ما دخلت برنامج الملك عبدالله للإبتعاث الخارجي حلو<<<


فقلت أبحاول أدبّر لي بعثة ومنا منا مافيه فكان الحل الوحيد أتزوج بنت خالتي لأنها هي إنقبلت في البرنامج ومالقت مرافق يروح معها>>بس وين أما أتزوجها بعد عشان بعثة


فقلت مافي إلآ أطلب منحة من الملك والله وقدمت أوراقي وكل شي على الديوان واعطوني رقم معاملة وفي الأخير رفضت

[COLOR="Sienna"]قلت خل أحاول مرة ثانية وحاولت بس المحاولة الحين غير للأمير سلمان <
إلين الحين الأمور طيبة وأروح للوزارة اللى بحي الناصرية وأخش على الوزير العنقري الله يطول بعمره ودخلت غرفته وكان عدد الحاضرين 20 تقريبا وكل واحد يجي عنده لازم يسأله ويوم جا دوري الحمد لله ماسألني ولاشي على طول وقع على ورقتي وقال تجيك رسالة رقم المعاملة<<أنا خايف لأكلّج بس لاسألني

واطلع من عنده فرحان شاق الإبتسامة قلت خلاص الحين أروح الوزارة ويعطوني قرار إبتعاثي على طول

وثم رحت يوم الثاني ودخلت عندهم وإنتظرت إلين جا دوري ودخلت على الدكتور عبدالله الرومي..وسلمت عليه وكل شي وسألته عن معاملتي قالي كم رقمها وأمليه الرقم إلآ شوي ويطالع فيا وأنا انواع الوساوس وش عنده يقز؟ إلآ ويقول لي مرفوض؟!!!<<وياليل خبّرني على أمر المعاناة
ياولد يارجل قول غيرها قال مرفوض والله ,قلت: ليششش؟ طيب قال والله حسب النظام ؟قلت وش هو النظام قال إنزل للإخوان تحت ويعلموك؟
ياهو والله وأنزل للإخوان هذول وما أعطوني اى إجابة كافية اللى يقولي لازم تدرس أول شي على حسابك؟ والثاني يقولي لام تكون نسبتك 85 وفوق ؟والثاني يقول خلاص رفضت<< يعني زي اللى يقول خلاص إذلف !
[COLOR="DarkSlateGray"]أنا طلعت مذهول والله ماني دارى وش السالفة حسيت نفسي ضايع مدرى وين أروح ؟؟؟ <<ودّى كان وقتها أطب في مسبح وأريح أعصابي صح
[/COLOR

[COLOR="DarkRed"]والله وماحلفتوني لي الحين فوق فوق 9 أشهر وأنا أطرد فيها ! ماخليت محل إلآ ورحت له ؟!<<</COLOR]

وخلاص في النهاية ألحين معاملتي عند عبدالله الرومي؟؟؟ماني عارف وش أسوي
والمشكلة إني اعرف كم شخص هناك بالوزارة بس كلهم مالهم دخل بإصدار قرار الإبتعاث ولا يقدرون يسون شي
والمشكلة الأكبر لو قلنا إنها هالبعثة مي خيرة لي ؟طيب ليش يوم أستخير أرتاح مرة لها؟؟؟<<<هذه يبغالها مفتي
وأوراقي أنا كلها جاهزة وبنفسه قالي الدكتور الرومي قال شف الشروط وتعال أطلع لك انا قرار إبتعاثك ..(يعني بس يبغالها تمشي هالمعاملة)

يعني ياجماعة الخلاصة من الموضوع :إنه أبي أحد بعد الله يساعدني في معاملتي بس ويمشّيها لي وأبشر بسعده اللى يطلبه أنا حاضر وبأى شي يبيه هو ويسير نتقابل هناك ونتعرف على بعض وماله إلآ اللى يبيض وجهه وأغدّيه لو يبي..

ويمكن هذه آخر سطور أكتبها في منتدى مبتعث ,,

• نشر عبر تويتر
• نشر عبر فيسبوك
• نشر عبر جوجل