الأعضاء الإشتراك و التسجيل

الملتقيات
ADs

انــا قــررت قـــرار خطيــــــــــر

انــا قــررت قـــرار خطيــــــــــر


NOTICE

تنبيه: هذا الموضوع قديم. تم طرحه قبل 2466 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الردود اللي فوق مشكوورين ،، ردود عاقله متزنه واخص بالشكر لأختي نوفي ،، ونعم المرأه هي ،،
    ملاعب ،، ابد ضبطني انت في امريكا وانا اضبطك بالسعوديه ههههه
    نورثي ،، الله لايجيب لنا الخالات ،، وبعدين الزواج جدا مشكله ،، مالها داعي تاخذ نص ثروتك اذا طلقتها !!
    زياد،، هذا الكلام ،، اهم شي راتب زين ومعامله حسنه ،، وبالمناسبه تعتبر الجنسيه الامريكيه من اقوى الجنسيات ،،
    الحزبي ،، كلام صحيح ،، وكلها لانه كندي !
    شكرا للجميع ،،
    تفاعل ممتاز ومرور عطر على قولة نوفي
    7 "
  2. المشاركة الأصلية كتبت بواسطة ayman.md
    اقول بس شيل اهلك من العرس وانت ساكت ولا يكثر هرجك
    مسوي فيها مصلح اجتماعي

    ايــييه مصــلح اجتماعي ونفسي وتربوي للناس الي في نـفسها ضعف شخصيـة وخوف من كــل شئ ..
    لحـظة لحـظة .. وش عندهـ الي جاي مدرعم ومطفـي النووور .. انتبه لكلامك
    ولمصطلحاتكـ و لاسلوبكـ ( اسلوب عيآل الشات ما يمشي معنا ) الله يصلحك ويخـليك لمآمتك و بابتكـ
    ..

    انتـ مطلوب منــك تطرح رأيك في المـوضوع وبعدها تديور باتجاهـ البآب .. ما حدن موكلك محامي في الموضوع هنا
    7 "
  3. المشاركة الأصلية كتبت بواسطة tyt
    عندي طريقه سريه اقدر احصل فيها على الجواز الامريكي مو القرين كارد بس ماقدر افصح عنها ابدا شكرا للي ردوا ،،
    باللهي عليك .. اجــل عندكـ طريقـة سريّـة هـآآهـ .. يعني مثلا بتقولنا ولد عمكـ مـآسك شؤون
    التجنيس والقرين كارد والجواز الامريكي في الامقريشن .. ولا بتدفهم بمكـآفئة شهرين عشـآن تدهن سيورهم ويمشون لك الامور .. هيييه صحصح ي الحبيب !!
    نفــسي اعــرف وش المقصد ووش المعنى ووش الفايدة من كلامك هذا ي اخوي العزيز القدير المحترم المؤدب/ tyt

    مبسوط يعني انك راح تحصــل على الجواز الامريكي .. افهم من كلامك انه صاير همك الوحيد وهاجسك بدل بعثتك ودراستك .. نآآس عجيـبة فـعلآآ
    7 "
  4. المشاركة الأصلية كتبت بواسطة tyt
    عبدالرحمن العمري ،،
    !
    ي لـبيــه .. هـآهـ اسـمعكـ كـمل كلامكـ

    المشاركة الأصلية كتبت بواسطة tyt
    والله انت حبيب قلبي ،، وردودك متباينه لو تقرا ردك السابق بنفس الموضوع ترا كم انت في تناقض عجيب ،،
    !
    حـتى انت .. حبيب قـلبي وخشـمي بعد .. بس عندي طلب لكل من يقرأ ردي هذا .. اتمنى انه يرجع ويشوف ردود الاخ صاحب الموضوع .. راح يتضح لكم التناقض وين ..
    ردودي جدن واضحة وضوح الشمس في عز القايلة .. وانا ابدن ما عندي اي
    تناقض زي ماتفضـلت طال عمركـ .. كل الي قلته كان مجرد دعابة لتلطيـف الجو .. والحين اتمنى انك ما
    تزعل مني لاني راح اعلمك وابين لك نقاط الخلل في كلامك وشخصيتك .. انا اختلف معك في اشياء كثيرة قلتها في كلامك المطعّج و المحكحك من كل ناحيـة .. التناقض
    و الاسلوب المتناقض هو انت و شخصيتك الي تعاني من اهتزاز الانتماء الى الوطن
    اجل تخااااف لا يستقعدون لك و يوقفونكـ بالمطارات عشانك تحمل الجواز الاخصــر .. جواز المملكة العربية السعودية .. الدولة
    الي عشت فيها انت وابوك وجدك الييين ما توصل جدك وجدتك الخامسة عشر .. ترا والله كلامك هذا فيه نوع من الجحود والنكران ي اخوي لدولتك و دينك .. ي اخي اقل الايمان يجب عليك ان تفتخر وترفع راااااسك
    انت جاي من بلد التوحيد والاسلام .. مو تدفن راسك مثل النعامة و تستحي وتخاف لا تقول انك سعودي .. اعرفك واعرف كثير من اشكالك .. انا لي فوق 15 سنة وانا اسافر كل صيف للخارج مع الاهل .. شفت و عرفت
    شباب وبناات سعوديين والله ثم والله انك تسلم على روسهم من كثر ما يبيضون الوجه .. بتعاملهم الصادق والمحترم مع الناس بالمحافظة على صلاتهم بالمحافظة على حجابهم والتمسك بدينه .. صار لهم هيبه بين المجتمعات الثانية
    حنا المسلمين .. حنا الي نصنع التأثير في غيرنا من الثقافات و الديانات والشعوب الاخرى .. آآهـ والله كلام كثير مدري كيف اشرحه لك وافهمك ايآهـ ي المحـترم ..


    المشاركة الأصلية كتبت بواسطة tyt
    بسالك سؤال ،، هل انا قلت أني باصير مسيحي او يهودي !؟
    هل أنا قلت خلاص ماراح أدرس وباخذ الجواز الامريكي أو القرين كارد وبأترك الجامعه وباروح بالمكافأه اوزعها على الأمريكان واشتري لهم شراب على حسابي !
    ياخي أنت ردك مدري وش يبي ،،
    !
    لا حآشاك ي الغالي .. ما احد قال انك بتصير مسيحي او يهودي .. مع انهم في امريكا قد يتلاعبون بالاشخاص الي ما عندهم قوة ايمان وعقيدة وضعف بالشخصية وعدم حب الانتماء للوطن .. كثير من الجماعات الدينية هناك
    تتسلط على هالفئة المغلوب على امرها من الطلاب وتقعد وراهم لين ما يغيرون ملتهم .. عشان كذا انا ادعي دائما ما اردد هذا الدعاء - واتمنى ان ترددهـ انت وغيرك ممن يقرأون ردي الآن [ يا مقلب القلوب ثبت قلبي على دينك )
    يمكن تستهين و تستهتر بالكلام هذا الي انت تقوله .. ولكن للاسف في كثير انجرفو و ذابو في وسط هالجماعات المسيحية او اليهودية .. واذا ما تصدق اقرا - نصيحة لذوي القلوب الضعيفة لا يشوفون صورته - لانها فعلا مرعبة
    http://www.hiwart.net/news-action-show-id-11545.htm

    المشاركة الأصلية كتبت بواسطة tyt
    اقول لك انك ماتدري وين الله حاطك ،، انت تقول ان برنامج الملك عبدالله هدفه انك تنشر الدين الإسلامي ،، هذي فهمناها انهم
    يرسلون الطلاب للدول غير المسلمه عشان تنشر الدين الإسلامي
    !
    اتمنى تقرآ ذا الكلام وتسوعبه زين

    واضح ان ثقافتك ضحلة وتكاد ان تكون معدومة .. عزيزي tyt ؛ عندما لا تكون مطّلع على الكتب والمجلّات و دور النشر
    العربية و الغربية و الاخبار المحلية و العالمية .. عندما تكون بعيد كل البعد عن تصـفح كتب الصهاينة اليهود ومخططاتهم للسيطرة على العالم عن طريق احكام السيطرة على عقـول البشـر
    والسعي جاهدين لطمس دينك الاسلامي وثقافتك العربية الاصيـلة وانتمائك لوطنك ودفن هويتك وشخصيتك ل يجعلوك شخص بلا ماضي ولا حاضر بلا دين ولا مذهب بلا قيم ولا اخلاق يحاولون دائما الترويج للاباحة و العري و الانحطاط من خلال افلامهم ودور صناعة السينما - اقرب مثال صاحب استديوهات اليونيفرسل الشهيرة والغنية عن التعريف ( يهودي / صهيوني ) يحاولون دائما الترويج للعالم بان العيش والحياة في امريكا هي الجنة وهي الحياة المثالية .. دائما ما نراهم في الافلام - خاصة الحربية - كيف ان الشخص الامريكي يكاد ان يكون سيّد العالم .. يغرون الناس وخاصة الشباب بالهجرة .. التشوية للمسلمين و الاسلام بشكل مستمر و المحاولة دائما لطمس ديينا وثقافتنا و جعلنا ناس متخلفين او بالاحرى بدو لا نعرف سوى الجمال و ( بير البترول في الحوش ورآآ ) !!

    من هنا يأتي المنطلق والهدف للوالد القائد الملك / عبدالله - الله يحفظه ويديم عزّهـ
    خطّـة الملك - الله يحفـظه - لاعداد جيــل واعي مثقف محافظ على دينه و على ثقافته معتزا بالانتماء دائما وابدا للوطن للعلم الذي يحـمل كلـمة التوحيد
    الطالب هو المرآهـ العاكسة / الصورة الناقلة لبيته لبيئته لمجتمعه لدينه ..
    الطالب المسلم بشكل عام والسعودي بشكل خاص اذا ذهب لبلد الدراسة .. يـصلي , لا يأكل الاكل الحرام ولا يشــرب الخــمر , مبتسم دائما , يساعد الناس , أمين , صادق , يتصرف بعفوية وبروح بريئة مليئة بكل ما هو طريف
    صدقني عندما يتصف الطالب السعودي بكل هذه الصفات - وهذهـ الغالبية ولله الحمد - المجتمع الغربي يستغرب ويندفع دائما للتساءول عن هذه البيئة العجيـبة التي اتى منها الطالب وماهو هذا الدين الذي يجعلهم يصلون في اليوم خمس صلوات - ماهو هذا الدين الذي يجعلهم يحافظون بل يحرصون اشد الحرص على سلامة مظهرهم خارجيا ونظافتهم داخليا .. كل هذهـ اسئلة تدفعهم للفضول .. والفضول يدفعهم للبحث .. والبحث يدفعهم للقراءة عن الدين الاسلامي العظيم والتعمق فيه الى يدخل الكثير منهم في الاسلام .. و الاحصائيات كثيرة والارقام .. وان كنت تريد ارقام واحصائيات بدخول الناس الى الاسلام في بريطانيا وامريكا وكندا .. احطني علما بذلك ^ ^

    في نفــس الوقت الذي يكون الطالب السعودي ينــقل الصورة الجميلة عنه وعن اهله ومجتمعه ودينه .. يكون ايضا يأخذ من حضارتهم واسلوب معيشتهم وعلمهم الشئ الكثير النافع المفيد الذي من شأنه ان يكتسب المهارات العديدة و التي يمكن ذكر البعض منها كـ : كيفية تطوير الادارات والعمل في الدوائر الحكومية وانشاء بيئة وظيفية افضل ( عندما يعود الى وطنه بالشهادة ) ..
    هكذا هي نظرة الملك عبدالله و هكذا هي نظرة القيادة الحكـيمة .. مشـروع الابتعاث هو بكل بساطة الاستمثـآر في الطااالب .. افهمم الله يرحم وآآلديكـ
    >>> اسمحو لي باتكلم باللهجة العامية شوي >>> يعني باختصار والزبدة .. الدولة تكد عليك وتشقى وتبيع من براميل النفـط وتتعب
    وتقعد تسوي اتفاقيات حماية لابنائها الطلاب في العالم كله عشان يدرسون زي خلق الله .. تخيـل معي هذاك رجع دكتور وهذا مهندس وهذا طيّار وذاك عالم في مجال علم معين .. تعلون ورجعو للبلد باعلى وارقى الشهادات عشان يشتغلون ويبنون ويطورون ويعلمون ل البلد ولاهل البلد كل خــير ..


    \

    اتمنى ان رسالتي وصـلت .. واخيرا اتمنى وانصح الجميع بقراءة كتاب - الدراسة في الخارج
    للمؤلف د . عبدالعزيز بن طالب

    ..
    7 "
  5. اخوي عبد الرحمن احس انك تحمل الامور بمحمل شخصي!!!الله يهديك اذكر الله وحاول ان تتجاهل مالا يهمك
    يعني كنكم بحرب كلاميه يجب ان يكون احد منكما منتصرا!!
    خلاص انت بينت وجهة نظرك والغير ليس ملزما بالاذعان وايضا لست انت ملزما بتبرير مفرداتك فيكفي ان تكون مقتنعا بها وان كنت تريد النقاش يجب ان تكون مرنا كديننا
    القرين كارد ماهي سبب يدعو الى التشكيك في اخلاق الاخرين...انا اتمنى اني احصل عليها ولكن لا ارى طريقه قانونيه للحصول عليها وانا بطبعي حذره جدااا
    بتختصر لي طريق طويل من مقابله وانتظار وامور السفر وما الى ذلك وعلاوة على ذلك راتب مرضي جدا.ومعامله نفتقرها الصراحه وللاسف من بني جلدتي!!!..وهذا ابدا مايقلل من وطنيتي احب بلدي ومستعده افديها بدمي وبكل فخر و اعتزاز اقول انا سعوديه انا بنت ارض الحرمين وبنت هاجس العالمين مكه والمدينه في ارض ولد فيها سيد البشريه
    فانا لي لوني وطابعي الخاص لا اتلون بالوانهم
    وطموحي لحصولي على الامتيازات ابدا لايغير تفردي بهويتي او يبدلها هكذا انا خلقت وهكذا عشت وهكذا اموت
    فمن لا هوية له كمن لا اصل له
    ودي واحترامي
    7 "
  6. عبدالرحمن العمري ،،
    قسم بالله قريت كلامك ،،
    حاولت اطلع منه جمله تفيدني في موضوعي هذا ولا في حياتي بشكل عام ماقدرت ،،
    ليتك ماكتبت ،،
    والله خساره ارد عليك ،، لأنك انت فاضي جدا ،،، وماعندك شغل ،، ولقيتني ،،
    موضوعي اسمى من أني ارد عليك يا صغيري !
    7 "
6 من 8 صفحة 6 من 8 ... 567 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.