ماهي الاوراق التي استقبلها من الملحقية في حال التحاقي ؟
السلام عليكم ورحمة الله وبركاتة ..
اليوم و الحمد لله و بعد 3 اسابيع في امريكا ، الله كتب لي الالتحاق بالبعثة ، بعد 3 اسابيع من الوساوس و الخوف من انه ملفي ضاع ، اليوم الله اراد اني اخرج في ساعة ( البريك ) و اروح للمعمل بالمعهد ( معمل الكمبيوتر ) و لما شفت ايميلي مافيه شي من الملحقية و ان بعض الاشخاص الي وصلوا معي بنفس اليوم ( التحقوا بالبعثة ) الا انا .. اضن انه اصابتني حالة من الجنون ؟ فـدخلت على موقع الملحقية و دخلت على صفحة ( اتصل بنا ) و ماخليت احد الا و ارسلت له وش مشكلتي و كيف اني الا الان لم استلم رقم الملف ..
فكان الردود متباينة ( طبعا منهم رد الملحق الثقافي نفسة ) ولكن كان رد موظف الادارة المالية ( الله يجزاه الخير ) بأنه ارسل لي كامل اوراقي ( الضمان المالي - التأمين الصحي - وورقة احط الشيك الملغي و ارسلة لهم ) ..
طيب هل فيه اوراق اضافية المفروض يرسلوها لي ؟ و ياجماعة قبول جامعتي ما اعطيتة للمحقية يوم ما وصلت ، هل ارسلة للمشرفة ؟ ولا وش الوقع ؟
و بعدين وش اكتب على الشيك حتي يصير ملغي ؟ علشان ارسله للملحقية ؟ و متى ييبدا صرف المكافأة لي ؟ على الرغم من انه مكتوب effective date هو 5 - 3 - 2011 .. يعني تم انضمامي قبل 11 يوم ؟
و اذا كان فيه اي شي ثاني فضلا قولوا لي عليه .... وشكرا لكم
رد: ماهي الاوراق التي استقبلها من الملحقية في حال التحاقي ؟
اهلن اياد .
ماشاء الله مبروك ..
ياخي ماشاء الله عليك انت متسهله بوجهك جميع العقبات ماشاء الله ماشاء الله ..
بس حبيت اني اقول كذا ووالله مابي اتفلسف عليك بالرد وانا ماعرف .. :hippi:
الله يوفقك .. وياليت تصير صديقي باين عليك محظوظ ماشاء الله :hippi:
رد: ماهي الاوراق التي استقبلها من الملحقية في حال التحاقي ؟
صح نسيت اسألك ..
ياليت تحدثنا عن ولايتك يا إياد .. لأن مواضيعك حلوه مثلك ياحلو :hippi:
انت وين بأي ولايه وكيف السكن والأجواء .. تكفى جاوبني
:hippi:
رد: ماهي الاوراق التي استقبلها من الملحقية في حال التحاقي ؟
وعليكم السلام ورحمة الله وبركاته
ألف مبروووووووووووووووووووووووك
ماشاء الله حسيتك مجتهد ومكافح ..اللي زيك يستحقوا الالتحاق من أول يوم
وأحسبك انه نيتك خالصة لله والله حسيبك
موفق ان شاء الله ..
رد: ماهي الاوراق التي استقبلها من الملحقية في حال التحاقي ؟
اقتباس:
المشاركة الأصلية كتبت بواسطة tyt
اهلن اياد .
ماشاء الله مبروك ..
ياخي ماشاء الله عليك انت متسهله بوجهك جميع العقبات ماشاء الله ماشاء الله ..
بس حبيت اني اقول كذا ووالله مابي اتفلسف عليك بالرد وانا ماعرف .. :hippi:
الله يوفقك .. وياليت تصير صديقي باين عليك محظوظ ماشاء الله :hippi:
هذا من فضل الله ثم دعوة امي ثم دعوتي ثم دعواتكم يا اخواني .. هههههههههه حلوه تصير صديقي هذه ، ابشر ليش لا على راسي
اقتباس:
المشاركة الأصلية كتبت بواسطة tyt
صح نسيت اسألك ..
ياليت تحدثنا عن ولايتك يا إياد .. لأن مواضيعك حلوه مثلك ياحلو :hippi:
انت وين بأي ولايه وكيف السكن والأجواء .. تكفى جاوبني
:hippi:
انا في مدينة سانتا مونيكا ، لوس انجلوس ، كاليفورنيا . بإذن الله راح اتكلم بس خليني اعرف المنطقة اصلا لاني الي الان لي 3 اسابيع فقط ، ووالله المعهد كاسر ضهري بالواجبات و التحضير ( طبعا ELS ) لكن الله يكتب لي الخير ، و على العموم فيه تقرير ممتاز بإذن الله بس خلوني استكشف المنطقة
اقتباس:
المشاركة الأصلية كتبت بواسطة تراتيل الفرح
وعليكم السلام ورحمة الله وبركاته
ألف مبروووووووووووووووووووووووك
ماشاء الله حسيتك مجتهد ومكافح ..اللي زيك يستحقوا الالتحاق من أول يوم
وأحسبك انه نيتك خالصة لله والله حسيبك
موفق ان شاء الله ..
الله يبارك فيك و يسعدك ، هذا من ذوقك و طيب اصلك ( لا تنسيني من دعواتك يا اختي ) الله يبارك فيك ووالله الي الان ماني مصدق اني مبتعث ، توني بشوف الرد الي جاني من الادارة المالية كان مكتوب فيه ( تم اصدار قرار ابتعاثك ) و الحمد لله
...................
شكرا لكم يا اخواني بس هل فيه احد تكلم عن التأمين و كيف استلم البطاقة لانه ارسلوا لي ورقة يقولوا فيها انه هذه الورقة مؤقتة ولابد اني اعبي النموذج بموقعهم ...
وياريت تذكروا لي الاوراق يا اخوان .
وشكرا لك
رد: ماهي الاوراق التي استقبلها من الملحقية في حال التحاقي ؟
مبروك اخوي أياد. للأسف ماعندي خلفيه عن هالامور لاني قريب بطلع بس حبيت أقولك مبرروك والله يوفقك دنيا واخره.
رد: ماهي الاوراق التي استقبلها من الملحقية في حال التحاقي ؟
^^^^
جزاك الله خير ، امين يارب
........
مو معقولة يا اخوان ، كل المشاهدات هذة و محد يرد او يعرف ؟
رد: ماهي الاوراق التي استقبلها من الملحقية في حال التحاقي ؟
اخوي اياد ادخل على اقسام الولايات بتلقى مواضيع طلاب عندهم خبره ارسلهم لو خاص
الله يوفقك وييسر امورك يارب
ايه صح ,,, فيه واحد عندنا بالحملة عالفيس بوك اتوقع يعرف بسألة واول مايوصلني الرد بحطة لك
رد: ماهي الاوراق التي استقبلها من الملحقية في حال التحاقي ؟
ياليت يااياد العنزي اتساعدني عشان يفتحون لي ملف في القنصليه واتأكد اذا بتشملي المكرمه ولا لا
أو أرسل لي الموقع اللي راسلته أو ايميل موظف الماليه اللي ساعدك
رد: ماهي الاوراق التي استقبلها من الملحقية في حال التحاقي ؟
اخوي اياد
سألت وكان الجواب
تكتب على الشيك
void
your name
your SACM number