4 رسايل من الملحقية وش القصة
السلام عليكم ورحمة الله وبركاته
اعزائي اخواني انا طالب جديد توي رايح لأمريكا اعرفو انوا دراستي راح تبدا بعد 4 ايام الموضوع ومافيه انه رحت لواشنطن وعطيتهم اوراقي قالولي راح نرسل على ايميلك رقم الملف خلال اسبوع وفعلا بعد 10 ايام ارسلولي 4 رسايل دفعة وحده والصراحة ارتبكت بعد ماشفت الرسايل
اول رسالة تقول انه هذا رقمك وهذا الباس وورد حقك
الرساالة الثانية واللي انا مستغرب منها كل الاستغراب ارسلولي ضمان مالي باسم المعهد اللي راح ادرس فيه مع العلم انه انا رايح ادرس على حسابي ولا توقعت انه راح يجيني بالهسرعة وترا مافيه لا واسطة ولا شي
السؤال الان هل هذا يعني اني مبتعث او هذا يسوونه مع كل العالم
الرسالة الثالثة تقول سو ابديت للمعلومات حقتك
الرسالة الرابعة وهذي ترجمتها
Dear ABDULLAH
This is to inform that your request SRxxxxxxxx is approved.
SACM User Comments:
Bulk Approval Administrator
This is an auto-generated mail.Please do not reply.
Regards,
SACM Administrators
طبعا الاكسات كانت مجموعة ارقام مدري وشي
السؤال اللي يطرح نفسه هل اعتبر مبتعث ولا لا
شاكر لكم
رد: 4 رسايل من الملحقية وش القصة
مبروك مادام جاك الضمان المالي
الربع شكلهم حطوا ملفك مع اللي انضموا للبعثة عن طريق المكرمة
كمل اللي طلبوه منك و خلك ساكت و ادخل موقع الحكومة الإلكترونية و سولك حساب هناك
ومبروك البعثة
رد: 4 رسايل من الملحقية وش القصة
اكيييد يعني ما احتاج اروح اكلم واسطتي اللي ابلشن يقول عطني رقم الملف يعني ما اعطيه خلاص ضموني
طيب دخلت انا وسويت معلوماتي بس اشكل علي معلومات البنك كيف اسويها ذي ؟؟؟
رد: 4 رسايل من الملحقية وش القصة
اقول مبروك عليك البعثه
وكمل البيانات وارسل لهم الشيك الملغي من شان ينزلو لك المكافئه الجايه
وما شاء الله ممكن هذا من دعوة امك ولا ابوك
وما تحتاج واسطه
اصلا رقم الملف حقك تحصله بالضمان المالي
وللمره الثانيه مبروك
بجد فرحلتك وانا مالي دخل ولا اعرفك
مبروك وخلك اللي داعيلك يدعيلنا بالتوفيق
تقبل تحياتي
رد: 4 رسايل من الملحقية وش القصة
الف مبروك والبركة بعد الله بدعوات الوالدين ...
رد: 4 رسايل من الملحقية وش القصة
مبروك رقم ملفك وصل والضمان المالي وعقبال التخرج لاتنسانا من الدعاء
رد: 4 رسايل من الملحقية وش القصة
الله يوفقك
ألف مبروك البعثة
رد: 4 رسايل من الملحقية وش القصة
الف مبروك الابتعآث ..
وبالتوفيق لكـ ,,
رد: 4 رسايل من الملحقية وش القصة
ماشاء الله عليك محظوظ
مبروك البعثه