الأعضاء الإشتراك و التسجيل

الملتقيات
ADs

تـمـهـل لأتــفـكـر .. تجــربتـــي ..

تـمـهـل لأتــفـكـر .. تجــربتـــي ..


NOTICE

تنبيه: هذا الموضوع قديم. تم طرحه قبل 4761 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية احساس عاشق
    احساس عاشق

    مبتعث مجتهد Senior Member

    احساس عاشق الولايات المتحدة الأمريكية

    احساس عاشق , ذكر. مبتعث مجتهد Senior Member. من السعودية , مبتعث فى الولايات المتحدة الأمريكية , تخصصى NURSING , بجامعة ....
    • ....
    • NURSING
    • ذكر
    • Houston, Texas
    • السعودية
    • Feb 2010
    المزيدl

    March 18th, 2011, 06:40 AM


    بسم الله الرحمن الرحيم واللهم صلي وزد وبارك على نبينا محمد وعلى آله وصحبة وسلم تسليماً كثيرا ,,

    موضوعي اليوم هو عن جوانب مريت فيها من بداية بعثتي الى الان ولعلها تنور وتفيد القادميين الجدد الى الابتعاث بشكل عام او الى امريكا بشكل خاص وبتكلم في بعضها (بالأسلوب العامي ) وليس الاسلوب اللغوي لأني أحس انها بتوصل اليكم اكثرر ..

    اخترت اسم الموضوع لان معروف ان كل طالب مقدم على بعثه رايح يكون بالة مشغول ويفكر ويسبق الاحداث وهذا ماحصل معي حينما علمت اني سوف اسافر بعد شهر الى امريكا احسست بالخوف وعدم الامان وانشغال التفكير والنفسية كانت من سيئة الى أسوء ..وجاء اليوم اللذي اطوي فيه امتعتي لكي اسافر الى امريكا واطلب العلم واصارع مستقبلي ودعت أهلي واحبابي واصحابي وذهبت الى العالم الجديد او الى حياتي الجديدة اللتي لايوجد بها احدا من افراد عائلتي ولااحدا من اصدقائي لايوجد سوى انا ورب العباد معي .. وصلت الى واشنطن عاصمة الولايات المتحدة الامريكية ويالها من لحظات خوف وقلق من القادم المجهول .. ولكن مارأيت امامي لاشي يستدعي الخوف رأيت ابتسامة (شرطي امريكي ) تستقبلني فتفاجئت لانني كنت متأثر بالاعلام ومما علمنا بعض الاعلام ان الشعب الامريكي ( شرس ) ولكن هذا مما لم يواجهني ولم يوأجه اكثر الطلاب السعودين اللذين كانو معي بنفس الرحلة .. وسارت الاجراءت بكل يسر وسهولة ..


    زبدة كلامي الطويل اللي تشوفه فوق ( لاتفكر ولاتشغل بالك فالله معكـ )



    نقاط سريعة لاتفعلها مع الشعب الامريكي او لاتفعلها في امريكا

    لاتقارن بلدك مع بلدهم ( وبلدك خلها بقلبك واحفظ حبها في قلبك )

    موقف : اذا حصلت عرب او أجانب ويسبون السعودية ( فأعلم ان كل شجرة مثمرة مرماة بالحصا والحقران يقطع المصران ,, )

    لاتثق في أي شخص ماتعرف عنه شي ( يعني لاتشوف واحد عربي وتقول هذا عربي يخاف علي .. لا لا حبيبي صح ان العروبة فوق روسنا لكن مو كل عربي يتمنى الخير لخوه العربي )

    لاتتجادل معهم بالدين ( يعني لاتجي وتقول دينا احسن من دينكم )

    : لاتذكر احداث سياسية ( يعني لاتتفلسف تسوي انك الرجل السياسي وتقول تتذكر يوم تغزون الدولة العربية الفلانية )

    : احترام النظام وخاصة في قيادة السيارات ( يعني لاتشوف علامة ستوب وتمشي وتخليها لاحبيبي هذي سويها بالسعودية )

    ا: احترام الحيوانات ( مو معناها تحترم الحيوان وتبوس على رأسه لكن مو ترمي القطوة بالنعلة الله يكرمكم وتسوي حركات السعودية وهذي فيها سجن )

    قلنا احترام الحيوانات والآن نقول احترام الكلب ( بتسئلون تقولون ليش الكلب مو حيوان الا حيوأن لكن الكلب حالة ثانية هذا عشق الشعب الامريكي ( يعني لاتجي وتتحرش بالكلب بأي حركه من الحركات والكلب له حقوقه ..

    احذر من التعارف على البنات وخاصة البنات اللي تحت السن القانوني. ياخوي انت ولد مسلم عيب تسوي هالحركات وترى ماتدري هي وش فيها من أمراض ولابلآوي فتجنب العلاقات المحرمة والبنات اللي تحت السن القانوني مصدقة بكل شي وممنوعة من اغلب الاشيآء مثل الكحول والخ ..

    الان بتكلم عن اهم قانون واغلب الطلاب السعوديين غافلين عنه
    شرطة امريكا : اذا وقفتك الشرطة لاتنزل من السيارة وحط يديك في اعلى الدركسون ( يعني امسك الدركسون وخلك عاقل )

    تجنب المشي في اوقات متأخرة بالليل .. يعني لاتسوي تكلم اهلك بالجوال وتجلس تفرفر في الشوارع بعد الساعة 9 هذا من باب الحرص والخوف فقط ولكن النظام يسمح بذلكـ ,,

    خط المشاة : بتجي امريكا وتتعرف على طريقته ولكن يجب ان تحترم خط المشاة ..

    باص المدرسة : انتبه من باصات المدرسة لايسمح لك بتجاوز باص المدرسة وباص المدرسة عندما يوقف يجب ان توقف بعيد عنه 10 امتار يمكن ( يعني لاتجي تشوفه واقف وتجي تسقط عليه لا لا حبيبي كذا تاخذ مخالفة قد نص مكافئتك )

    في السكن بيوت امريكا زي مانتم عارفين خشب يعني لو تقول كح كح سمعوك جيرانك وازعاج الجيران فيه مخالفة فحاول ان تكون هادئ وغير مزعج

    احياناً تكون طالع مع اخوياك السعوديين او العرب ومعكم شاب امريكي ( يعني لاتتكلم عربي وتحسسه انك قاعد تسب او تنتف فيه )
    يفضل عدم الخروج من السكن بعد الساعة 9 مساءً مو معناته خطر ولكن حذر ..

    انتبه من حوداث امريكا : في هذي الايام كثرت حوداث الطلاب السعوديين مثل ماسمعنا عن وفاة الطالب التويجري رحمة الله علية ..

    لاتمشي في سيارتك بدون تأمين لانك معرض لعقوبة السجن ..

    انتبه من فاقدين الوعي في القيادة ( السكرأنين ) ( احياناً تكون نظامي وتمشي في حالك ويجيك سكران ويصدمك فحذاري من هذي النقطة ( يعني لاتروح لااماكن مشبوهة ويتواجد فيها السكرانين بكثرة )


    نقاط سريعة افعلها مع الشعب الامريكي

    الابتسامة ..( ابتسم ويحبونك والعهده علي انا .. )

    لاتخجل من السؤال ( تراهم يعشقون السؤال .. )

    لاتستحي من السوالف ( خلك ثرثار وحتى لو لغتك ضعيفه ..)

    يحبون المجاناً ( يعني يوم طفشان وتبي تمارس لغة اعزم جأرك حتى لو على علبة بيبسي )

    لاتستحي او تخاف من اداء الصلاة امامهم (يعني صلي قدامهم وبالعكس هم يحترمون الاديأن )

    لغتك ضعيفه مرة وتبي تطورها في مصطلح يسمونه ( ذب وجهك ) يعني خلك نشبة تكلم مع اي احدا بالشأرع , بالسوق , بالمعهد , في اي مكان بس احترم وقت العمل يعني لاتكلم احدا وهو مشغول بحاجة او عمل ..


    ولتعلم اخي _ اختي ( ان مافيكم احدا ترك أهلة وأحبابة ووطنة الا لهدف واحد وهو العلم والشهادة اللي ترفع رأس اهلكم ووطنكم ويفخرون بها أمام الجميع فأحرصو كل الحرص أنجاز هذا الهدف فقط .. واعلم انك محظوظ من بين ملايين كل احلامهم في بعثه سواءن من ابناء دولتك او من دول أخرى ,,

    بالاخير هذا ماجادت به قريحتي من نصائح انصحكم بتطبيقها .. وبالتوفيق لكم ..

ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.