تجربتي مع المحكمة المرورية بأورلاندو

March 18th, 2011, 10:38 AM

السلام عليكم ورحمة الله وبركاته ،،،

أنا أحد الطلاب المجتهدين المحترمين الملتحقين مؤخرا بالبعثة بعد المكرمة الملكية الأخيرة وكنت دخلت أمريكا ودرست في أورلاندو ـ فلوريدا من خمسة شهور تقريبا <<< بيناسبكم الطيب .
قبل شهر ونص تقريبا اشتريت سيارة وعملت عليها تأمين وطلعت لوحاتها وكل شيء تمام الحمد لله .( <<< احترت في المقدمة وهذي أسهل شيء ) الشيء الوحيد اللي ما عملته هو إني ما طلعت رخصة أمريكية ولا عندي أنا من الأصل رخصة دولية من السعودية . عندي رخصة سعودية عادية . ولأني سمعت الشباب يقولوا إنه عادي تمشي بدون رخصة ما أحد راح يوقفك وكذا فاستسهلت الموضوع وتكاسلت عن استخراج الرخصة الأمريكية . <<< عذر أقبح من ذنب .
قبل اسبوعين وثلاثة أيام تقريبا قفطني رجل المرور صبح وأنا رايح للمعهد وصكني بمخالفتين كل واحدة ألعن من الثانية . وكان معي رحيم فوق هذا .<<< ملاحظين انتم الأوقات <<< اسبوعين شهر ثلاثة ستة شهور <<< يقولكم الهرجة بأمانة ههههههه .
الهرجة إنه الرجل كان من ضمن صلاحياته إنه يقبض علي ويوديني للسجن وهذا الموضوع أنا سألت فيه وتأكدت منه ( لا يطلعلي واحد ويقولي يخسى عشان ما أتوطأ في الحدقية اللي في مخ عينه ) <<< في حدقية في العين ؟؟؟ ) ، لكنه كان رحيم وصفقني بمخالفة أولى وهي إني ملحم في اللي قدامي ( اعذروني لي ستة شهور مقطوع وأنا متزوج يعني الهرجة بالنسبة لي مدبلة ههههههههههههه ) وقيمتها 164 دولار ( عساها حرام ونار في جثة أبوهم ) <<< واحد حاقد صح هههههههههه ) وصمخني بمخالفة ثانية وهي القيادة بدون رخصة مع إني طلعت له الرخصة السعودية وحاولت اتمسكن عليه واقوله إني طالب لغة وما اعرف وسقت أم الهبل كله وطلع وصصصصصخ <<< المفروض في كلمة ثانية هنا لكني ماا قدر اكتبها ههههههههههه ) أخلاقه مداس ملعون الصلايب ولا يتفاهم ولا شيء ومع ذلك كان معي رحيم <<< عشان البحث هههههه .
موضوعنا يا أبو الحبايب والقلب الذايب <<< الحين إنت لسه ما دخلت في محور الحديث ؟؟؟ ) في المخالفة الثانية وهي مثل ما ذكرنا من هنيهة <<< من زمان ودي أقول هالكلمة ) إنها القيادة بدون رخصة والمخالفة تستدعي الروحة للمحكمة . هنا جات المشكلة والوساويس والنفسية خربت والدنيا صارت رأسا على عقب حتى الأكل ما عاد استطعمه والنوم ما عاد اهتني به ( حتى صاحبنا ما عاد صار يوقف معي <<< الخاين هههههه ) لأن بعض الناس الله يسامحهم يهولون المسائل وما همهم إلا إنهم يفصخون خلق الله ويفجعونهم .
ولا نمت قرير العين مدة اسبوعين تقريبا لين ما جاء وقت المحاكمة وليته كان جاء بدري . كان وقتها الساعة 7:30 صباحا <<< لساتو أمين الطيب هههههههه ) وأنا أنصح إنه أي أحد يصير له مثل ما صار لي إنه يكون عند المحكمة على حدود الساعة سبعة وخمسة أو سبعة وعشرة على أقصى تقدير<<< على أساس فرقت يعني هههههههههه ) عشان السرا راح يكون طووووووووووويل لليل الطويل .
مالكم بالطويلة ، زهبت وأخوكم في الله في حكم أحلام اليقظة ، لاني حي ولاني ميت وبعد التفتيش واللزي منه دخلت على موظفة ياشينها مسكينة المفروض إنها تحولني على القاضي وتعطيني رقم وكذا عشان ينظر في أمري ويبت فيه . قالتلي ايش عندك وقلتلها الهرجة ، قالتلي عندك رخصة الحين ؟؟؟ قلت عندي وقدني طلعتها قبل اسبوع تقريبا <<< لسه هههههه ) واعطيتها لها وغابت عني اللعينة وخلتني في خرايطها . المهم بعد خمس دقايق تزيد أو تنقص قليلا جاتني وقالتلي عندك خيارين قلت وشو ؟ قالت إما تأخذ رقم وتستنى لين تدخل على القاضي وإما تدفع عشرة دولار وتضف خلقتك ؟ قلت والله أدفع واضف ، قامت ضحكت وليتها ما ضحكت مسكينة زادت شينها شين الكافرة <<< حاقد عليها عشانها شينة هههههههههه .
مالكم بالطويلة ، رحت عند واحدة خالة أخلاقها جزمة ، أول مرة في حياتي أشوف خالة أخلاقها ماش ، دفعتني العشرة دولار ودفعتني الـ 164 دولار الثانية اللي حرام ونار في جثة أبوهم ، وطسيت بعدها في أمان الله وحفظه إن شاء الله ورعايته .

الخلاصة :
1 ـ يا جماعة الخير لا تستهينوا ولا تؤجلوا استخراج الرخصة أبدا أبدا أبدا لأنكم ممكن تطيحون في يد شرطي وصصصصصخ <<< أستبدلوها بالكلمة اللي ما قدرت اقولها فوق ههههههه ) يصككم في أبو زعبل وهناك ممكن تطبلك في واحد أو بضعة رجال حالتهم حالة ويضيع شرفك ههههههههه .
2 ـ استخراج الرخصة كالتالي : تأخذ الكتيب حقهم ببلاش وتأخذلك فيه نظرة ولو جبر خاطر وتروح الصبح بدري وإنت معك الأوراق ( الآي توني ـ الجواز ـ اثباتين سكن ـ الآي ناينتي فور ) وتدفع 48 دولار وتختبر ولو فشلت وهذا محتمل بل غالب ( مستغبيكم ههههههه ) مع إني نجحت ولله الحمد والمنة من أول مرة ، فبإمكانك تعيد الإختبار بـ 10 دولار وكل إعادة بعد كذا بعشرة دولار وهكذا . والأسئلة حقت الاختبار إن أخطأت في أي سؤال يقولك انك اخطأت ويوريلك الإجابة الصحيحة يعني لمن تعيد الاختبار المرة الثانية وجاك السؤال نفسه راح تتذكر مباشرة ( إلا إن كنت تنح ) وخاصة إنها خيارات سهلة جدا ومنطقية ، ولو افترضنا إنك أعدت الاختبار خمسة أو ستة مرات على أقصى تقدير ( إن رسبت أكثر من كذا فأنا اقترح إنك إما ترجع السعودية وتعيش حياة أسهل مع الاتصالات السعودية وإما إنك تنحرف مثل اللمبي وتتعرفلك على أسبانيولي والا مكسيكان وتصير تاجر مخدرات وتضيع مستقبلك من بدري لأنه مستحيل راح تنجح بأي اختبار بعد كذا في حياتك الدنيا ) فإنت تكون دفعت قرابة 100 دولار وهذي أنا اشوفها رحمة والله مع القلق اللي راح يفلق بروستاتك لمدة اسبوعين لين تجيلك المحاكمة وممكن تكون حبيبة القاضي قاشعلته ليلتها أو البواسير عنده ملتهبة ويفك حمشته فيك وممكن تروح أبو زعبل مرة ثانية وهنا الاحتمال كبير بإنه تطلع بالتهاب بواسير مثل القاضي لأنه الشرف قد راح من المرة الأولى ههههههههههه .
3 ـ ما صارت خلاصة ههههههههههههههه
خلاص يبو قفلنا <<< ما بغيتوا ههههههههههههههه .

• نشر عبر تويتر
• نشر عبر فيسبوك
• نشر عبر جوجل