عرض للطباعة
السلام عليكم , اخواني انا موظف في قطاع خاص وماخذ قرض من بنك محلي , سؤال هو .؟ هل ارجع القرض للبنك او انتضر الين تكمل اوراق القبول في الوزاره وبعدها ارجع القرض او هل فيه اجراءات قبل القبول ينظرون اذا كان عندي اي تمويل شخصي ماخذه او لا ؟
السؤال الثاني بما اني موظف في القطاع الخاص الى الان , هل اقدم اخلاء طرف الان او انتظر الين تتم اجراءات قبولي ؟
ياليت تفيدوني من خبراتكم
اخوي فيصل انت بتروح على حسابك ؟؟؟؟
اذا انت ماخذ قرض عشان تروح على حسابك ! مومشكلة تروح على حساب الوالد او الوالدة او عمك
اهم شي معك شهادة بنكية بااسم الشخص اللي بيصرف عليك ويتكفل بتعليمك .
من شروط الابتعاث انك ماتكون موظف هذا اللي اعرفة
للاستفسار اكثر
انصحك تتصفح موقع التعليم العالي
او تتصل عليهم <<< اذا ردوا عليك بس لامانع من المحاولة
وان شاء الله الاخوان مايقصرون
( ماحبيت اقراء واطلع )
تمنياتي لك بالتوفيق
انا بروح على حساب الحكومه ان شاء الله , والان انا موظف في قطاع خاص وماخذ تمويل شخصي من بنك لمدة 3 سنوات انقضت منها سنه واحده وباقي سنتين , قدمت اوراقي على البعثه وانقبلت بس باقي اجراءات قبل البعثه من ضمان مالي وقرار ابتعاث وفيزا يبغى لها 6 شهور تقريبا ,
وبالنسبه اني ماأكون موظف انا فاهم النقطه هذي واذا قربت اروح راح اسوي اخلاء طروف من الشركه واسحب عليهم
حياك فيصل
بالنسبه للقرض، انا كنت موظف قطاع خاص وجيت امريكا شهر اكتوبر اللي راح على حسابي وكان عندي قرض من بنك محلي
واستقالتي قدمتها نفس اليوم اللي سافرت فيه.
والحين الحمدلله ضموني ولا قالو اي شي عن القرض
وقاعد اسدده كل شهر يعني ما الغيته
وكل شي تمام
يعني ادا على حسابك جاي مالهم شغل بوضعك المالي
ولما تقدم على الالتحاق مو مشكله القرض
ف انا اشوف انك تصبر شوي، اذا ضمنت وجاك القبول رجع القرض
اتمنى اكون افدتك
.
بالنسبة للبعثة مالها علاقة بالقطاع الخاص اهم شي انك ما تكون موظف حكومي ..
قدم استقالتك قبل السفر عشان تستفيد من الرواتب ... موفق
أبدا أبدا لا تقدم على إجازة إلى ما تطلع قرار الإبتعاث
أنا مرافق لزوجتي و أنا معلم و قدمت إفاده لوزارة التربية و التعليم إني مرافق و أبغى إجازة و رجعوا طلبوا مني إفادة من وزارة التعليم العالي إنك مرافق و في لإفادة تاريخ بدء الدراسة عشان تبدأ إجازتي على أساسها...يعني خلاصه الكلام لما تجي تطلع قرار الإبتعاث ما تحتاج ورقه الإجازة بس لما توصل أمريكا و تروح الملحقيه ضروري ضروري يكون معاك شي يثبت إنك غير موظف أو إنك أخد إجازة عشان يبدأ عليك صرف المكافئه و ما عندك دخل تاني يجيك...
و
و عندك هنا متطلبات إصدار قرار الإبتعاث لبرنامج خادم الحرمين الشريفين للإبتعاث الخارجي و ليس من ضمنها إثبات إنك غير موظف:
1. صورة من قبول ( اللغة + الجامعة ) بالنسبة لمرحلة البكالوريوس ، أما طلاب الدراسات العليا ( ماجستير – دكتوراه ) فيكتفى بقبول اللغة كحد أدنى .
2. صورة القبول + ( I-20 ) لطلاب أمريكا.
3. صورة جواز السفر بالإضافة لصورة التأشيرة الدراسية ( الفيزا ).
4. صورة بطاقة الأحوال + ( صورة دفتر العائلة للمبتعث المتزوج ) أو صورة دفتر العائلة للطالبة.
5. صورة ( جواز السفر + صورة التأشيرة + صورة بطاقة الأحوال ) بالنسبة للمحرم المرافق مع المبتعثة .
6. صورة وثيقة التخرج بالإضافة إلى صورة كشف الدرجات لمرحلة الدراسات العليا ( أو صورة من معادلة الشهادة إذا كانت صادرة من الخارج بالإضافة إلى كشف الدرجات ) .
7. صورة شهادة الثانوية العامة + صورة شهادة القدرات + صورة شهادة التحصيلي لطلاب مرحلة الثانوية.
8. تعبئة الاستمارة المعدة لإصدار قرار الأبتعاث ( الموجودة على موقع الوزارة الالكتروني تحت رابط نماذج الوزارة ) .
9. بالنسبة للمحرم المرافق ( زوج – أب – أخ ) إذا كان أخ يجب أحضار وكالة شرعية أو قرار رسمي من العمدة والشرطة من الأب بالسماح للابن بمرافقة شقيقته ( وأن يقيم معها إقامة دائمة أثناء مدة الدراسة في بلد الأبتعاث ).
وبعد إكمال هذه الطلبات بإمكان الطالب أو الطالبة إرسالها على العنوان التالي :
وزارة التعليم العالي – وكالة الوزارة لشؤون البعثات – برنامج خادم الحرمين الشريفين
الرياض – شارع العليا العام – ( حي الغدير ).
- يكون الإرسال بواسطة البريد الممتاز ، وعلىالطالب أو الطالبة متابعة حالة الطلب على موقع الوزارة الإلكتروني ، وإذا ظهرت عبارة ( تم طباعة القرار ) عليه مراجعة الوزارة لاستلام صورة القرار للحصول على تذاكر السفر ، وبالإمكان توكيل أو تفويض شخص آخر باستلام صورة القرار وإنهاء إجراءات تذاكر السفر .
شي أخيرإنشالله أكون أفدتك بس لا تعتمد على كلامي أحسن لو تتأكد بنفسك
الله يعطيكم العافيه ماقصرتو جميع
اخي فيصل بما ان امورك في السليم وضع البعثه ماشيها
لاتخاف من القرض انه بياثر عليك ابد والاخوان عطوك فكره
بس اللي ابقوله ان البنك اذا ماسددته راح تكون بالقائمه السوداء لديه حتى تسدده اذا كنت تقدر تسدده من المكافاه هذا شي طيب واذا لم تستطع اذا رجعت ان شاء الله على خير تروح لهم وتسوي اعادة جدوله وتبدا تسدد على مهلك
اذكروا الله