فتح حساب بامريكا وقصة غموض الشيك الملغي ..؟؟
السلام عليكم ورحمة الله وبركاته
اخواني انا صراحه ماني فاهم شي عن فتح الحساب بامريكا والاستراتجيات الصحيحه الي راح نتبعها ...يعني ياليت واحد فاهم يعطينا رد مفصل وشامل وكامل بطريقة فتح حساب وماهي الاوراق الي راح ناخذها من الملحقيه وكيف نراسل الملحقيه اذا فتحنا حساب
وياليت كمان يكون رد مفصل عن الشيك الملغي الي صراحه عجزت افهم طريقته
وانشالله له مني اجمل دعاء انشالله مانحرم منكم ياعظاء مبتعث
ودي واحترامي
رد: فتح حساب بامريكا وقصة غموض الشيك الملغي ..؟؟
الملحقية راح يوضحون لك كل هالكلام .. ما راح تطلع من عندهم الا وهم شارحين لك كل شيء بالتفصيل
المسألة بسيطة جداً ومافيها اي تعقيد
الملحقية راح تعطيك ورقه ..
تروح للبنك في مدينتك وتفتح لك حساب .. البنك يبون الجواز والآي توني وعنوان السكن
تخلي موظف خدمة العملاء يعبي لك الورقة حقت الملحقية ..
راح يعطيك شيكات مؤقتة (لين يرسلون لك دفتر الشيكات اللي مطبوع على كل شيك فيه اسمك وعنوانك) تاخذ واحد من الشيكات المؤقتة وتكتب عليه بخط يدك اسمك ورقمك الطلابي في الملحقية وتكتب على الشيك بـ اي مكان هالكلمة .. VOID او ملغي (الغرض منه عشان محد يستخدم الشيك لأي غرض) .. وتسوي له سكان (بالسكانر) وترفعه في الموقع حق الملحقية .. يبي يشوفون اسم البنك ورقم حسابك اللي موجود على الشيك ويدرجونه في نظام المكافآت..
وبعد كم يوم ينزلون في حسابك على حسب اذا كنت داخل بداية الشهر ينزلون لك مكافأة كاملة او نص مكافأة وكذا
رد: فتح حساب بامريكا وقصة غموض الشيك الملغي ..؟؟
ماقصرو اخوانا وضح لك الطريقه
وفتح حساب مايحتاج له ورقة من الملحقيه لعلمك فقط جواز والاي تويني والعنوان تبعك (هذا اللي طلبوه مني) انا افضل تفتح في بنك اوف امريكا لان بكل انحاء امريكا والمكافاه ماتتاخر فيه
بخصوص رفع الشيك بالموقع فيه موضوع ابحث عنه واعرف كيف الطريقه وهي بسيطه
تمنياتي لك بالتوفيق
رد: فتح حساب بامريكا وقصة غموض الشيك الملغي ..؟؟
انا كنت بسوي نفسك موضوعك بس على اسبوعين قدام , لأن بجد متجننه من هرجه الشيك الملغي
وابغى اسئل عن فتح حساب مشترك يعني انا ومرافقي والاشياء هذي
طيب الشيك الملغي بس عن طريق النت نرفعه ولا يحتاج انو ارسله فاكس او شي زي كذا ؟؟؟
رد: فتح حساب بامريكا وقصة غموض الشيك الملغي ..؟؟
والله الموضوع سهـل جدآآ .. ولا تشيلون هم
بالنسبة لفتح الحساب .. فقط جوازك وعنوان سكنك
أم عن الشيك الملغي .. اذا خلصت فتحت الحساب في البنك .. قول للموظف أبي شيك واحد بس !!!!!!!!
شيك عادي جدآ ..
انت تروح وتكتب عليه VOID كبييييرة على الشيك ... <~ ليش ؟ عشان ماحد من الموظفين او اي شخص يكتب مبلغ ويصرفه .. حلو الكلام ..!!
بعدين تروح تسوي سكنر للشيك .. او تصوره بالجوال بس تكون واضحه عشان رقم الحساب يصير مكتوب والراوتونق والاسم طبعا ..
تدخل الحكومة الالكترونية في موقع الملحقية الثقافية .. وتدخل الرقم الطلابي ورقم السري .. وتروح لخانة تحديث بيانات الشيك وترفع صورة الشيك الملغي .. وتنتظر الرد بالموافقة من قبل المشرف ..
الموضوع جدآآآآآ سهـــــل ياحلوووووووووووووووووووووووين
موفقين خير .. والف مبروك الثلاث رواتب << طبعا الاثنين الزيادة بدون بدلات :)
رد: فتح حساب بامريكا وقصة غموض الشيك الملغي ..؟؟
^^
طيب يالغالي بالنسبة لعنوان السكن يكفي عنوان المعهد فقط ؟
بما أن الأغلبية ما عندهم عنوان ثابت في البداية !
شكرا لصاحب الموضوع ..
رد: فتح حساب بامريكا وقصة غموض الشيك الملغي ..؟؟
ايه نعم البنك راح يكتب عنوان المعهد (اللي مكتوب على الـ I-20)
والوضع سهل مره زي ما قالوا الاخوان
والملحقية راح يحدثون بينانات البنك بيوم او يومين اذا تأخروا