الأعضاء الإشتراك و التسجيل

الملتقيات
ADs

شرح ابي شرح مفصل .ممن وصل لأمريكا.....

شرح ابي شرح مفصل .ممن وصل لأمريكا.....


NOTICE

تنبيه: هذا الموضوع قديم. تم طرحه قبل 2459 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية زوبه
    زوبه

    مبتعث جديد New Member

    زوبه الولايات المتحدة الأمريكية

    زوبه , أنثى. مبتعث جديد New Member. من السعودية , مبتعث فى الولايات المتحدة الأمريكية , تخصصى ثانوية , بجامعة جامعة الملك فيصل
    • جامعة الملك فيصل
    • ثانوية
    • أنثى
    • الدمام, المنطقة الشرقية
    • السعودية
    • Dec 2010
    المزيدl

    March 19th, 2011, 07:25 PM

    السلام عليكم ورحمة الله وبركاته...........

    أنا طالبة مبتعثة لأمريكا مدينة بوستن بمعهد امبيسي ces وأجلت موعد دراستي لــ2\5
    والمرافق معي هو زوجي...

    أبي من اللي وصلو أمريكا يتكلمون ويشرحون شرح مفصل من نزلوا من الطيارة إلى أول يوم دراسي ..


    وشلون كان الوضع...شنو الأوراق المطلوبه والمهمه؟....واشنطن "الملحقيه" شتطلب من أوراق؟.....متى نفتح حساب وبأي بنك تنصحونا؟........التأمين الطبي سهالات الموضوع ولا ؟.....وبعدين إذا تيسرت ولايتي وش السوات؟

    شنو اسوي؟... شلون ندور سكن؟....خصوصاً أنا بروح قبل موعد الدراسه بثلاث أسابيع وابي اعرف شلون ارتب وضعي..

    وأبي أسأل تنصحوني آخذ معي عزبة خفيفه لأول شهر ؟


    وووووووأبي أي معلومات تعرفونها حتى لو أنا ما ذكرتها...
    وياريت أنو اي احد بولايتي "بوستن" يحط أيميله عشان أقدر أتواصل معه..

    وشكراااا مقدما أتمنى من كل قلبي أنكم تفيدوني من تجاربكم..
  2. وعليكم السلام ورحمة الله وبركاته ..~
    توصلون بالسلامة .. وبالنسبة للمتطلبات للمطار

    جوازك و الايتونتي واحتمال السيفيس

    الموضوع سهل جدآآآآآآ ..

    **

    موضوع البنك .. اذا رحتي مدينتك روحي للبنك الي قريب من عندك وافتحي الحساب فيه

    **

    مبتعثي بوسطن كثير .. وراح تحصلون من يساعدكم باذن الله ..

    موفقين خير
    7 "
  3. ايه نعم أنصحك تاخذين عزبه خفيفه لأول شهر تجلسون فيه, لان الوضع في أمريكا مختلف تماماً عن السعودية وفي البداية ماتدرين كيف تتحركين .. ووجود عزبه معكم تريحكم مره

    من ناحية المطار .. راح يطلبون الجواز وفيه الفيزا طبعاً وورقة I-94 وتكونون عبيتوها بالطيارة قبل ما تنزل (يوزعونها المضيفين لكم) وورقة الجمارك (توضحون فيها وش جايبين من عفش معكم) ولا تكذبين أبد فيها .. اكتبي كل شي واضح
    وراح يطلبون الـ I-20 لك ولزوجك وطبعاً جواز زوجك وورقة الـ I-94 هذي وحده لك ووحده لزوجك وورقة الجمارك وحده لكم كلكم

    وراح يخلصون اجراءاتكم بالمطار وعلى حسب الزحمه تخلصون من المطار

    وبالنسبة للسكن, أنصحك من الآن تبحثين عن سكن وانتي بالسعودية ادخلي على قوقل واكتبي اسم مدينتك واكتبي كلمة شقق بالانجليزي وشوفي وش موجود والاسعار وايش اللي قريب للمعهد او الجامعة حقتكم واطلعي على الصور وممكن تكلمونهم من السعودية وتشوفون وش يطلبون

    طبعاً اغلب الشقق بأمريكا يطلبون انكم تدفعون الآجار اول الشهر + التأمين (وتسترجعونه مع نهاية العقد اذا كان مافيه اي خراب بالشقة)

    يعني مثلاً لقيتوا شقة سعرها 800 دولار .. راح تدفعون المبلغ ها اول مره بالاضافة الى 800 دولار يعني 1600 دولار .. وقد تضطرون تأثثون اذا كانت الشقة غير مأثثه .. وحطي في بالك ان الاسفنج حق السرير غالي في امريكا يعني عادي يصل من 600 دولار الى 5000 دولار !

    طبعاً ماراح تشترون اللي يوصل خمسة آلاف لكن ابين لك انه غالي عندهم

    والبنك اختاروا chase bank أو Bank of America أو اي بنك آخر عادي بس حاولي يكون بنك مشهور ومعروف .. وروحي لم البنك ومعك جوازك والـ I-20 وقولي ابفتح حساب ويفتحون لك وقولي ابي شيك ملغي او void check ويعطونك واحد وسوي له سكان وارسليه للملحقية مع ورقة يعطونها لك الملحقية تعبين فيها بياناتك

    وبالملحقية يطلبون انك تعبين ملف فتح ملف طالب ويعطونك النسخ وملف مرافق ويطلبون صور من الجواز والفيزا لك ولزوجك وصور لـ I-94 لانها هي الاثبات انكم دخلتوا امريكا وبس وطبعاً المعلومات هذي موجوده في موقعهم

    www.sacm.org

    وبلغوا الملحقية انكم راح توصولون من الموقع حقهم عشان يحجزون لكم فندق (وانتم تدفعون) بس يكون رخيص وحلو مره

    وبالتوفيق ..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.