من زمان كنت بتكلم بالموضوع بس الشغل ماعطانا فرصة...
عموما أنا بعطيكم الخلاصة و بعد سؤال و قناعة ذاتية:
- أولا:
الحلال متوفر في أغلب المدن اللي فيها الطلاب...البدائل موجودة مثل البقوليات و المعجنات و الاكل البحري و الاهم الاكل اليهودي او الكوشير المتأكد انه مذبوح 100% و لهم مطاعم خاصة...
مع كذا للأسف للأسف للأسف من القلب....مشالله ع كثير من الطلاب من بلدنا تلقاهم في ماك دونالدز و برجر كنج و ابل بيز و تشيليز و محلات البيزا و غيرها و مثبت و غالب الظن في هالمطاعم انها تستخدم الكهرباء بالذبح و تستخدم نفس السكينة اللي يقص بها الخنزير و الحلال...الطلاب يقولون لاتشدد و الاكل مومتوفرو عندنا فتاوى من "السعودية"...والرد عليهم على حسب مايقولون:
- لا تشدد:
أنا مو متشدد و انا واحد عادي بس نفسي تربت على الحلال و النظافة لو تنطبق السما ع الارض مااكلت من اقذر خلق الله اللي مايغسلون ايدهم بعد الحمام و انتم بكرامة...عموما ابحثوا بالنت اخر النتائج الابحاث في الامراض البكتريا بصدد هالموضوع.
-اللي يقول الحلال مومتوفر و لا لاقين شي ناكله اقوله:
سلامتك!...هذا كلام باطل و مردود...بعد و ين الصبر؟ وين حلاوة الدين؟ وين التمثل بالدين؟خلاص صلخنا جلودنا لاننا مش في السعودية!...ياخي و ياختي ترى ماراح تموتون من الجوع...البدائل و خير رب العالمين كثيرة كثيرة...لو هي بيضة و خبزة بس اهم شي انها نظيفة و حلال!....عموما محلات الذبح الاسلامي موجودة....و شركات امريكية للذبح الاسلامي كمان موجودة...ومسلمين كثير بيساعدونك موجودين....لاحد يقولولي ماعنده وقت للامور هذي...سبحان الله يعني عندكم وقت تخربونها بالطلعات المشبوهة و على البيتش في ميامي و ديزني و التنقل من مدينة لمدينة و ماعندكم وقت تدورن اكل لانفسكم!--->ناس متناقضة!
- فتاوى من السعودية:
وشدعوى! وشعرف العلماء اللي في السعودية و لا يدرون عن امريكا؟ اغلبهم بالسعودية ومش عايش الوضع و البعض ماعنده اطلاع بحقيقة مايحصل هنا!....بعدين هنا ناخذ بفتوى جماعة المسلمين اللي في المراكز الاسلامية...ياخي خلاص ليه تتبع الرخص و شيخ المسجد الفاضل بامريكا قال حرام!...ليش اللف و الدوران!...خلي اللي في السعودية بالسعودية على نياته...ترانا بعالم ثاني مختلف.
عموما....اغلبنا درس ابتدائي و متوسط و ثانوي...وعارفين اسياسيات امور دينا.
- الغالبية في امريكا كاثوليك:
و الكاثوليك متبعين قاعدة التثليث و الرب عندهم ثالث ثلاثة...تعالى الله عما يقولون علوا كبيرا!...وهم كفار لقوله تعالى:
- والقول بأن عيسى ابن الله قول عظيم ومنكر كبير .. ( وقالوا اتخذ الرحمن ولداً - لقد جئتم شيئاً إداً - تكاد السماوات يتفطرن منه وتنشق الأرض وتخر الجبال هداً - أن دعوا للرحمن ولداً - وما ينبغي للرحمن أن يتخذ ولداًً - إن كل من في السماوات والأرض إلا آتي الرحمن عبداً ) مريم/88- 93.
- وعيسى ابن مريم بشر وهو عبد الله ورسوله فمن اعتقد أن المسيح عيسى ابن مريم هو الله فقد كفر .. ( لقد كفر الذين قالوا إن الله هو المسيح ابن مريم ) المائدة/72.
- ومن قال إن المسيح ابن الله أو ثالث ثلاثة فقد كفر .. ( لقد كفر الذين قالوا إن الله ثالث ثلاثة وما من إله إلا إله واحد وإن لم ينتهوا عما يقولون ليمسن الذين كفروا منهم عذاب أليم ) المائدة /
موقع الإسلام سؤال وجواب - نبذة عن نبي الله عيسى عليه السلام
- و أهل الكتاب المسيحين هم المسمون بـ:
Unitarianism
Unitarianism - Wikipedia, the free encyclopedia
- عموما الغالبية بعيدين عن الدين و المبادىء و مايهتمون لاصل الاكل.
- أرسلت لاحد الشيوخ الافاضل العامل في أحد المحاكم الشرعية بالشرقية و بينت له الموضوع...قلت له ياشيخ انت قلتي اذا سكنت عند عايلة امريكا لا تسألها عن الاكل و اكل وبس و ماعليك؟
وشلون كذا ياشيخ؟
وليش المخالفة لنصوص القران الصريحة؟
و فوق كل شي نفسي تعوف الشي هذا!
و الاهم ياشيخ اصدقائي مسلمين عاملين بالمطاعم و الشركات و من اهل البلد نفسة أكدوا لي بأنهم لا يذبحون بتاتا لان ماعندهم وقت!
وشلون اكل شي مش مذبوح!....
رد الشيخ علي بتجنب الاكل....و خلاص انتهى الموضوع.
- المشاهد للاسف:
ورب المصحف...كنا في نقاش مع اهل المسجد و استقبلت أسئلة:
ليش انتم ياسعودين نلاقيكم بكثرة في المطاعم الامريكية المعروف بانها تستخدم الصعق الكهربائي؟
و لما ننصحكم تقولون احنا عندنا فتاوى من بلدنا؟
.
.
بصراحة بلعة لساني...وش اقول؟...وش ارد؟...كلامه صحيح!...بس جماعتنا اللي في المطاعم و يبلعون و لاهمهم شي!
وسبق اني نصحت وكان الرد:
ياخي انت وش دخلك....طيب وش رايك اني ماكل خنزير قدامك!...بكيفي!....وكأن المسألة عناد!
- يا أخوان الواحد وراه حساب و عقاب...و مجددا من باب النصح:
1- ابحثوا بالنت عن الفرق بالدارسة التي عملت على شريحتي لحم واحد ذبحت و سمي عليها و اخرى لا...وانظروا الفرق سبحان الله.
2- كيف لكم نفس بان يدخل بطنكم و جوفكم اكل قذر؟...ترى نص الشعب هنا مرض بامراض الله يعلم فيها ماتلاقها عندنا و لله الحمد.
3- وين عزتكم بالاسلام؟....وين راحت تربيتنا و اخلاقنا و هويتنا؟
.
.
.
اكتفي بهذا الاسئلة من القلب لقلوبكم...
و أسال الله العلي القدير أن يثبتكم دنيا و اخرة...
اللهم اكفني بحلالك عن حرامك....
سبحان الله و بحمده سبحان الله العظيم.