مشكلتي مع القنصلية بالضهران ::: معاناة ،، مأساة ،، رفع ضغط ...

هلو عليكم ....

عملت المقابلة في القنصلية بالضهران و عطوني و رقة صفرة >>> (لأني مابعد استلم ال I-20 )
و قالي القنصل اذا كملتي بقية النواقص أرسليهم على الإيميل الموجود في الورقة الصفرة

المهم ...

كملت أوراقي و طيران رحت دفعت رسوم السيفس و أرسلتهم عن طريق الإيميل >> مثل ما طلب مني

طبعا انا مرافقة لزوجي لكن بطلع لي F1


و من هنا تبدأ المعاناة ..

ارسل للقنصلية استفسارات ولا ترد عليي..

الى ان شفت في احد المواضيع طريقة الاستفسار عن وضع الفيزا وهي كالتالي:

Dear Sir/ Madam,

Good morning / afternoon,

Kindly, I wish toknow the status of my visa application.


Myinformation:
Name:
Passport No:
Visa type:
Birth date:
Date of interview:
Known that the study will start on:


Best Regards,

وجاني رد آلي (مثل ما قالوا في الموضوع)
وبعدها يجيني رد الطامة الكبرى الا وهو:

Dear Visa Applicant,
In order to complete theprocessing of your visa, please provide the consulate with the followingdocuments:
1- Scanned copy of a Valid I-20
2- SEVIS Fee receipt for the I-20.
Please reply to thisemail with the required documents at your earliestconvenience.
Regards,
Visa Unit – Dhahran



تفاجعت حدي

لاني من شهر راسلة لهم النواقص

وكلما رسلت يجيني نفس الرد(طبعا صار لي اسبوعين ويا هالمراسلة)

طبعا مايردو الا على الرسالة (طريقة الاستفسار عن وضع الفيزا)

يعني اي زيادة فيها مايردو ولا حتى يجيني رد آلي



ايش اسوي وياهم وانا دراستي بعد اسبووووووع ويومين بسسسسسسس ؟؟؟؟؟

وش المعنى بس هالرسالة يردوا عليها والباقي ما يردوا ؟؟؟؟

ستين ألف استفسار وسؤال ولا يردوا !!!!!!!!!


ارتفع ضغطي وياهم موووووووووول

الله يعينك انصحك تكلميهم هاتفيا افضل
033303200
هذا رقمهم اخذت من موضوع هنا في مبتعث
دعواتك بتيسير اموري

اقتباس:

---

المشاركة الأصلية كتبت بواسطة lilo

الله يعينك انصحك تكلميهم هاتفيا افضل
033303200
هذا رقمهم اخذت من موضوع هنا في مبتعث
دعواتك بتيسير اموري

---

اتصلت عليهم لاكنهم ما يردو على الإستفسارات بخصوص الفيزا الى عن طريق الإيميل

شكرا لك على كل حال

ارسلي لهم رساله واكتبي فيها انك ارسلتي قبل شهر النواقص وارفقي فيها الاي تونتي وصوره من الجواز وصوره من الشهاده البنكيه الخاصه بك كل ششي يعني ..
وارسليها اكثر من مره بالليل ارسليها مره ومرتين بالنهار ...
ترى من جد القنصليه ذي ماينفع معهم الا كذا انا لما ارسلت لهم النواقص ارسلته لهم 3 مرات بعدها ردو علي يأكدو انهم استلموهم ..

وقبل اسبوعين طفروني بسالفة الدول اللي سافر لهم اخوي اكثر من مره ارسل لهم يرجعون يطلبونهم مني ...



الله يعينك ويعنـآآ عليهم من قلب يطفرووون الواحد انـآ كنت اقول القنصليه اهون من تجسييير طلعو نفس الطقه مااااافيه فرررق


ياااااااااااااارب تسسهل على فيزتك وفيزة اخوووي ..

اقتباس:

---

المشاركة الأصلية كتبت بواسطة الخبر داري

ارسلي لهم رساله واكتبي فيها انك ارسلتي قبل شهر النواقص وارفقي فيها الاي تونتي وصوره من الجواز وصوره من الشهاده البنكيه الخاصه بك كل ششي يعني ..
وارسليها اكثر من مره بالليل ارسليها مره ومرتين بالنهار ...
ترى من جد القنصليه ذي ماينفع معهم الا كذا انا لما ارسلت لهم النواقص ارسلته لهم 3 مرات بعدها ردو علي يأكدو انهم استلموهم ..

وقبل اسبوعين طفروني بسالفة الدول اللي سافر لهم اخوي اكثر من مره ارسل لهم يرجعون يطلبونهم مني ...



الله يعينك ويعنـآآ عليهم من قلب يطفرووون الواحد انـآ كنت اقول القنصليه اهون من تجسييير طلعو نفس الطقه مااااافيه فرررق


ياااااااااااااارب تسسهل على فيزتك وفيزة اخوووي ..

---

الله يعطيك العافية و ما قصرتي

راح أعمل بنصيحتك