تكفون الفـزعه ابـوي وامي يقلون لي لاترجع حتى تضمن البـعثه وانا طالب توني منضم للبعثه!
ياشباب والي يرحم والديكم افيدوني بالي تستطيعون عليه تكفوووون مابي يروح تعب 9 شهور على الفاضي اكهلت فيه جيب ابوي
وكل ماكلمته يقولي لاترجع الرياض الا وانت متأكد وضامن البعثه
هذي 3 مره اطرح نفس الموضوع وماحصل ردود شافيه الله يعافيكم حطوا نفسكم مكاني عسى الله يوفقكم
موضوعي بختصار ضموني للبعثه قبل شهر تقريباً ويوم ضموني للبعثه وقفت دراستي وطلبت من الادفايزر ضمان مالي موجه لجامعه ومعهد كنت ارغب فيها يوم كنت طالب على حسابي الشاهد عطاني الضمان المالي وقال جيب منهم قبول مشروط قدمت على الجامعه والى الان ماجاني القبول المشروط وانا الحين جالس بدون دراسه واذا جاني القبول منهم راح يكون في شهر ماي يعني تقريباً بعد شهرمن الان انا الحين محتار ودي ارجع للسعوديه واشوف اهلي وخلص بعض الاوراق المهمه وبنفس الوقت خايف تروح علي البعثه لو درواالملحقيه اني راجع للسعوديه مع العلم بأني الحين جالس بدون دراسه !!!
دقيت على الآدفايزر وشرحت له السالفه قال ماقدر افيدكـ لكن لآتجلس بدون دراسه وقالي اذا جاك القبول المشروط ارسلي الرساله
فيه شباب قالوا لي لاتطلع امريكا الا وانت قايل للملحقيه ومعطي الادفايزر خبر وفيه شباب قالوا اطلع ولاتقول لاحد ابي رايكم ياشباب ايش اســوي الحين وربي محتار ومابي اضيع الوقت ارجع للسعوديه ولا لا !!
واذا قلنا مثال اذا ماجاني القبول المشروط من الجامعه معناته يبي لي وقت اضافي اقدم على جامعه ثانيه هل الملحقيه راح تسمح لي ولا لا ارجوووكم افيدوني خايف تروح علي البعثه وانا 9 شهور على حسابي الله يوفقكم ويجزاكم جنات النعيم
رد: تكفون الفـزعه ابـوي وامي يقلون لي لاترجع حتى تضمن البـعثه وانا طالب توني منضم للب
خلك بالسليم وكلم الملحقية وراسلهم على جميع ايميلاتهم , محد راح يفيدك إلا هم , واترك عنك كلام القيل والقال
" لايمكن لأحد أن يعطيك نصيحة , أكثر من نفسك "
وبالتوفيق:)
رد: تكفون الفـزعه ابـوي وامي يقلون لي لاترجع حتى تضمن البـعثه وانا طالب توني منضم للب
اخوي المفروض من تسع اشهر تجيب قبول مشروط وانت على حسابك الخاص .. لكن الحين ماينفع نقول لو جايب والمفروض جبت
انا اشوف انك تاخذ الضمان المالي من الملحقية وتكمل في المعهد دراسة اللغة ولاتجلس كذا بدون شي وتنتظر قبول الجامعة يوصلك يعني كلها شهر استفد منه في الدراسة ومنها تسكت الملحقية على شان مايقولون انت جالس بدون شي .. ودام انك صبرت 9 اشهر كملها العاشر وانا اخوك وانت قدها وبعدها ارجع السعودية وخل امك وابوك يشبعون من وجهك ويطردونك من البيت بعد ههههه يقولون لك ارجع
والله يوفقك يالغالي
رد: تكفون الفـزعه ابـوي وامي يقلون لي لاترجع حتى تضمن البـعثه وانا طالب توني منضم للب
وعليكم السلام اخوي انت غلطان من الاول المفروض ماتطلع الا والقبول معاك
لكن نصيحتي خلك في المعهد لاتطلع ولا تفكر ترجع السعوديه لاني قرية ان البعثه تنسحب من الشخص اللي يرجع السعوديه بدون علم الملحقيه
انت خلك في السليم واستمر مثل ما انت ادري ان الغربه صعبه و 9شهور ماهي قليله لكن علشان لاتضيع تعبك طول الفتره هذي اصبر شهر شهرين والله بيفرجها لك
وانت هونها وتهون عليك بالدعاء وقيام الليل .
الله يوفقك