بسم الله الرحمن الرحيم
والصلاة والسلام على رسول الله أما بعد
السلام عليكم ورحمة الله وبركاته
الحين بكتب لكم كل شي صار معي في (( السفارة الأمريكية))
وهنا إذا احد سمع السفارة الأمريكية أو مقابلة يخاف إلى درجه ما تتصورونها <نفسي قبل المقابله
بس أحب أطمأنكم إن الوضع جدا بسيط ولا احد يخاف حتى اللي ما يعرف يتكلم الانجليزي < انأ سويت المقابلة وما اعرف في الانجليزي شي
ما أطول عليكم خذوا التقرير
موعدي كان في تاريخ 8 مارس يوم الثلاثاء الساعة 8 صباحا
المهم حضارة الساعة 7:50 ولقيت الناس ماسكه سرى <<<<ينفع السرى:)
المهم اللي موعده 8 يتقدم مباشرة لاينتظر لانه فيه ناس لهم اوقات مختلفه
اولا: الشباك الاول: تطلب منك ورقة موعد السفارة والإيصال اللي من بنك سامبا
ثانيا: الشباك الثاني: جنبه على طول يقول معك شي عطنيه مثل جوال أو إي شي ثاني يا حطه لك في ظرف وتسلمه داخل
فيه باب جنبه يفتحه واحد ويدخلك
وتلقى الحرمة اللي يقلون عنها شريرة << عاد إنا ما ادري قريت عنها
وتلقى جهاز نفس اللي في المطارات وإذا كانت لبس شوز وانتم الكرامة تنزله<<< أما عن البنات لا احد يسالني:confused:
وياخذون منك الظرف ويعطونك رقم لا تضيعه
وتطلع من غرفة التفتيش الصغيرة
وتجي في ساحة وراح تشوف عسكري جنبك أمريكي
المهم امش للباب اللي قدامك راح تشوفه
وإذا جاك الباب مكتوب عليه تحذير يقطع الأصابع انتبه من الباب
تدخل وقدامك فلبنيه طبعا لازم السرى أهم شي النظام
وتطلب منك الجواز و ورقة الموعد ويعطيك رجل الأمن اللي عندها رقم وبعدها تروح الغرفة اللي جنبه تنتظر دورك
إذا جاء دورك وش تسوي
طبعا الدعوة بسيطة
يقولك عطني جوازك وش عندك بتروح أمريكا طبعا دراسة عندك قبول سلمه له
ويسألك أخر خمس دول سافرت لها
وبعدها يقول حط أصابعك أهم شي لا تتوتر<< أنا يقولي حط اليمين أحط اليسار<<وش هذا الغبى لزوم نعلم الشيخ بالسالفه هههه:):)
المهم يحط جوازك والقبول والإيصال مع بعض ويربطه با المغاط
عاد تروح تنتظر لين يجي دورك <<< اذا طلعت من الغرفه تروح يمين وتلق الناس ينتظرون
المهم جا دورك
يسألك عربي ولا إنجليزي << طبع قلت عربي وهو يتكلم عربي مكسر
يقول ليش بتراوح أمريكا طبعا دراسة
هل أخذت تأشيره من قبل
اهلك وين ساكنين
أخر خمس دول سافرت لها
ع حساب من رايح<<<<اضحك هنا عاد سألني ع حساب من رايح طبعا ع حساب أبوي" قلتله ومسوي إني فاهم الانجليزي قلت أخي با الانجليزي:)
عاد انتبه قلت لالا لا عاد هو قال الوالد قلت إيه
عاد قالي خلاص موافقين ع التأشيرة بس عندك شي <<<<أهم شي خل أوراقك كأمله تمشي اموارك بسهوله
الضمان المالي صارله ثلاث شهور نبي واحد جديد قلت له اوكيه قال أرسله ع الايميل حقا
عاد إنا فيني لقافه وأسئلة كثيرة<< قلت له متى تطلع التاشيرة اللي كل واحد يهمه هذا السؤال قال :ثلاث أسابيع قلت له شكرا
وبعدها تروح فيديكس وتدفع الرسوم << اهم شي يكون معك كاش داخل الرياض 65ريال اما خارج الرياض تقريبا والله ما اعرف بس تحت 200ريال
وبعدها رحت أرسل الضمان البنكي << يوم السبت أرسلته ع الايميل
المهم يوم الاثنين جتني رساله ع الجوال<<من فيديكس
ورحت الفرع واستلمت الجواز وفيه التاشيرة
طبعا فيه ناس متفاجأه هو قال ثلاث أسابيع وطلعت في ثلاث ايام<< مو كل اللي سوو معي مقابله طلعت تاشيرتهم
في واحد معي في نفس اليوم للحين ما طلعة تاشيرته مع العلم انه مبتعث ع حساب الوزارة تختلف من واحد والثاني
وهذا كل اللي صار
وسامحوني على التقصير وأي استفسار أنا موجود وان شاء الله اقدر أساعد اللي اقدر اساعد فيه
وشكرا.
