ضروري يا إخوان السفارة الأمريكية رفضتني

الرجاء المساعدة يا إخوان

ضروووري جدا

السفارة الأمريكية رفضتني

أبقول لكم السالفة من الأول

أنا ناوي أدرس على حسابي ووصلني الأي تويني قبل أسبوعين تقريبا

و اليوم كان موعدي في السفارة الأمريكية ولسوء حظي صادف 11 سبتمبر

المهم رحت السفارة وبعد ما مرمطوني شوي

جا وقت المقابلة

قابلتني وحدة نفسها في خشمها ولسوء حظي أيضا ماكان فيه مترجمين

لغتي كويسة لكني كنت مرتبك وماني قادر أجمع كلامي

وسألتني أسئلة كثيرة وأغلبها أسئلة شخصية

وأنا ارتبكت وما عرفت أجاوب

وطلبت مني شهادة الثانوي والضمان البنكي وللأسف ما كنت داري انهم مطلوبين

وقلت لها أنا آسف ما كنت داري انها مطلوبة

المهم بالأخير

جت قالت لي أنت لست مؤهل للحصول على فيزا

لأنك ما أثبت جديتك

وماراح تقدر تقدم مرة ثانية الا بعد سنة كاملة ؟؟؟؟؟؟؟؟!!!!!!!!!!!!

أنا وقتها انصدمت وانعقد لساني وما قدرت أقول شي

وأخذ أوراقي و طلعت وأنا طالع سألت وحدة من الموظفات وقالت لي مالك الا تقدم شكوى

قلت لها كيف ولمين

قالت ما أدري انت استفسر بنفسك وهذا الحل الوحيد

هاه يا اخواني وش رايكم

أتمنى تساعدوني

اللي حصل له نفس الموقف ياليت يقدر يفيدني

واللي عنده خبرة ياليت يعلمني وش أسوي

لو أبي أكتب شكوى ,, كيف أكتبها ولمين أرسلها

وش أسوي الحين

المشكلة إني سويت حركة غبية جدا

سحبت ملفي من جامعة الملك سعود على أساس إني ضامن الفيزا ,, سمعت ان السفارة الامريكية

ما يدققون وقلت انشالله الفيزا مضمونة

بس صار اللي صار

رجاء يا اخوان المساعدة

الله يكون في عونك

رح للسفارة نفسها وشف العلاقات العامة وقدم شكواك بس جب النواقص

يالحبيب وهو لازم تروووووح امريكا روووح كندا افضل او اي شي ثاني والله يكتب الي فيه الخير

الله يكون بعونك ... بالنسبة للسفارة وبالذات في المقابلة لازم تكون واثق من نفسك ودقيق في اجابتك .. وبدون اي تردد أو ارتباك ..

أخوي نصيحة حول على كندا وسيبك من امريكا اللي مايجي من وراها الا القلق ورفع الضغط <شوف توقيعي

وترى كندا متساهلين في الفيزا ولا في مقابلة زي السفارة الكندية وغير كذا المعيشة فيها جدا مريحة والله يوفقك وين مارحت

يااااااااااااااه وش ذا القهر بس لاتقلق لك فيها خيره عموما اذا جوازك ختموا عليه فعلا ماتقدر الابعد سنه لكن اذا رجعت لك الجواز ولا هو مختم بالرفض نصيحتي سو لك موعد ثاني وقدم وكأن شي ماصار ولا عليك منها ........( كلام من واقع تجربه حقيقيه اعرف صاحبها شخصيا)

بعد السلام
انا ارى انه يفترض علينا عدم اختيار موعد المقابلة في 11 سبتمبر حرصا على المشاعر

من دام صار لك هالموقف ..

نصيحتي لك انك تحوّل لـ دوله غير امريكا ..

الافضل في وجهة نظري هي كندا ..

فـ عدد سكانها قليل جدا بالنسبه لـ مساحتها ..

و هم الان يهتمّون في المهاجرين كـي يزيد عدد سكانهم ..

الافضل انك تروح لـ كندا يالغالي او اي دوله ثانيه ..

المشكله ما اتوقع احد يقدر يخدمك خدمه كامله لأن الموضوع فيه السفاره الامريكيه ..

المقصد انهم يفعلون اللي يبونه و لازم انك تمشي على كلامهم ..

فيه طريقه حلوه فكرت فيها .. و بكيفك تبي تسويها او لا ..

لاني لو كنت مكانك كان افكر اني اسويها ..

اذا اللي قابلتك ما كتبت شيء على أوراقك او جوازك مثلا يدل على انك محروم من الفيزا لمدة سنه ..

ليش ما تجيب النواقص و تجي من بكرى و تكمل اجراءاتك .. !؟

يمكن الموظفه اللي قابلتك قالت لك هالكلام كـ تخويف مثلا ..

كل عام وانتم بخير جميعا

هي ما ختمت على جوازي لكن عطتني ورقة مكتوب فيها هالكلام والورقة مختمة

وشفتها ختمت على الأبليكيشن حقي

لكن الجواز نظيف بدون أختام

أخاف أسويها وآخذ موعد ثاني ويقولون لي اننا قايلين لك انك ما تقدر

ويحطوني في البلاك ليست والا شي من هذا القبيل

أو أخاف أروح مرة ثانية وتقابلني نفسها الأولى ذيك

فيها مخاطرة

لكني قررت أقنع الوالد على كندا وبعدين يصير خير

بعد سنة أحول على أمريكا أو اذا أنا مرتاح في كندا قعدت فيها

^

^

^

كلامك صحيح

رح كندا خذ فيها مثلا اللغه

وبعد السنه حول على امريكا

صدقني لو رحت كندا ما اتوقع تحول بعدها :)

وانتبه للسفاره الكنديه لايتنسى شيء بعد لوووول

بالتوفيق