الله يحرم عليك النار يالي تساعدني آمين آمين يارب العالمين ! تكفون في ورطه
السلام عليكم ورحمه الله وبركاته
اسأل الله العلي العظيم بأن يفرج هم كل من ساعدني في محنتي هذي وان يرزقه اعلى الشهادات في دراسته ويفتح له ابواب الرزق ويبعد عنه كل الهموم والمشاكل والفتن آمين آمين آمين يارب العالمين .
اخواني هذي المره 3 الي اطرح فيها نفس التساؤلا والاستفسار ولا حصل إي اجابه ارجوكم الي يحصل إجابه عضو من الاعضاء مافيها رد كافي لايخليني ويروح تكفوون ابيك تجاوب توضح لي لإن بعض الاعضاء مشكوراً يكتب ماعندي خبره انشاء الله الاخوان يفيدونك ويطلع ماراح استفيد شي :(
عموماً اليكم التفاصيل انا انضميت للبعثه قبل شهر تقريبا بقرار الملك الاخير ولما ضموني للبعثه قلت فرصه اروح لمعهد قوي وجامعه قوي وقـفت دراستي في المعهد الحالي وطلبت من الادفايزر ضمان مالي موجه للمعهد الي ابي اروح له ارسل لي الادفايزر الضمان المالي موجه للمعهد وقالي جيب قبوول مشروط منهم ارسلت لهم اوراقي كامله من 20 يوم والى الآن ماجاني رد واحتمال مايقبلوني واذا قبلوني راح تكون الدراسه في شهر ماي يعني بعد شهر كلمت الجامعه وقلت لهم وش صار على قبولي قالوا لي اوراقك الحين عند المدير وقدامها اوراق كثيره لآزم تصبر انا الحين جالس في امريكا بدون دراسه بنتظار القبول الي ممكن مايجيني واذا جاني بيكون موعد دراستي فيه بعد شهر يعني في ماي انا افكر ارجع للسعوديه وجلس فيها شهر لكني خايف يدرون عني الملحقيه ويلغون بعثتي الي ماصدقت تجيني واخاف ارجع للسعوديه وايضاً مايجيني قبول من الجامعه الي قدمت عليها سؤالي ايش اسوي الحين هل اكلم الادفايزر اقوله يوقف بعثتي؟
او ارجع للسعوديه بدون ماكلم الادفايزر واذا ماجاني القبول كلمت الادفايزر من السعوديه وقلت له يعطيني هولد لين اجيب قبول من معهد وجامعه ؟
ارجوكم انتظركم تخيلوا ياخوان الوالده الله يحفظها تقولي لاترجع من امريكا الا وانت ضامن البعثه يكفي 9 شهور ندفع لك وانا مادري وش اقولها وبنفس الوقت مابي ارجع للسعوديه وبالي مشغول في امريكا في القبول وووالخ ابي رايكم الله يوفقكم ارحموني الليل كله افكر مادري وش اسوي الطلاب كلهم يداومون وانا على الانترنت في الشقه كل لليله !!!
***** ملاحظه انا حجزت تذكره بعد 5 ايام ذهاب الى مدينه الرياض وكلمت اهلي على اساسا اني برجع
بنتظار ردودكم
رد: الله يحرم عليك النار يالي تساعدني آمين آمين يارب العالمين ! تكفون في ورطه
رد: الله يحرم عليك النار يالي تساعدني آمين آمين يارب العالمين ! تكفون في ورطه
أخي العزيز
أنا ماأعتقد أن الملحقية تقدر توقف بعثتك في حالة أني رجعت. بس نصيحتي لاترجع السعودية ولا تنتظر المعهد يقبلك. قدم على معاهد أخرى لكي لاتضع نفسك في مأزق في حالة عدم قبولهم ( أنشاء الله مقبول بس الأحتياط واجب)
هذا إلي أنا أشوف وأنشاء الله الأخوان والأخوات في المنتدى ممكن يكون عندهم رأي أرجح
بالتوفيق يالغالي والله يعينك
رد: الله يحرم عليك النار يالي تساعدني آمين آمين يارب العالمين ! تكفون في ورطه
انتبه من الاميقريشن
ترا مشكلة اذا قعدت بدون دراسة يمكن يرحلونك من امريكا
نصيحتي كمل بمعهدك الين يجي قبولك....
وبالتوفيق
رد: الله يحرم عليك النار يالي تساعدني آمين آمين يارب العالمين ! تكفون في ورطه
الله يعيــنك ونشاء الله تحصل ردود
رد: الله يحرم عليك النار يالي تساعدني آمين آمين يارب العالمين ! تكفون في ورطه
اشكر كل الاخوان الي شاركوا فووووق الله يوفقكم وماقصرتوا
واتمنى اتمنى اتمنى اشووووف ردود تفيدني الله يعافيكم وربي كل شوي ادخلعلى الصفحه على امل اشوف رد يريحني ولا حصل الي عنده رد يفيدني ومعلومه تكفوووو ن يعطيني ايها بنتظاركم
رد: الله يحرم عليك النار يالي تساعدني آمين آمين يارب العالمين ! تكفون في ورطه
حاول تروح لمعهدك اللي اخترته وتستعجلهم وتشرح لهم الوضع وبالاضاف ابحث لك عن معهد اخر قوي من وجه نظرك وراسلهم
والله يعينك
رد: الله يحرم عليك النار يالي تساعدني آمين آمين يارب العالمين ! تكفون في ورطه
أسئل الله ان يعينك..
للرفع الله يرفع قدرك..
رد: الله يحرم عليك النار يالي تساعدني آمين آمين يارب العالمين ! تكفون في ورطه
اقتباس:
المشاركة الأصلية كتبت بواسطة استقراطي
حاول تروح لمعهدك اللي اخترته وتستعجلهم وتشرح لهم الوضع وبالاضاف ابحث لك عن معهد اخر قوي من وجه نظرك وراسلهم
والله يعينك
رأيي نفس رأي استقراطي الله يجزاه خير ,
جد لازم تروح لهم شخصيا وتشرح لهم وضعك وبنفس الوقت ابحث عن معاهد قوية غيرهم وراسلهم علشان لو جاك تنبيه لاسمح الله يكون عندك بديل سريع وجاهز