حوار لنكون صريحين ونكتب راينا في.....

والله زي ما قال مودرن !
الموضوع موضوع يجوز والا ما يجوز يعني حرام والا مو حرااااام !

اختي اذا تهتمين للحرام والحلال فـ الفتوى معروفة و واضحة و تقدرين تكلمين الشيوخ الثقات في السعودية وتسمعين بنفسك مع اني اعتقد انك عارفتها تمام و مقتنعة فيها
لكن اذا انك تبغين تطلعين بغض النظر عن انه حلال والا حرام فـ انا مبتعث و اشوووف بنات كثير لحالهن ما معهن محرم .. وضعهن واحد من اثنين :

1 - محترمة جدا و لا تعرضت لـ اي مشكلة او مضايقة لانها ما تحط نفسها في اماكن او اوقات تخليها عرضة للمضايقات
2 - دايره على حل شعرها و هذولا مررررررره قليل لكنهم ظاهرة و مقززة لما نشوفهم نكره طلعة البنت بدون محرم

من ترك شي لله عوضه الله بخير

بالسفر لازم يكون معك محرم لكن هل سكنك هناك ( يعني انتي مستقره ) هل يعتبر هذا سفر ؟

بالعربي هل يجوز ان تسكن بالغربه لوحدها

توكلي على الله وروحي
البنات السعوديات هنا ماشا الله عليهم
انتي بس أمشي سييييدة ولا تكونين الا بكل خير

الله يوفقك

يمكن رايي مو مهم لأني أنثى
بس أحب أأكد لك أن سفر المرأه لوحدها لا ينفي أخلاقها لأنه شي راجع لشخصية البنت فيه هنا بنات مسكر عليهم مايروحون حتى سوبر ماركت
ومع هذا بلاوي سكايب و تعارف نت وخرابيط ... الخ ,, يعني الأمر راجع لتربية البنت و قناعاتها
ولكن لو جينا الحكم الشرعي لا يخفاك إنه لايجوز سفر المرأه لوحدها بدون مُحرم
بالنسبة لي لو حصلت لي بعثه بدون محرم مارح أروح وبطلب الله يعوضني

انا ابي اقول رايي
انا بعد قبيلي
لكن انه تروحين بدون محرم صعبه
والله لو اختي ما اخليها تروح
والامر راجعلك
يعني اذا ما درستي بالخارج ما توقف الدنيا
بامكانك تدرسين هنا الله ما كثر الا الجامعات
الله يوفقك..

السلام على من اتبع الهدى
هو موضوع يعتمد بالدرجة الأولى على شخصيتك اذا قد تحمل اعباء الغربة والمسؤلية او انك متعودة ان احد يكمل واجباتك عنك
لأن هنا بصراحة الفرق واضح بينا وبين الي يجوا مع ازواجهم تحصلي كل شي على زوجها وهو متحمل صغيرة وكبيرة اما احنا حتى لو معنا اخواننا نلتزم بأشياء كثيرة من السكن والقبولات
وحسابات البنوك بس صدقيني هو يبين صعب بالبداية بس بعد فترة بتستمتعين بالمسؤلية والأستقلالية وتكسبي خبرررررره صعب وحده ثانية تكسبهاااا بتكوني عن ألف رجال
وعن حكم المحرم بالسفر فالأقوال مختلفة واذكر البعض كانوا يشددو على وجوده حتى لما تطلعي السوق لكن الوضع تغير هالحين ودامها بتنقل لمدينة تعيش فيها فهي تعتبر من سكان البلد
نصيحتي لك استعيني بالله وادعي الله لصحبة الصالحة وانتي مجاهدة لاتنسي

أولا أنا مستغربه من اللي يقول سفرالمرأه بدون محرم اختلف فيه العلماء تلعبون على مين انتم على نفسكم والا على ربكم عظم شأنه هذه فتوى مؤكده بأحاديث صحيحه ومعروفه من عهد الصحابه يعني بجي اقولكم اشرب خمر والا حرام!!
سفرك يااختي بدون محرم له اضرار نفسييييه كثيرودينيه
ثانيا اللي يقول عادي سافري لوحدك أتحدى اذا خلى أخته او زوجته تسافر لوحدها
ثالثا وجود رجل برفقتك مهم لأنه يريحك في اشياء كثيره مستحييل المرأه تنجزها لحالها يكفي اذا مشى جنبك تحسي بالأمان ولا يلعب عليك اللي يقول المرأه عن مية رجال مهما كان تضل المرأه مرأه في بنيتها الجسميه وعقلها ايضا اقرب موقف تموت مكانها
رابعا نفترض انك سافرتي وانطويني على نفسك خوفا من الخروج تقدرين تحبسين نفسك بالغرفه ثلاث سنين عالاقل والله يجيك وسواس قهري
والالتحاق بالبعثه ليس شرطا للحياه ان لم تحصلي عليها لن تموتي ولن تكون نهاية العالم صدقيني الوضع صعب وان استسهله لك بعض الاشخاص
واخيرا اتمنى لك التوفيق واعتذر ان كان اسلوبي قاسيا بعض الشي

مآفي كلآم فوق كلآم اختنآ sh.ad

كفيتي ووفيتي وكثر الله من امثآلكـ ,,

طيب وين واصل طموحك ؟
ايش تبين تصيرين ؟ بتطلعين تدرسين في امريكا عشان يقولون ان شهادتها من امريكا ..الخ
او لان عندك هدف وتبين تاصلين له ؟



قبل كل هذا تذكري حديث الرسول عليه الصلاة والسلام ,(لا تسافر امرأة إلا مع ذي محرم )

طيب واذا بدويه وقبيليه ؟ منزله من السما مثلاً ؟ ولا ملاك طاهر محد يقربك ؟

عنصريه رهيبه ذابحتكم وطايرين في قبايلكم واصولكم, طيب واذا يعني ؟!!!!

تعالو امريكا هنا توريكم مين انتو وتعلمكم تنسو العنصريه الي فيكم ذي